بروفشنلز اسكندرية

[hema_hn]

اولا بشكر الادارة على تثبيت الموضوع لتعم الفائدة
التجديد فى 21 / 11 / 2010
وشكرا لكل من شارك ويريت اى حد يشارك يدعم مشاركته بارقام تليفونات والعنوان وتحديد عربيات قديمة او حديثة ولا بيشتغل فى كله ويريت كمان يقلنا على اسمه الحقيقى عشان نقول للصنيعى احنا جينالك من طرف فلان
وان شاء الله الموضوع كل شهر حجمع الناس كلها الى شاركت فى مشاركة واحده زى المشاركة دى
توكلنا على الله

ميكانيكى
1) شرقى ناحية كوم الدكة - ده اسطى كبير وصنعته ممتازة هو يمكن حراق شوية بس معلم وايده نضيفة ومبيركبش قطع غيار صينى و تايوانى او غيره الاصلى وبس وامين جدا شغله فى العربيات الحديثة اسمه الاسطى سعيد 0123310487 والاسطى هيما كبير الاسطوات عنده و دراعه اليمين 0185043500 ولما تروح قول له انا من طرف خالد صاحب النيسان النبيتى بتاع القاهرة مشاركة اخونا خالد خليفة من القاهرة
2) ميكانيكى اسمه محمد اليابانى بعد دوران مستشفى جيهان على اول الشارع الى هو فيه حسن صادق للكاوتش مشاركة mohaned_magdy
3) ميكانيكى تخصص اسكودا وكيا اسمه جمال اسكودا فى الحضرة الجديدة شارع الازالة عمل شغل فى عربيتى محترم وعنده قطع غيار وشغل لا يعلى عليه لكن المصنعية عالية شوية لكن فى مقابل شغل صح مشاركة احمد يوسف
4) شريف موجود في الابراهيميه و دي نمرته 0123766826 مشاركة thewesaman
5) ميكانيكى فى واحد بعد الشارع الموازى لشارع الحلمية فى نصه كده على ايدك الشمال وكمان هو ممتااااااااااز فى علب الدركسيون والجيربوكس مشاركة tom_gr

كهربائى
1) محرم بك - وليد شغال عند اخوه شارع الابعدية متفرع من شارع الرصافة ناحية قسم محرم بك عيبه مصنعياته عالية مشاركة العبد لله hema_hn ابراهيم
2) ميامى - ورشة فى شارع اسكندر ابراهيم بميامى أمام الاكاديمية بتاعة الشيخ طارقمعاملة تمام + قطع غيار +سكانر كمبيوتر والمصنعية معقولة جدا مشاركة negmeddin
3) فيكتوريا - ابراهيم وكان شغال في توكيل فولفو وشهرته ابراهيم فولفو مكانه ش جمال عبد الناصروانت رايح فيكتوريا بعد صنيه مستشفي جيهان علي طولخش اول شارع شمال لحد الاخر ليمين واسال عليه ركبلي فوانيس شبوره للفيرنا هي سهله بس حسيت انه فاهم وانا عنده جتله عربيات عليه مرسيدس عيونوكيا سبورتاج موديل السنه مشاركة ايمن منصور
4) سموحة - أمين القصراوى وعنوانه شارع أدمونفيرمون ( الواصل من ميدان مسجد على بن أبى طالب وحتى ميدان العيون ) بسموحهوهو راجل أمين ( اسم على مسمى ) وتليفونه 0127889896 كهربائى ممتاز والله وأنا بأترك لهالعربية وأقول له المطلوب وهو ينفذه بمنتهى الأمانه ،ولو اتعطلت عربيتك فى أى مكان يأتى إليكأو يرسل أحد الفنيين التابعين له، ولديه خبرة فى جميع ماركات السيارات القديم منها والجديد مشاركة اخونا الكبير نبيل عبد الرحمن
5) سعيد عبد الستار كهربائى بالحرفيين الاولى مشاركة محمد فيصل
6) كهربائى اسمه محمد رجب وشهرته عبقرينو ده شارع 547 متفرع من محمد نجيب مشاركة mohaned_magdy
7) الاسطى عبده أوشين (اوشين لأنه شبه اليابانيين شوية) المندرة قبلي ش النبوي المهندس , بعد محطة موبيل المندرة بجوار سنترال اسمه سنترال حمادة وتامر محترم جدا جدا جدا وراجل عنده ضمير اوي لو اشترى مسامير واستخدمهم واتبقى مسمار بيديهولك ويقولك ده بتاعك
وحنين ومهاود مشاركة أبو أسكندر

