ريد اقتناء سيارة عائلية جديدة مانيوال عملية

[y_mmohd]

تحية طيبة الجميع في هذا المنتدى الرائع...
اريد اقتناء سيارة عائلية جديدة مانيوال عملية. بهدف التنقل بها وليس للسباق او للمظهر الخارجي
اذا امكن المقارنة بين شيفروليه افيو كيا ريو وداسيا لوجان
من النواحي التالية
المتانة
قطع الغيار
النظره العامة المستقبلية للسيارتين
او اذا هناك بديل افضل من الثلاثة
وشكرا

[mar mar]

من وجهه نظري
لوجان

[mr_astra]

LADA 2107
the best for your requirements

[ahmed el gendy]

بص حضرتك مبدئيا انسي موضوع لادا 2107 خالص لسببين الاول والاهم العربيه بتسخن بسرعه يعني انا ليا واحد صاحبي معاه لادا 2107 العربيه ف الصيف كان بيسافر بيها من المنصوره للزقازيق يعني ساعه ونص سفر كانت العربيه بتسخن علي اخر المشوار والمؤشر كان بيعدي النص بشرطتين فحرام تجيب عربيه ما تعرفش حتي تروح بيها اسكندريه تصيف او مشواير بعيده غير كده العربيه مش واسعه اووووي يعني تاخد 4 ومش مستريحين لان مفيش مساحات كافيه للرجل

لو حضرتك بتهمك قطع غيار غاليه او رخيصه وتبيعها مستعمل بسهوله يبقي لانوس بس خد بالك هي مش عائليه خاااالص لان لو ركب فيها اتنين بتحك جامد ف كل مطب فما بالك بقي لو فيها اربع افراد

الافيو كويسه عاليه عن الارض وقطع غيار متوفره وسعر بيعها مستعمل كويس لكن مش ثابته ع السرعات العاليه وزيها زي اللانوس لا قدر الله ف الحوادث بعد الف شر عنك مفيش اي معدل للامان

اللوجان عاليه وثابته ف السرعات العاليه بس عيبها قطع غيار غاليه بس مش قووووووي يعني مش اغلي من اللانسر مثلا اللي الناس بتعشقها وسعر اعاده البيع ممكن اقل من اللانوس بس مش كتير اووووي يعني بالكتير اقل 5 الاف جنيه وطبعا عربيه اوروبيه فيها ايرباج وعداد رحلات وكل الاوبشن اللي نفسك فيها و سعرها زي الللانوس مش اغلي منها مليم يعني عربيه امنه جدااااااااااااااااااااا

يعني حضرتك تشوف تحب عربيه غاليه ف قطع غيارها بس تحميك وتحمي كل اللي راكب معاك من اي حادث زي اللوجان ولا تحب عربيه قطع غيارها سهله بس الخبطه بتروح فيها رقاب زي اللانوس والافيو

الاختيار لك بس نصيحه ف موضوع الحوادث ده مش بتحس بقيمه العربيه غير فيها ممكن مره بعد عشر سنسن وممكن لا خااالص بس بتبقي مطمن ان عربيتك حلوه وتحميك و ما تقولش اللي بيعملوا حادثه متهورين والله عملت ححادثه وكنت ماشي علي 80 وخابطه وش لوش وكان البيه ماشي مخااااااااااااااالف يعني مش غلطي خااالص بس حسيت بقيمه العربيه ولما قلت للناس صحابي قالولي انت سليم قلت اه قالوا لي طبعا لازم تبقي سليم مش راكب تويوتا اهي اللوجان دلوقتي ممكن تبقي تويوتا الفئه السعريه بتاعت ال 70 الف

[chevy_lumina]

اللوجان عربية نضيفة فعلا و كويسة و دي اول حاجة ارشحهالك