اشتريت اللوجان بس خدت مقلب جامد

[TheSantos128]

المشاركة الأصلية كتبت بواسطة moustafa_saad شكرا ليكم يا جماعه والله يبارك فيكم كلكم انا فعلا كنت موجود يوم الاحد من الساعه 12.5 الى الساعه 2 الظهر والعربيه بترولى مش عارف هى دية اللى تقصدها زرقا ولا لا واللى كانت معايا اختى مش المدام لان المدام لسه فى علم الغيب

يبقى انت ياباشا انا كنت واقف جنبك بالضبط وكمان قعدت اركز معاك لانك تقريبا كان عندك مشكله فى الاكصدام ورا تقريبا كان فى خدش ورحت ندهت السيلز اللى هنالك صح !!

[MOUSTAFA_SAAD]

المشاركة الأصلية كتبت بواسطة TheSantos128 يبقى انت ياباشا انا كنت واقف جنبك بالضبط وكمان قعدت اركز معاك لانك تقريبا كان عندك مشكله فى الاكصدام ورا تقريبا كان فى خدش ورحت ندهت السيلز اللى هنالك صح !!

تمام ياباشا الاكصدام كان فيه حته صغيره جدا ماشوطه فبصراحه شكيت فيها تكون خبطه ولا حاجه لكنها من الواضح انها عيب تقفيل بسيط لان الاشطه من الحذ اللى فوق او عيب حصل فى صب الاكصدام ده غير ان فيه فرق فى المسافه بين الاكصدام والرفارف لاقيته فى اختلاف بسيط من الشمال عن اليمين وده بصيت عليه فى كذا عربيه لاقيته نفس العيب
فمحدش يقدر ينكر ان العربيه فيها بعض عيوب التقفيل زيها زى اى عربيه تانيه لكن ده لايؤثر على تميزها عن باقى فئتها

المشاركة الأصلية كتبت بواسطة TheSantos128 الفلوس يا صحبى اثرت شويه معايا بس الحمد لله ربنا رزقنى بعربيه كويسه ولا يه

الف مليون مبروك يا جميل وفعلا الالنترا انا بحبها عن السول لانها عربية معروفه وجميلة جدا هيه معايا هنا في الشركة عربية جميلة فعلا بس معلش القاعده عندي في الفيرنا احلي من القاعده في الالنترا ههههههههههههههههه غير كدا الالنترا تسفلت الفيرنا في اي حاجه تانيه

ربنا يديك خيرها ويكفيك شرها يا زعيم

[akerima]

الف مبروك عليك اللوجي وبما ان انت من دمنهور فالاحسن ان انت تتعامل مع التوكيل في الاسكندرية وفي عندنا توكيلين واد في العمرية علي الصحراوي والتاني في سموحة جنب شركة لورد علي المحمودية المهم انت عندك اول صيانة للعربية باذن الله بعد ال 5000 ك ودي مجاني تماما وبتقلهم لو عندك شكوي من اي نوع بيعملهولك برضو مجانا وبعد كدة ال 10000ك بيبقي فيها تغير زيت وفلتر ب 450 ج بغسل الماتور بالفوم والصيانة بعد كدة كل 5000ك واحدة مجانا وواحدة بفلوس

[hossamhussein0]

أولا ألف ألف مبروك لصاحب الموضوع علي العربية ، و ربنا يحفظها لك و يجعل مشاويرها كلها سعي في الخير ان شاء الله

أما بخصوص الكماليات ،، فرايي ان يتم تركيبها فعلا علي وصلة كهرباء خارجية دون المساس بالضفيره و طبعا تامينها بفيوز مستقل ،،،، علشان لاقدر الله اذا ظهر بعد كده اي مشاكل في الكهرباء ما يتلككوش علي انك لعبت في الضفيره و يخرجوا العربية من الضمان ،،،، و عموما احب اطمنك ان اللوجان هي الاختيار الافضل و انا معايا واحدة من الدفعة الاولي و بقالها معايا قرب 3 سنين و بسم الله ما شاء الله زي الفل ، عربية محترمة و تستاهل كل جنيه بيندفع فيها

المشاركة الأصلية كتبت بواسطة gaballah عظيم قوى الكلام ده يا اخوانا انا لسى النهارده بفكر فى اللوجان انى اشتريها بس بالتقسيط بس معرفش عنها كتير لان كان كل تفكيرى فى العربيات المعروفه زى الفيرنا والانوس واللى هما قريبين من بعض فى السعر بس واحد لفت انتبهاى للوجان وشفت انها عربيه شكلها كويس بس فيه ناس بتخوفنى من قطع غيارها وان مفيش ميكانيكيه كتير بيفهموا فيها فمش عارف افكر ازاى واكيد الناس اللى هنا دوروا وفكروا كتير وسالوا فياريت تنصحونى بالافضل وجزاكم الله خير

نصيحتي لك اللوجان ثم اللوجان ثم اللوجان ،،،، توكل علي الله و مش هتندم ، عربية ممتازة و استهلاكها اقتصادي جدا جدا و فيها ايرباج و كمبيوتر معلومات و عاليه عن الارض و واسعة جدا و كمالياتها روعة في الاداء و شيك جدا و كفاية انها ماركة عريقه اوروبي و بالسعر ده كمان يبقي ما تتسبش ،،، و مبروك مقدما.