هى الرينو لوجان استيشن المغربى لسه بتنزل مصر ؟

[sehsss]

انت عكست على فكرة

[ابو هيما]

أنا عاوز أعرف حاجة .. يعنى هى اللى بتنزل مصر دلوقتى 2013 مغربى ولأ رومانى .. انا أعتقد أنها لو رومانى فهتبقى أحسن لأن المصنع اللى فى رومانيا بيصدر لدول أوربا زى بالظبط الداستر اللى بتيجي من رومانيا ومفيهاش أى عيوب تذكر حتى الأن من ماليكيها ..

[ahmedashraf]

المشاركة الأصلية كتبت بواسطة ابو هيما أنا عاوز أعرف حاجة .. يعنى هى اللى بتنزل مصر دلوقتى 2013 مغربى ولأ رومانى .. انا أعتقد أنها لو رومانى فهتبقى أحسن لأن المصنع اللى فى رومانيا بيصدر لدول أوربا زى بالظبط الداستر اللى بتيجي من رومانيا ومفيهاش أى عيوب تذكر حتى الأن من ماليكيها ..

معلش هو حضرتك متأكد إن الداستر تقفيل روماني؟ مش عارف ليه أظن كلهم تقفيل مغربي (لوجان، سانديرو، داستر) والدليل السعر الممتاز.

مفيش لوجان روماني ولا هتنزل والله أعلم، لو نزلت روماني السعر هيعلى عشان الجمارك وهتفقد اللوجان ميزة السعر إللي عملتلها الإنتشار الواسع في مصر، فمظنش التوكيل يغلط الغلطة دي.

[ابو هيما]

المشاركة الأصلية كتبت بواسطة ahmedashraf معلش هو حضرتك متأكد إن الداستر تقفيل روماني؟ مش عارف ليه أظن كلهم تقفيل مغربي (لوجان، سانديرو، داستر) والدليل السعر الممتاز. مفيش لوجان روماني ولا هتنزل والله أعلم، لو نزلت روماني السعر هيعلى عشان الجمارك وهتفقد اللوجان ميزة السعر إللي عملتلها الإنتشار الواسع في مصر، فمظنش التوكيل يغلط الغلطة دي.

بص ياباشا حتة أن الداستر دي رومانى ولأ لأه ..فأقدر أقولك أنها رومانى بالتلأتة ,, أنا الموضوع ده متاكد منه مليون فى المية لأن العربية دى أنها حبتها جدا وشوفت ليها تقارير يأما وكنت بصراحة عاوز اجيبها لولأ سعرها العالى شوية .. وعلى فكرة المصنع اللى بتطلع منه فى رومانيا هو نفس المصنع اللى بيصدر لأنجلترا وألمانيا وروسيا نفس الشكل ونفس المواصفات ,, يعنى عربية مش ملعوب فيها ولأ فيها عيوب التقفيل الموجودة فى اللوجان , أدخل كده على قسم الرينو الداستر وشوف أراء اللى أشتروها , بيشكروا فيها جدا ً , وربنا يارب يبارك لهم فيها ويرزقنا اللى أحسن منها