رينو لوجان هاااااااااااااااااااااااا ام

[happys]

السلام عليكم لو سمحتوا يا جماعة كنت عايزة اجيب رينو لوجان ومش عارفة اية احسن توكيل اجيب منه ((محمد زكي ولا سمير ريان ولا المصرية للسيارات))من حيث خدمة ما بعد البيع والسعر والصيانة وتوفير قطع الغيار و الضمان فياريت لو حد جرب يجيب منهم او يعرف اي حاجة عنهم يفيدني

[mohamedsalahelden]

المصريه فيها عرض دلوقتى ياريت تستفيد بيه المانيوال 71400 وبيديلك كارت تفتحه اقل شئ تكسبه 500 جنيه يبقى انت وفرت 1000 من ثمن العربيه

[asaadsoliman]

خليكى فى رينو سانديرو اشيك

[ABCABCABC]

السلام عليكم لو سمحتوا يا جماعة كنت عايزة اجيب رينو لوجان ومش عارفة اية احسن توكيل اجيب منه ((محمد زكي ولا سمير ريان ولا المصرية للسيارات))
محمد زكى موزع محترم ، و كذلك السبع ، انا اشتريتها السنة الى فاتت من السبع و هما ناس محترمين جداً
من حيث خدمة ما بعد البيع والسعر والصيانة وتوفير قطع الغيار و الضمان فياريت لو حد جرب يجيب منهم او يعرف اي حاجة عنهم يفيدني :
الصيانة و قطع الغيار و خلافه هى امور تخرج عن اختصاص الموزع و المسئول عنها التوكيل ذاته ( توكيل الرينو نفسه ) شركة EIM
وجهة نظرى : انك تختار موزع محترم - حتى لو اغلى 500 جنيه - و عموماً لو حد اداك سعر اقل من الموزع الرسمى فده معناه ان الموزع ممكن يدى نفس الخصم بس فاصل معاهم و قولهم ان فى ناس بتدى سعر اقل .
انا شايف انك تخليك فى المضمون ( محمد زكى أو السبع ) دى ناس محترمة و متخصصة فى الرينو و عنهم مخازن كبيرة و العربية مش بتتركن فى الشارع و مش بتيجى ماشية من الأسكندرية ، دى بتيجى على كساحة ( ناقلة سيارات ) يعنى مش معقول تشترى عربية زيرو ويكون واحد مندوب سايقها من اسكندرية و تلاقى العربية عمللها 300 ولا 400 كيلوا .

دى نقط قد تكون مهمه عند البعض و فى ساعات ناس بتشترى عربيات زيروا و تكتشف بعد كده انها راشه نتيجه انها كانت مركونه فى الشارع و اتخبطت

[abdofarg]

انا عن نفسى كنت هشتريها من فرع محمد زكى اللى فى المعادى بس بعد ما اتفقت معاه و يوم الدفع لقيتوه بيقولى ادفع الفلوس كلها و خد بيهم وصل و تعالى استلم بعد 3 ايام .. طبعا الكلام ما عجبنيش.... رحت دفعت الفلوس و استلمتها فورا من معرض الأبيض اوتوموتيف ... و بعتلى تانى يوم واحد بورق العربية عند المرور علشان يرخصهالى و انا واقف