صور توضيحيه للسياره ايجى تك

[فاطومه المصريه]

السلام عليكم ورحمه الله وبركاته



طبعا اسفه للتاخير ف الصور دى عشان مكنتش جاتلى

المهم الصور للسياره وكلواحد يقول راي

شوفو ف الصورة دى مكان مفتاح الشنطه

ودى الشنطه

وده الردياتير

واتشرف ان اقتبس رد المهندس سامح

المشاركة الأصلية كتبت بواسطة sam ram وانا اللي كنت فاكر ان توكتوك يعني عربيه ب 3 عجلات طلع موتوسيكل ب 4 كراسي ptmnlo123per1127 لا بجد التوك توك اساسا مركز ثقله ضايع في البعد الفراغي خارج نطاق سيطره القاعده ( مش بتاعت بن لادن .. بتاعت بن توكتوك ) وده سبب ان التكاتك بتقلب و تعمل شقلباظات و حركات برغم ان اغلب التكاتك بيقى كرسي واحد ادام في النص و الكابتن قائد المركبه سواق بشمهندز اخره 18 سنه او 60 كجم ايهما اقرب ... وبالتالي وزنه داخل حدود قاعده توزيع الوزن .. وبرغم من كده بيقلب نتيجه الملفات السريعه أو الطرد المركزي او الزلطه المفاجئه بعد النقره المستتره يبقى ازاي بقى يبقى في كرسيين قدام يمين و شمال العجله الوحيده اللي تقريبا مكانها تحت الكونصول يعني الاتنين اللي قاعدين قدام يعتبرو فعليا راكبين الهوا وقاعدين في الفضاء الخارجي بعيدا عن نطاق جاذبيه كوكب التوكتوك طيب العربيه دي تحافظ على اتزانها و توازنها ازاي في الملفات حتى لو على سرعه 20 كم / س مركز الثقل او ال CG حيبقى بره حدود مثلث الاطارات يعني المركبه دي حتقلب لا محاله واللي راكبينها باي باي ودون الدخول في تفاصيل او استغلال احتياج غالبيه الشعب المصري لوسيله انتقال ادميه ... ptmnlo123per144 مرضاش اجيبها لعبه لولادي حتى لو كانت ب 100 جنيه .... هو انا لاقيهم في الشارع

[etsh1413202]

يا نا حرام عليكو ..... دى بفتحة سقف

الواحد اساسا ميتخيلش حياته من غير فتحه سقف ......وممكن اتغاضى عن اى حاجه تانى طالما فيها زجاج كهرباء كمان وكاست وموتور الموتسكل ده ptmnlo123per1147

احنا هنتحسد والله يا جدعان على التكنولوجيا العاله الى وصلنالها دى ptmnlo123per172



شكرا يا فاطومه على الصور ..... وكان الله فى عون المصريين

[moslem2]

ياجماعه دى سبوبه عملتها شركة ايجى تك دى يعنى جابت شوية حاجات من الصين وجمعتهم فى الهيئه العربيه للتصنيع واهوه الشعب المصرى مابيقولش لاء والسوق المصرى مفتوح لاى مستورد واى منتج منزوع الجوده والشوارع مليانه تكاتك بتتقلب وموتسيكلات صينى بتلعب اكروبات فى الهواء واهوه المستورد بيكسب والدوله بتاخد جمارك وضرايب والصين والهند اقتصادهم بيرتفع وكله على افا الزبون (المستهلك المصرى) الى الحكومه شايفه انه كفايه عليه قوى انه عايش وبيتنفس هوا ,,,,ده حتى التكتوك ممكن تنط منه لو اتقلب لكن دى الناس هتموت جواها ,,وربنا يستر لان ده تهريج من الاخر ,لان حرام بلد فيها ثوره صناعيه من بداية الخمسينات ومصانع حربيه وكليات هندسه وفى الاخر مش تصنع عربيه للمواطن الغلبان وكمان جمارك مش موجود زيها فى اى مكان فى العالم ,هو حرام يعنى لما المواطن المصرى الصبور يعيش عيشه اداميه زى باقى خلق ربنا فى كل البلدان

[أحمد فاروق سيد]

أقتباس من مشاركتى فى موضوع آخر
أحببت أن تكون ضمن هذا الموضوع
لوحدة المضمون

المشاركة الأصلية كتبت بواسطة أحمد فاروق سيد نتابع هذا الحدث العملاق من معرض فورميلا الأهرام 2010 الصور تتحدث عنها " أتفرج يا سلام على الحلوة يا سلام " مش قادر اوصفلكم مدى سوء هذه الفيسبا وللعلم الموتور صينى " ملهوش ماركة " فعلاً تمخض الجبل فولد فأراً لك الله يا مصر

[MO]

فييين يا فطومة التكتك
مش عارف اقول ايو ولا ايه
ولا علي الريداتير ولا علي الطبلوه ولا علي التقفيل من جوه
كان اكرم لهم يعملوه موتسكل او تكتك و يتقفل
والله حرام ظلموها