اسأل و استشير (السيارات الكوريه واليبانيه) , م . محمد عبد الجواد

[mfmsh3m]

معايا هيونداى أكسنت مو 2000 أوتوماتك المشكلة: -
- العفشة انا مغيرها كلها جديدة ولكن العربية ناشفة جدا و الدركسيون تقيل بالرغم انها بور فيها هزة فى الدركسيون فىبعض الاحيان العربية بتعوم
- معدل استهلاك البنزين عالى شوية ومخنوقة فى السحب ولما أدوس فرامل العربية بحس أنها متبرجلة ولما أوصل لسرعة 80 يبقى فى اهتزاز غريب فى العربية تقريبا أنا مش عارف اوصف الاعطال
- غيرت شكمان العربية علشان الخنقة الموجودة فى العربية لكن الامور بقت مش كويسة
ملحوظة أنا باعمل الصيانة والاصلاح فى التوكيلات المعتمدة أرجو ان يكون عند حضرتك الحل

[النورى]

عندى رعشة على السلانسيةفى النوبيرا 2 اوروبي غيرت بوجيهات وسلوك بوجيهات وموبينة وفلاتر ولا تغيير ونضفت البوابة وغيرت من فترة حساس شكمان استيراد ززالعربيةكان حاجة بتفصل وتشتغل تانى مع انخفاض فى الار بى ام وعلو مرة تانية

[icarus0505]

مشكلة فى مارش تويوتا 2005 أتوماتيك

مشكلة مدوخانى بقالها فترة لما العربية تمشى مشوار طويل أو تلف كتير على سرعة بطيئة (زحمة البلد) وأبطل العربية لأى سبب ( أمون فى بنزينة مثلا) لو حاولت أدورها بعد كده بسرعة مبتدورش والمارش ميطلعش صوت كأن مفيش بطارية اسيبها تهدى من 3 ألى 5 دقايق تدور عادى خالص
روحت التوكيل فكو المارش وغيرو طقم الشاربان ونضفو المارش وقالو أن ده هو السبب أجرب بعد كده المشكله هى هى
يا ترى حضرتك ممكن تفيدنى علما أن الكمبيوتر ملقاش حاجة فى أى سنسور بالعربية؟
أنا لاحظت أن المروحة بتاعة الريداتير بتبقى شغالة قبل ما أطفى العربية وتحصل المشكلة (بس ده طبيعى لأنها بتكون عاملة مشوار سخن) هل ممكن يكون ده السبب؟

[iah013]

السلام عليكم

ارجو المساعدة , لو كانت العربية تقدر تمشى المشوار كنت جيتلك والله

العربية دايو لانوس 2005 و ماشية 135000 كم

المشكلة ان العربية فاجاة بعد السير لحوالة 10 15 كيلو ما تسحبش و تبقى زى البطة و تبدء تنط مهما زودت بنزين. انا غيرت فلتر البنزين و البوجيهات و الزيت و مية الريداتير و نظفت فلتر الهوا. و النا مروح عملت نفس الموضوع و كمان علت حاجة غريبة بعد ما وقفتها نزلت شوية من مية الريداتير. حاولت اعرف التسريب منين معرفتش و تابعتها بعد كدة ما نزلتش مية تانى. عندك رأى فى موضوع السحب و مية الريداتير. مع العلم اى عند توقيف العربية لفترة ترجع تمشى كويس وبعدين تعمل الموضوع دة تانى.

[mahmoud.ah]

السلام عليكم ورحمة الله وبركاته
انا عندي استفسار
عربيتي ميتسوبيشي لانسر 2006 اوتومتك
العزم بتاع المكينة ضعيف وبالاخص لما تكون متفوله بنزين واما بيكون البنزين قليل بيكون عزمها افضل شوية
مع العلم اني عملتهلا فحص كمبيوتر وما طلعش حاجة
وندفت البخاخات ودواسة البنزين وغيرت مضخة البنزين وكنت مغير البواجي من 7 شهور
ولما عملت كل ده وبرضوه لسه المشكلة الراجل شك في ان الشكمان يكون مسدود فكلي الشكمان ومشي بها لقي نفس المشكلة
مع العلم اني في السعودية ومفيش حد كثير بيشتغل في اللانسر
فارجو الافادة