زياده أسعار البنزين

[moshradiase]

ما هوا لو اتطبقت فعلا الاسعار ومن قبل ما تتطبق نعمل ثورة والله مستعد اضحى بروحى لان كدا الهبل قى كتير على قد ما فى حاجات عملوها حلوة لكن تحس انهم مجانين او هبل

[elbagory2020]

المشاركة الأصلية كتبت بواسطة sherifabden وبالنسبة للناس اللي بتقول نقلب العربيات غاز اولا مصر فيها حوالي 5.8 مليون عربية تخيل لو 2 مليون عربية بس قلبوا غاز ايه اللي هيحصل ؟؟ هل الحكومة هتضمن ان مفيش اي ازمة في توافر الغاز ؟؟ هل الحكومة هتضمن وصول الغاز لل27 محافظة ؟؟ هل الحكومة هتضمن انه ميبقاش في سوق سودا للغاز ؟؟ وانا مش عارف ايه ذنب اللي جايب عربية فوق ال1600 سي سي ذنبه انه بيدفع ضريبة اكبر من ضريبة ال1600 ؟؟؟ ذنبه انه بيدفع جمارك فوق تمن العربية مرتين تلاتة ؟؟؟ ذنبه انه ركب عربية محترمة ؟؟ وياريت بلاش سياسة التخلف في معاملة السيارات يعني واحد جايب عربية ب100 الف الحكومة تقول دي عربية فارهة وغالية وصاحبها ميستاهلش دعم طب ما العربية اللي ب100 الف الحكومة خدت جمرك عليها اكتر من 50 الف جنيه دا غير الضرايب ورسوم المبيعات والتنمية وحاجات تعبر عن جهل وتخلف الحكومة اللي ربنا بلانا بيها وكفاية اوي ان العربيات اللي مصر بتنزل باقل مواصفات بتنزل باقل وسائل امان بتنزل باقل جودة يعني لو حد ركب عربية صيني (اللي الناس بيقولوا عليها زبالة ) في مصر وركب نفس العربية بره مصر هيحس ان اللي بره مصر دي عربية الماني مش صيني (مع احترامي للسيارات الصينية) والكلام دا ينطبق على كل الانواع الكوري والياباني الخ ولو الحكومة عايزة ترفع الدعم عن البنزين عادي بس في مقابل كدا ترفع حاجات تانية ترفع الجمارك والضرايب الغبية دي ومتبقاش في ضرايب ولا جمارك زي باقي الدول ترفع من مستوى الطرق المصرية ترفع من مستوى الخدمات الامنية علشان موضوع سرقة العربيات والبلطجة ترفع من مواصفات العربيات وتخلي مواصفات العربيات اللي تدخل مصر مواصفات عالمية

أشاركك الرأى جدا
كلام منطقى

[elbagory2020]

المشاركة الأصلية كتبت بواسطة moshradiase ما هوا لو اتطبقت فعلا الاسعار ومن قبل ما تتطبق نعمل ثورة والله مستعد اضحى بروحى لان كدا الهبل قى كتير على قد ما فى حاجات عملوها حلوة لكن تحس انهم مجانين او هبل

هو مش أو
دول الاتنين و زياده
مجانين وهبل و متخلفين و مش عارفين يعملوا اى حاجه عمالين يخبطوا فى الشعب و خلاص بيجربوا فينا
دى من أول تطبيق الحكم الاسلامى انه يكون فى مساواه فى كل شىء فين بقى الكلام ده دى ناس بتاجر بأسم الدين ربنا ينتقم منهم

[ahmedsimo14]

ياجدعان بجد لو الموضوع ده حصل لازم كلنا نعمل ثوره كبيره عشان محدش هيستحمل العيشه كده يعني اصلا مش عايشين كمان عاوزين يدوسو علينا يعني انا عشان افول عربيتي النوبيرا ببنزين 92 ادفع 255 جنيه ف التفويله ليه علي اساس ان مرتبي 10000 جنيه بجد حسبي الله ونعم الوكيل وطبعا لما السولار يغلي الميكروباصات هتغلي يعني الاجره اللي ب 3 جنيه مثلا هتبقي ب 10 جنيه يبقي مين الللي هينزل من بيته وغير كده المصانع والخضار والاكل والشرب واقف علي السولار هتبقي الاسعار ناااااااااااااااااااااااا ااااااااااااااااااااااااا ااار يعني لا اكل ولا شرب ولا عربيات يبقي نفضها سيره بقي

[ELSAKHAWY]

مش لازم نسكت ويبقوا يوروني ازاي هيطبقوه