للمرة التانية شكرا توكيل EIM العامرية وبخص ا/محمد العناني

[akerima]

المشاركة الأصلية كتبت بواسطة mosomodo من الواضح انك رحت مرتين منهم مرة كانوا هيدفعوك 800 جنية تمن كليبسين الباب (يترى كل وا حد لو معاه المبلغ ده و قرر يصرفه هيجيب الكليبسين و لا هيجيب ايه و ايه وايه - استطلاع رأى). والمرة التالتة بعد اتصال و معاناة (أكيد نفسية) تم حلها (تقريبا عشان ربنا وقعك فى واحد محترم وبيخاف ربنا). اولا: عشان اقدر اقول انه توكيل محترم و مش مستغل - كان عمرى ما حد عندهم يقولى ان تمن كليبسين ب 800 جنية . ثانيا: عشان اقدر اقول انه توكيل محترم و مش مستغل - مكنش واحد فى مكان تبع التوكيل يقول ب 800 جنية و مكان تانى تبع التوكيل يحلها ببلاش و فبريكة كمان. انا بقول الكلام ده عشان عايزين حل من الوكيل لاسعار قطع الغيار و الخدمة مع تحسين مستوى الخدمة.

انا مرحتش مرتين ولا حاجة كل الموضوع ان انا كنت في الصيانة الدورية وقلت لما اسال في سموحة ان اتحلت كان بها احسن ماروح لغاية العامرية وماكنش فية معاناة نفسية ولا حاجة لان دي مش اول مرة اتعامل مع ناس محترمة في التوكيل - هوا انجيتوا للحق انا مكنتش ناوي ارد علي موضوع فية شكوي تاني من اللوجان لكن الموضوع انا اللي كاتبة ورايح جاي في المنتدي ببص علية فوجب التوضيح - 1 -الموضوع كان شكر في التوكيل والناس اللي شغالة فية مش العكس
2 - مش فاهم اية حملة التشوية اللي جت مرة واحدة علي العربية دي مش اول عربية الناس تشتكي من غلو قطع غيارها وعلي ما اتذكر ان كانت الهيونداي والدايو الناس كانت بتعيط من غلو قطع غيارهم اول ما نزلو
3 - ازاي موضوع يتحول من منتهي الايجابية لمنتهي السلبية بالطريقة دي حتي لو الكلبس ب 400ج انا مشفتش الكلبس دا شكلو اية وجايز ميكونش كلبس بس يعني لما بيجي الكلبس بيجي مثلا بجزء من فرش الباب وكويس ان الناس عندهم تصريفة وحل للمشاكل دي مشكورين يعني مش متعمدين يدوسوا علي رقابينا ولا يمدوا اديهم جوا جيوبنا
4 - انا بقالي سنة معايا العربية ولله الحمد وربنا يديمها علينا نعمة مش لاقي فيها اي مشكلة الا غلوا قطع الغيار اللي هيا ممكن تتحل بكرة لو حد من المستوردين الافاضل جاب لوط محترم من قطع غيارها وطبعا محدش حيغامر بفلوسة الا لما يتاكد من انتشار العربية وكتر استبدال غيارها القديم والكلام دا مش حيحصل الا بعد فترة
5 - اخيرا انا لا اقصد من كلامي الا افادة اعضاء المنتدي اللي معاهم لوجان واللي مش معاهم ويا ريت اللوجانوية يجابوا - هل عندك اي مشكلة ظهرت بالعربية وحسيت انك ندمت انك دفعت فلوس فيها ولا هيا بس مشكلة قطع الغيار اللي قلقاك؟