ألى السادة الأفاضل خبراء اللوجان أرغب فى استشاراتكم فهل تساعدونى؟

[zoro2]

السلام عليكم ورحمة الله وبركاته
كل عيد وأنتم جميعا بخير وبخاصة اسرة المنتدى المحترمين ومالكى اللوجى بصفة خاصة
حابب استفسر منكم على شوية أسئلة لأنى عضو جديد ولسه شارى لوجى من شهر رمضان الكريم أكرمكم الله وأعاده علينا أعوام وأعوام
1-أنسب نوع من حساسات الركنة والشاشة المناسبة وحجمها ونوعها وهل البلوتوث أفضل ولا لأء؟
2-تركيب لمبات زينون ألأفضل والسعر ألأنسب؟ ومنين ؟سبير كار ولا حد تانى
3-مدى كفاءه تركيب جهاز الأنذار بالتوكيل بمعنى له جدوى مع نظام الإيمبلويزر ولا ملوش لازمة وهل لأى حد منكم ركبه اتحكم فى حساسيته بمعنى أنا عاوز حساسية لو( كلب) عدى جنب العربية الأنذار يفضحه لأن وقاكم الله السرقة فى شارعنا على ودنه وحسبى الله ونعم الوكيل فى الحرامية والشرطة اللى مكبرة دماغها فين عربيات الأتارى اللى كانت مصدعة دماغنا قبل الثورة باعوها ولا شغلوها بالنفر ولا يمكن اتسرقت
3-سمعت وقرأت كتييير فى المنتدى وبره المنتدى عن جهاز Gps tracking فهل فعلا مواصفته زى ماهو منشور بالمنتدى وهل له لازمة فعلا وعملى أحب أسمع رأى الخبراء فى الموضوع ده
4-هناك مشترك يباع بيحول تيار البطارية من 12 الى 220 فولت وحوالى 30 امبير فما فوق ويستخدم طبعا لتشغيل اللابتوب فهل لمن أشتراه تاثير على البطارية فى حالة السير أو الوقوف؟؟
5-كيف اعرف عدد اللترات المتبقية من البنزين بالأرقام من خلال اللوحة الإلكترونية علما بأن أحد الزملاء شرحها فيديو ولما جربتها لم استطع معرفة الطريقة صح وعربيتى اتوماتيك 2013
وطبعا كل ما ذكرته أود ان افعله والعربية متخرجش من الضمان
انا عارف ان اسئلتى كتييييييييييير أسف للأطالة بس يشهد الله أننى وانا بكتب الموضوع أحساسى من خلا الردود فى مواضيع مشابهة بجدعنة الأعضاء وخدمتهم لأى عضو وخيركم من تعلم العلم وعلمه .
وجزاكم الله خيرا

Dr\zoro2

[sherifabden]

