شهادة تأدية الخدمة العسكرية للمرحوم خالد سعيد

[MIDO-SPICY]

المشاركة الأصلية كتبت بواسطة koashraf انا معاك ان خالد سعيد ممكن يكون زى مانت قلت ويمكن أكتر.....بس مين اللى خلاه كده.... بلاش يا جماعه نقول ان حد هو السبب فى ان حد تانى بقى وحش او حلو الحلو فهو حلو لنفسه وهو اللى خلى نفسه حلو والوحش فهو وحش لنفسه وهو اللى خلى نفسه وحش ربنا ادانا العقل والمنطق والطريق الصح اللى نمشى بيهم ومش معنى اننا كان بيقابلنا صعوبات او مشاكل او حتى مواقف فى الحياه كانت بتخلينا نفقد الامل فى بكره فمش لازم اننا نستسلم ... لازم نعافر بالمعطيات اللى فى ايدينا (لوالكلام صح)....مش غياب القدوه...وعدم وجود هدف ولاامل فى المستقبل.... مين اللى خلا قدوة الشباب الممثلين...ولعيبة الكوره...والرقاصات ...واقصى امل لشاب انه يكون لعيب نص موهوب.... أوحتى ممثل درجه عاشره.... مين اللى خلا أهل الفن فى المقدمه ...واهل العلم فى مؤخرة الصفوف.... مين اللى جعل الشباب يضحوا بحياتهم فى البحر ليجدوا فرصة عمل شريف يحسنوا بيه اوضاعهم .مالقوهاش فى بلدهم....اللى بقت تستورد كل حاجه على حساب الصناعه الوطنيه وفرص العمل الضايعه لحساب رجال الحزب اللاوطنى اللى كانو بيستوردوا كل حاجه ويدمروا الصناعه الوطنيه عشان يملوا كروشهم بالمال الحرام. طيب اسمحلى انى اسالك بنفس صيغه سؤالك هل برضه الممثلين ولعبية الكوره والرقاصات هما اللى كانوا قدوة الدكاتره والمهندسين والمخترعين والرموز اللى مصر بتفخر بيها؟؟؟

الرد فى الاقباس

[memo_virus]

المشاركة الأصلية كتبت بواسطة MIDO-SPICY الرد فى الاقباس

[MIDO-SPICY]

المشاركة الأصلية كتبت بواسطة mar mar نفسي اعرف هو مضايقك اوي كده انا اقولك يا مرمر هو متضايق منه قوى ليه كده لان اللى ماشيين وراه دلوقتى عملوا منه بطل من ورق انا معنديش اعتراض فى وجود حركه زى 6 ابريل انما شخص زى خالد بالاخلاق اللى وضحهلنا محمد دى ( ان صدقت اوراقه ) فلا يصح انه يكون رمز الحركه دى ليه انت شايف انه ضايع وصايع طيب ماشي انا هبقي معاك للاخر هاتلي واحد في الشباب بتاع اليومين دول مش بيشرب او يحشش عادي يعني من الكبت والقهره اللي هما كانوا فيها ايه يا شباب ماحدش ناوى يرد ؟؟؟

الرد فى الاقتباس

[MIDO-SPICY]

المشاركة الأصلية كتبت بواسطة mar mar عمو عمو ياللي كاتب الموضوع احب اقولك ان الصور دي فوتوشوب بس علشان الناس تهدي وانت تهدي والشهاده ممكن تتزور عادي بقي

على فكره يا مرمر
عمو اللى كاتب الموضوع دا ضابط فى القوات المسلحه
مش فاتح سايبر
ولو فعلا الصور دى مفبره او مش متاكد من مصدرها
فدا يبقى عاااااااااااااااااار عليه

[MIDO-SPICY]

