بجد محتار جدا ومش عارف افكر لوجان ام لا

[nono2030]

انا من رأيى برضه تجيب 128 الاول وعن تجربه انا اول عربية جبتها وكنت بتعلم عليها كانت كليو
وبهدلتها وبهدلتنى وصرفت كتير واتعلمت كتييييييير وخصوصا فى الميكانيكا وبعتها وجبت لوجان الحمد لله
فجيب 128 اتعلم عليها وهتبقى فلوس تصليحها حنينة فى كل حاجة وصلى استخارة وربنا يوفقك لكل خير ان شاء الله

[amor777]

معلش انا بختلف مع الاعضاء الي فاتوا انا حالتي زيك بالظببببط انا حاجز لوجان مانيوال والاستلام يناير الجي ان شاء الله انا برضه ابيض في السواقة وكتير قالولي الموضوع ده اجيب 128 اتعلم عليها الاول بس ومقتنعتش صراحه قولي لييييه :
اولا : واحد صاحبي كان زي حالاتي كده وجاب عربية 127 عشان يتعلم عليها الاول طلعت عينه وصرف عليها مش اقل من 2000 ج وكانت بتبهدله في الطريق لما تعطل وميكنش عارف فيها ايه والناس تتلم عليه وحصل موقف زي ده وانا معاه وكانت بهدله والناس كل واحد يعدي ويفتي العربيات الي وراك تزمر وكان يوم زفت وفي الاخر كره السواقة والعربيات كلها من الي شافه
ثانيا : انت خايف من ايه ان العربية لما تجيبها متعرفش تسوقها ولا تتحك منك اولا علي السواقه اتعلم في اي مركز تعليم انا مش بقولك هتبقي محترف بس هتعرف تطلع بالعربية وتدي غيارات وهيكون عندك شويه جرأة السواقة ولو علي حك العربيه بص هنا في المنتدي اعضاء كتيييير عربيتهم لسه جديده وخبرة في السواقة واتحكت منهم برضه ومش لازم يكون غلطتهم يعني دي حاجه بتاعه ربنا ونصيب انته ممكن تتعلم علي 128 وتبقي في السواقه زي الفل وعمرها ما تتحك منك واول ما تجيب اللوجان واحد ابن حلال يزنق عليك ويحكهالك ده نصيب
ثالثا : انت هتاخد وقت كتير قوي علي ما تلاقي 128 نضيفه وميدحكش عليك فيها ومهما كانت هتصرف عليها برضه وفي الاخر ممكن تبيعها بخسارة عشان تخلص وتجيب الجديد الي نفسك فيه ليه كل المصاريف دي بقي !!!
انا ده رايي ونصيحتي ليك اقولك انا بقي بعد تفكير طويل قررت اعمل ايه ....
اولا انا حجزت في مركز تعليم قيادة في ميدان التحرير الكورس ب 220 عبارة عن 10 حصص كلهم عملي التدريب علي 128 اعتقد بعد الكورس ده هبقي بعرف ازاي اطلع بالعربية وادي غيارات وخلافه عارف اني مش هكون محترف
ثانيا اولا ما استلم اللوجي ان شاء الله مش هنزل بيها ابدا في الاول بالنهار انا كل يوم بليل كده اول ما الشوارع تهدي علي الساعة 12 كده هاخد العربية واقعد الف بيها في الشوارع حبه اجرب الغيارات واخد علي ابعاد العربية وواحده واحده ابدء انزل بيها في الزحمة وربنا يسترها بقي واعتقد دي طريقة كويسه جدا عشان تتعلم وتاخد جرأة السواقة وبسسسس
خلاصة القول متدخلش نفسك في حوارات عربيات مستعملة وتقرف نفسك عشان موضوع تتعلم ده بجد هتكره حياتك التعليم هيجي واحده واحده بالممارسه علي الجديد مفيش مشكلة ومبروك مقدما يا باشا وانا تحت امرك في اي استفسار وياريت الاعضاء يقولوا رأيهم ايه برضه

[alama]

فعلا روح مركز سواقه احسن ياغالى ولو عايز تزود الحصص زود براحتك لغايه متقدر تعتمد على نفسك وتسوق لحالك واكيد الكورسات دى هتبقى ارخص بكتير من انك تشوف عربيه 128 وتجرب هتضيع وقت يافنان انجز محدش فايق للحكاوى دى

[hal71]

المشاركة الأصلية كتبت بواسطة mahshahin رأي انك تجيب 128 في الاول ...... دية احسن عربية تتعلم عليها وهاتتعلم عليها ميكانيكا العربية هاتركب ان شاء الله بعد كدة الزيرو هاتكون فاهم في العربية وعندك خبرة في السواقة وربنا يكفينا كلنا شر الطريق

رأي سليم جداً أصلاً الـ128 بتمشى لوحدها و أبعادها مثالية للتعلم لأنك وإنت قاعد في الصالون تشوف كل زوايا العربية و بعدين حاجتها مش ببلاش دي ببلاشين:10FE E3~1106:

[a_a_3antar]

انا عن نفسي اشتريت 128 الأول قعدت معايا سنه بس كفرتني و عرفتني علي كل الميكانيكيه و الكهربائيه و العفشجيه و اتعلمت فيها الميكانيكا و السواقه و الصبر و طول البال. علشان توفر علي نفسك التعب لو انت من سكان المدن المزدحمه هات اي عربيه اتعلم فيها السواقه المدرسه بتعلم فعلا بس السواقه ممارسه. لو انت في مكان رايق و مافيش مشكله في الطرق كتير توكل علي الله هات الزيرو ومبروك مقدما يا باشا