مشاكل رينو لوجان واسعار قطع الغيار

[sheko fun]

بســـــــــــم الله الرحمـــــــــــــــن الرحيـــــــــم

يا جماعة عربية ( رينو لوجان 2010 ) دى بجد بسم الله ماشاء الله عربية جميلة جدا والماتوور بتاعها 1600 سى سى يعنى بتجمع بين الجمال والمرونة وقوة الأداء فى نفس الوقت .

وبالنسبة لقطع الغيار محدش يتكلم فيه كثيير لأنه متوفر فى التوكيلات وأسعاره قلت بكثييير عن الأول .

وأنا من وجهة نظرى المتواضعة أن ( رينو لوجان 2010 ) أفضل من ( دايو لانوس ) .

[sheekoo]

عندى سؤال دلوقتى اسعار اليورو نزلت جامد وأحتمال تنزل اكتر اية بقا اخبار اسعار السيارات الاوربية
يعنى السيارة ال كان سعرها باليورو على الوكيل مثلا 5000 يورو (5000يورو*8جنية =40000)دة السعر فى قمتة سابقا 2009
دلوقتى الحسبة بقت(5000يورو*5،7جنية=2850 0جنية)سعر اليورو الان 5،7حد يقولى الفرق حيروح فين للوكيل ولا المسهتلك طبعا الاجابة اصل الشحنات ال بالسعر الجديد لسة حنتفق عاليها واصل فى حاجات تانية بتأثر فى سعرالسيارة والتخفيض حيكون بسيط مش حيحس بية المستهلك وحجج نصب كتير حنسمعها وربنا يسهل عمتا احنا مع بعض وحنشوف ال حيحصل قريبا

[مادا]

هى مشكلة اللوجان فى قطع الغيار ولو فكرت تبعها اتخسر فيها جامد بس كعربية هى افضل من اللانوس والفيرنا بكتير وامان عنهم كمان يعنى لو حبيت تسافر بيها اتسافر وانت مرتاح مش خايف من فرملة ولا بتعوم منك و العربية ابتدت تنتشر فى مصر وبتشاف فى الشوارع كتير دلوقتى بس ماجربتش زى الفيرنا اواللانوس

[abo-salama]

العربيو فى المجمل حلوة مع سعرها المعقول جدا ودى شاهدة من صديق ليه فى الكلية شريها من ست شهور

[saint of egypt]

احب ارد علي حضرتك بدون اقتباس ادخل مكان هادئ بالسيارة وليكن جراج واستمع الي السيمفونية الشاذة من موسيقي المحركات ودا لان الشركة المنتجة استرخصت وخففت العزل فيما بين الكابينة والمحرك بنسبة 42 % , ثانيا قبل ما تخرج من المكان الهادئ استاذنك في وضع رجلك الشمال علي دواسة الدبرياج والمفاجاة ان الصوت انخفض لان المشكلة كما افاد المشارك في اعلي الصفحة الدبرياج في جميع السيارات والردود اللي افاد بيها صحيحة تماما من مشاكل الدبرياج وهو عيب تصنيع اضف الي ذلك ان الاكصدام الامامي والشبككة الامامية قطعة واحدة وسعرة من التوكيل 1100 ج + المصاريف والضرائب + تيل الفرامل تركيبة في التوكيل 468 ج اغلي من الالينترا , الفانوس الامامي 553 ج الرفرف الامامي 612 ج سعر المرايا صحيح واضيف ان زجاج المرايا فقط 180 ج بدون ضرائب او مصنعية تركيب , اما اعضاء التوكيل محترمين جدا اي نعم بيشتغلوا الناس ولو معرفوش بيقولوا هوا دا واتفلق بس المهم اننا ادبسنا في العربية اة بالمناسبة الضمان 5 سنوات اكذوبة هوا علي عيب تصنيع المحرك فقط يا سادة عربيتي لوجان وعربية مراتي لوجان وعربية اختي لوجان ودي هيا المشكلة - بالمناسبة محدش يشتري لوجان حرام المشكلة في خدمة ما بعد البيع