المشاركة الأصلية كتبت بواسطة mf86 بسم الله الرحمن الرحيم بداية أشكر كل من تفضل بالرد علي هذا الموضوع سواء بالايجاب أو السلب ولكن كان يجب فهم المغزي من موضوعي ... فأنا لايعنيني خالد سعيد أو غيره لاتعنيني 6 ابريل واخواتها انما مايعنيني اولا واخيرا هي مصر .. لم اكن اريد التحدث في هذا الموضوع الا بعد موضوع العضو المحترم أحمد سبايسي حول مظاهرة حركة كلنا خالد سعيد عند وزارة الداخلية ... أسفي الشديد علي من مدعي الثورة أن يجعلوا من شخصية المرحوم واجهه للثورة المصرية كي يخلدة التاريخ مع العظماء من شعب مصر .. هؤلاء الذين يجعلونه "جان دارك" الثورة المصرية وهي مكانة لايستحقها فكل مصري شريف خرج بدافع الحب والغيرة والحماسة لبلده ووطنه مصر هو "جان دارك" الثورة المصرية ... انا هنا في موقف الغيرة علي الثورة ولست ممن ينتقصون منها فاانا بفضل الله كنت ممن وفقهم الله لحماية الثورة ... اجعلوا ممن ضحي بدمه وماله واولاده وجهاً مشرقاً للثورة المصرية ولكن لا تجعلوا ممن تم رفته من الخدمة العسكرية لسلوكة الردئ ان يكون هو روح الثورة ... ثم ادعوا ان يغفر الله لنا وله علي ماقدمنا وما اخرنا ... انا واخوتي كنا من اقسم يمينا ان ندافع عن امن مصر وترابها في الداخل والخارج في البر والبحر والجو محافظين علي سيادتها ثم حنثنا بيمين الاخلاص لرئيس الجمهورية لانه لا يستحق هذا اليمين فالاخلاص لله اولا ثم لمصر وشعبها .. نعم لا انكر فقد تعاطفت مع مبارك باعتبارة رمزا عسكريا كبيرا ولا زال ولكني كرهت ضعفه وتخاذله امام حاشيتة الذين سيطروا علي مقدرات العباد والبلاد ليزدادو غني ويزداد الشعب فقرا .. كرهت كل رموز النظام والفساد فأرجوكم ايها الاخوة الكرام الا تخلطوا الاوراق فحتي الان لم يشف غليل دم اخي الشهيد ملازم اول /محمد عز الدين عبدالمنعم والذي استشهد وهو يحمي الثورة التي بانحرفت عن اهدافها فبدأو بالتخوين فمن ليس معنا فهو خائن عميل من فلول النظام فاكتشفت اننا تخلصنا من ديكتاتور كبير ليخرج لنا ديكتاتوريين شباب لايسمع ولايؤمن الا لنفسه ورأيه وان كان مخطئا ... واخيرا الي الاخت الكريمة التي اتهمتني بالتزوير ... فهذه الشهاده من سجلات القوات المسلحة ويمكن الاستعلام عنها برقم الشهادة وتاريخ صدورها .. وكيف لفرد من افراد القوات المسلحة ان يكون مزورا فشرف الجندي من شرف الجيش وشرف الجيش من شرف مصر .. ثم اضع بين ايديكم بياناتي العسكرية كاملة حتي يعلم الجميع اني لست من مدعي البطولة او الاستشهاد ملازم اول /محمد حسين عبدالله فاضل دفعه 101 حربية الترتيب العام 12 علي الدفعه الترتيب في التخصص : السادس علي المشاة مكان العمل : اللواء 24 مشاة ميكانيكي مقل ومقره بالمنطقة المركزية "هيليوبوليس" ونظرا لكفائتي ولله الحمد فقد خدمت لمدة 9 اشهر في قوات حفظ السلام بالسودان ... وهذا ليس فخرا وانما تذكرة بانني لست مراهقا او مزورا او مدلسا ... وشكرا,,,

اسمحلى ارفعلك القبعه

: THUMBS~220:

انا اسف انى عرفتك بالشكل الهزلى دا ماكنتش لسه قريت مشاركتك بالرد