لكل اللى بيقول ان اللوجان غاليه

[osa92003]

اسوا عربيه من حيث الموتور -موتور 8 صباب عفى عليه الزمن
اسواء عربيه من حيث الشكل =شكل غريب وهى داتشيا بتاعه زمان
غطا تنك لازم تنزل من العربيه تفتحه
شنطه لازم تنزل تفتحها
مفاتيح رفع زجاج الخلفى موجوه بارضيه العربيه -تحس ان اللى اخترعها عنده حاجه فى عقله

[sherifabden]

المشاركة الأصلية كتبت بواسطة osa92003 اسوا عربيه من حيث الموتور -موتور 8 صباب عفى عليه الزمن اسواء عربيه من حيث الشكل =شكل غريب وهى داتشيا بتاعه زمان غطا تنك لازم تنزل من العربيه تفتحه شنطه لازم تنزل تفتحها مفاتيح رفع زجاج الخلفى موجوه بارضيه العربيه -تحس ان اللى اخترعها عنده حاجه فى عقله

للمرة المليون بقول ان كل عربية فيها عيب
موضوع ال8 صباب انا شايفه مش عيب كبير اوي يعني اي واحد يهمه ان الماتور يكون قوي وادائه كويس وصوته هادي واستهلاك بنزين قليل ودا كله موجود في اللوجان واعتقد محدش بيفرق معاه 8 صباب او 16 صباب او مليون صباب
وثانيا الاوتوماتيك نازلة بماتور 16 صباب
الشكل دا مسألة اذواق يعني في ناس شايفه ان شكل العربية وحش وناس تانية شايفاه كويس حتى الالنترا اللي شكلها جميل جدا ناس بتقول ان شكلها مش حلو
موضوع التانك والشنطة دا عيب في العربية ويختلف من واحد للتاني
يعني في واحد معندوش مشكلة في الموضوع دا ومش فارقة معاه الشنطة او تانك البنزين بتفتح من جوه او من بره او من فوق او من تحت
وفي ناس تانية تفرق معاهم الحكاية دي
موضوع مفاتيح الزجاج الخلفي دا عيب برضه في العربية لكن مع التعود الموضوع دا مش هيعمل مشكلة وبرضه ارجع اقول ان الموضوع دا ممكن يضايق ناس وممكن ميضايقش ناس
وكل واحد ينام على الجنب اللي يريحه
واللوجان زيها زي اي عربية ليها مميزات ..
وليها عيوب ..

[eng/walaaeldeen]

المشاركة الأصلية كتبت بواسطة sherifabden موضوع ال8 صباب انا شايفه مش عيب كبير اوي يعني اي واحد يهمه ان الماتور يكون قوي وادائه كويس وصوته هادي واستهلاك بنزين قليل ودا كله موجود في اللوجان واعتقد محدش بيفرق معاه 8 صباب او 16 صباب او مليون صباب وثانيا الاوتوماتيك نازلة بماتور 16 صباب

السلام عليكم
اختلف معاك في جزئية الصبابات
ال8 صباب محرك اقل في القوه والعزم واكثر في استهلاك البنزين
انما المحرك 16 صباب اقوى وعزمه اكبر واقل استهلاك للبنزين
والله المستعان

[حسام البورسعيدى]

الموتور بتاع اللوجان موتور ممتاز وعملى جدا ويالرغم من انه 8 صباب (فى عربيات كتير حديثة موتورها 8 صباب) الا انه موتور قوى وسحبه ممتاز كعاده رينو او الفرنساوى عموما معروف انه سريع ..

بالنسبة لموضوع التانك والشنطه ده مش عيب ده تصميم .. طب ما كل الالمانى نفس الوضع .. الاوكتافيا الجديده مثلا الشنطه بتفتح من بره والتانك كمان .. مش عيب ..

انا معاك ان العيب فيها زراير الازاز ودى اللى فعلا مكانها فى غايه السخافه ..

عموما انا كنت مع اللوجان جدا وبنصح اى حد يشتريها لكن بعد الزياده الرهيبه فى سعرها اللى حصلت دى .. اصبح فى اختيارت افضل منها ..

[abdelrahman kamel]

واحب اقول بردوا حاجه بالنسبه لفكرة النتشار, اللوجان منتشره عن البيكانتوا عشان سعرها كان أقل لكن دلوقت لو فى حد عايز عربيه مش مهم عربيه عائليه كان الأول بيفكر فى السانديروا عشان شكلها احلى لكن دلوقت بع مازادت فى سعرها بطريقه مبالغ فيها, لأ البيكانتوا احسن منها بكتير حتى ولو ب1200 سى سى