المشاركة الأصلية كتبت بواسطة zoro2 السلام عليكم ورحمة الله وبركاته كل عيد وأنتم جميعا بخير وبخاصة اسرة المنتدى المحترمين وانتا بخير ياباشا ومالكى اللوجى بصفة خاصة حابب استفسر منكم على شوية أسئلة لأنى عضو جديد ولسه شارى لوجى من شهر رمضان الكريم أكرمكم الله وأعاده علينا أعوام وأعوام امييييييين 1-أنسب نوع من حساسات الركنة والشاشة المناسبة وحجمها ونوعها وهل البلوتوث أفضل ولا لأء؟ الصراحة انا مليش في الكلام دا 2-تركيب لمبات زينون ألأفضل والسعر ألأنسب؟ ومنين ؟سبير كار ولا حد تانى الصراحة انا مليش في الكلام دا 3-مدى كفاءه تركيب جهاز الأنذار بالتوكيل بمعنى له جدوى مع نظام الإيمبلويزر ولا ملوش لازمة وهل لأى حد منكم ركبه اتحكم فى حساسيته بمعنى أنا عاوز حساسية لو( كلب) عدى جنب العربية الأنذار يفضحه لأن وقاكم الله السرقة فى شارعنا على ودنه وحسبى الله ونعم الوكيل فى الحرامية والشرطة اللى مكبرة دماغها فين عربيات الأتارى اللى كانت مصدعة دماغنا قبل الثورة باعوها ولا شغلوها بالنفر ولا يمكن اتسرقت بص طول ما في ايموبليزر في العربية اطمن بس هوا اهميته علشان لو اي حد بيخبط على العربية او بيلعب في العربية ينبهك وعموما لو ناوي تركبه جوه التوكيل ركبه عادي وسعرها جوه لتوكيل 999 بالتركيب 3-سمعت وقرأت كتييير فى المنتدى وبره المنتدى عن جهاز Gps tracking فهل فعلا مواصفته زى ماهو منشور بالمنتدى وهل له لازمة فعلا وعملى أحب أسمع رأى الخبراء فى الموضوع ده الصراحة انا مليش في الكلام دا 4-هناك مشترك يباع بيحول تيار البطارية من 12 الى 220 فولت وحوالى 30 امبير فما فوق ويستخدم طبعا لتشغيل اللابتوب فهل لمن أشتراه تاثير على البطارية فى حالة السير أو الوقوف؟؟ والله انا معرفش الحكاية دي بس انا بنصحك انك تبعد عن اي حاجة بتلعب في كهربة العربية 5-كيف اعرف عدد اللترات المتبقية من البنزين بالأرقام من خلال اللوحة الإلكترونية علما بأن أحد الزملاء شرحها فيديو ولما جربتها لم استطع معرفة الطريقة صح وعربيتى اتوماتيك 2013 انا عندي طريقة بس هيا طريقة حسابية اولا من الكمبيوتر شوف المسافة المتبقية لحين نفاذ كمية البنزين ولنفرض انها 500 كم بعد كده شوف معدل استهلاك البنزين ولنفرض انه 10 لتر لكل 100 كم اقسم ال100 كم بتوع استهلاك البنزين على المسافة المتبقية بالكيلومتر واضربهم في معدل الاستهلاك باللتر هيطلعلك عدد اللترات المتبقية وطبعا كل ما ذكرته أود ان افعله والعربية متخرجش من الضمان لو عايز الكلام دا يبقا ركب كل دا جوه التوكيل واعتقد انه صعب ان التوكيل يعملك كل دا يعني هوا ممكن يركب الانذار والحساسات انما الجي بي اس والكلام دا انا معرفش انا عارف ان اسئلتى كتييييييييييير أسف للأطالة بس يشهد الله أننى وانا بكتب الموضوع أحساسى من خلا الردود فى مواضيع مشابهة بجدعنة الأعضاء وخدمتهم لأى عضو وخيركم من تعلم العلم وعلمه . وجزاكم الله خيرا Dr\zoro2

لا ولا يهمك ياباشا اسال براحتك واحنا في الخدمة
وتقبل تحياتي

[عمرو عبد الحميد الجندى]

انا مشهقدر افيد حضرتك بس ليه وجه نظر ادخال و تركيب اى شىْ فى العربية مشممكن يخرجك من شروط الضمان

[zoro2]

المشاركة الأصلية كتبت بواسطة sherifabden لا ولا يهمك ياباشا اسال براحتك واحنا في الخدمة وتقبل تحياتي

ألف شكر يا شريف كفاية ذوقك وأهتمامك وربنا يخليك انا لسه متصل ب سبير كار وقال لى مينفعش تركب حساسات الركنة ولا اى حاجة ليها علاق بالكهربا طالما معملتش صيانة ال 5000 عموما أدينا بنحاول نعرف بعض المعلومات من اللأصدقاء ومن أخواتنا بالمنتدى مثلك شكرا مرة تانية شريف باشا تقبل تحياتى تقديرى إحترامى Dr\zoro2

[zoro2]

المشاركة الأصلية كتبت بواسطة عمرو عبد الحميد الجندى انا مشهقدر افيد حضرتك بس ليه وجه نظر ادخال و تركيب اى شىْ فى العربية مشممكن يخرجك من شروط الضمان

والله يا عمرو خايف أعمل حاجة تخرجنى من الضمان أنا لسه معرفش نظامهم فى التوكيل وعموما الواحد يصبر ويعرف ويتعلم وبعدين كل شيئ يجيى بأوانه تحياتى تقديرى إحترامى Dr\Zoro2