وجه نظر

[محمد صالح - المحامى]

انا بصراحه معجب جدا بالوجان واعتقد انها افضل السيارات فى فئتها
ولكن عندما اشترى سوف اشترى لانوس او فيرنا
انا معنديش استعداد اشيل هم اللف على قطع الغيار ولا على الصنيعيه وكل واحد يوقى مبشتغلش فيها
هو دة عيبنا فى مصر
فاكرين ايام الموبايلات
السونى اريكسون والسامسونج كانوا افضل موبايلات على مستوى العالم
ورغم كدا كانت النوكيا محتله الصدارة فى مصر
والسبب توافر قطع الغيار والصيانة
والاحتفاظ بتمنها عند اعادة البيع
(( هى دى العقلية المصرية وهى دى السياسة الى شغالة فى مصر ))

[sherifabden]

المشاركة الأصلية كتبت بواسطة m_ss2 انا بصراحه معجب جدا بالوجان واعتقد انها افضل السيارات فى فئتها ولكن عندما اشترى سوف اشترى لانوس او فيرنا انا معنديش استعداد اشيل هم اللف على قطع الغيار ولا على الصنيعيه وكل واحد يوقى مبشتغلش فيها هو دة عيبنا فى مصر فاكرين ايام الموبايلات السونى اريكسون والسامسونج كانوا افضل موبايلات على مستوى العالم ورغم كدا كانت النوكيا محتله الصدارة فى مصر والسبب توافر قطع الغيار والصيانة والاحتفاظ بتمنها عند اعادة البيع (( هى دى العقلية المصرية وهى دى السياسة الى شغالة فى مصر ))

والله هوا يعني قطع غيار اللوجان مش نادرة يعني .. هيا منتشرة .. لكن مش زي الفيرنا واللانوس .. وانا لو خيروني اركب عربية ممتازة وقطع غيارها مش منتشرة او اركب عربية زبالة وقطع غيارها في كل مكان .. اختار العربية الممتازة .. لان مفيش فرق في الحالتين .. لان العربية الزباله هتتعبني .. كل شوية في حاجة عايزه تتغير فيها وهيبقا موال مش هخلص منه .. انما العربية الممتازة ممكن تقعد معايا سنتين او تلاتة من غير ما اغيرلها حاجة -غير الزيوت طبعا- .. وعموما الف شكر على ردك .. نورت الموضوع ..

[mohamed selem]

رينو حققت المعادله الصعبه
دا كل الي ممكن يتقال بعيدا عن كل ما قيل عن قطع غيار ومميزات
عربيه بالعفشه دي . وتوفير البنزين . وكمبيوتر رحالات . كاست اي يو اكس ويو اس بي وبلوتوث . اموبليزر . مالتي فانكشن . ايرباج .. تستحق التفكير فيها
بعيدنا عن انها اوربي واللانوس والفيرنا كوري
تقبل تحياتي

[ahmedashraf]

المشاركة الأصلية كتبت بواسطة عمرو عبد الحميد الجندى مساء الخير على كل اعضاء المنتدى المحترم انا عندى وجه نظر فى عدم شعبية اللوجان . اعتقد ان صناع السيارات ( اللانوس و الفرنا و حتى الصنى مثل الاسبرنزا و البيد) مصانعهم فى مصر و بيصنعوا و يجمعو مكونات هذه السيارات داخل مصر و لازم يحاربوا اى مصنع اخر من الخارج فى نفس الفئة السعرية فى حدود (70) الف و لذا نجد حرب على اللوجان مثل الفديوهات النت البتكره الناس فى اللوجان كلام على عدم توافر قطع الغير - سعر اعادة البيع متدنى - ساج ضعيف - فرامل بلاستيك - لاحام فى عتب الباب الخلفى مع العلم ان جربت اللانوس و اتعلمت عليه السواقة اول حياتى بس الوجان عجبتنى جدا من كل حاجة عفشة ممتازة قيادة ممتازة و لاصوت الماتور عالى و لاحاجة و لا فى سخونة عند التبلوه انتم مش معى ان المصانع السابق ذكرها لازم تشوه صورة اللوجان عللشان تعرف تبيع و تسيطر على السوق .

أختلف معاك في موضوع عدم الإنتشار والعيوب، كل ده كلام نت، الواقع حاجة ثانيه وشوف سرعة إنتشار العربية في الشوارع السنتين الأخارى، كمان إحنا هنا على المنتدي نمثل كام في الميه من توتال مالكي اﻷوجان أو أي عربية في مصر، إللي بيلجأ للمنتديات غالبا هو الحيران أو إللى عنده مشكله عشان طده طبيعي تلاقي الكلام عن المشاكل على النت أكتر، عايز الحقيقة وقف كل واحد يقابلك راكب لوجان أو أي عربية وإسأل رأيه.

غير كده العربيات التانيه مخادتش الشعبيه بين يوم وليله، خدت سنين وسنين، واﻷوجان بدأت تمسك نفس الطريق من سنه ونصف مثلا، شوفها كمان سنتين تلاته هتعمل إيه.

دي وجهة نظريرالشخصيه والله أعلم.

[sehsss]

كلام سليم جدا