عفشه
1) امبروزو محرم بك - عاطف (كنيته عاطف القرد) امبروزوالشارع الى فيه قهوة العسكرى قبل متحصل ترعةالمحمودية رقمه 0125037193 يمتاز بالامانة وعنده ضبط زوايا وطلباته على اد الشغل مش بيفتح شغل ويريت تقله من طرف ابراهيم بتاع الاكسل من على النت حيعملك شغل تمام مشاركة العبد لله hema_hn ابراهيم
2) الحاج عبده بنزينه استاذ حداد درجه اولى شارع عبد المنعم بجوار مصنع سجاد دمنهور مشاركة محمد فيصل
3) محمد العفشجى - سيدى بشر ش سيف الشارع المقابل لبوابة الامن المركزى (خش واسال ) ضبط زوايا وحدادة عفشة وعفشة بتعامل معاهم محترمين وبيجيلهم ناس من كل حته - واحد تانى اسمه / على العفشجى - فى نفس الشارع بس ماعندوش ضبط زوايا انما برضه ممتاز فى العفشة وحدادة العفشة مشاركة didos
دولاب كامل من الصنيعية
1) فى الحضرة فى وش شارع السوق من ناحية الترام الاصفر
أ) عم محمد مدنى ( كهربائى ) ممتازرقمه 0187326616
ب) خالد مدنى (ميكانيكى) استاذ
ج) احمد الصعيدى بويجىمعلم
الثلاثة دول اخوات بس بسم الله ما شاء الله ده غير ان عندهم افضل سمكرى انا شوفتو بس مش اخوهم - و عندهم استاذ سروجى محترم جدا الاسطى اشرفمشاركة manchester اسمه الحقيقى حسن ورقمه 0111179897 صاحب العربية الفيرنا السودا وحسن بيعرض خدماته لتوسيط اى حد عايز يعمل شغل عندهم (جزاك الله خيرا يا حسن)
2) المركز الالمانى كليوبترا اول يمين بعد فندق الحرم من الكورنيش يوجد 3 مهندسين احمد/محمد/ابراهيم بصراحه شغل 100% (مشاركة احمد فيصل)

قطع غيار
1) شرق - فلفل شارع ابو قير قطع غيار دايو و سكودا محترم جدا و امين و اسعاره ممتازةتقريبا لما تعدى كلية هندسة ( بس و انت على الناحية التانية يعنى تبقى كليةهندسة على شمالك ) حيبقى على اليمين قبل خروب سامى ب 200 متر مشاركة احمد على 1999
2) أطلس 45 شارع الذهبى من صلاح الدين - فرع تانى 34 جما لعبد الناصر فيكتوريا 3570739 إضافة العبد لله hema_hn ابراهيم
3) محمود ابو كليلة - قطع غيار جديدة فظييييييييييع بجد انا موسوس فى قطع الغيار بسئل 10 مرات قبل ما اشترى و 5 بعد ما اشترى وعمرى ما لقيت الحاجه ارخص منه شغال فيات ولادا ودايو وبيجو وحاجات كتير محل علبة كبريت بس ما شاء الله مخازن بالهبل فى المندرة ش مساكن الحرمين امام سنترال الحرمين زقاق صغير ومحل صغير بس يحيرمشاركة didos

كربراتير
1) محرم بك - الشيخ احمد وطبعا هو عنده حوالى 3صنيعية شغالين معاه بس كله بيبقى تحت اشرافه مكانه ورا شركة كوتاريله فى قلب سوق الغيط الصعيدى عند مسجد انصار السنةتحت كوبرى محرم بك العلوى تليفونه: 0102591396 مشاركة العبد لله hema_hn ابراهيم
2) سعيد كاربراتير الحضرة شارع الزهور - التانى معرفش اسمه بس بيقولو جامد برضه فى السيوف الشارع اللى قصاد بنزينة صبرى وعمارات كيروسيزمشاركة didos
3) صنيعى محترم جدا عن تجربة اسمه عاطف فى الحضرة القبلية شارع ابن الملاعب ومصنعيته قليلة مشاركة احمد يوسف

سروجى
1) منطقة الحرفيين المنطقة الثالثة - حمدى شعبان - شغل نضيف جدا - اسعار رخيصة عن السوق مشاركة hamdisafety
2) ابراهيم النوام سروجى بالشاطبى خلف الشبان المسلمين مشاركة احمد فيصل
3) حودة الحضرة تليفون 0124634656 صنيعى وحنين مشاركة العبد لله ابراهيم

كاوتش
1) هانى - كاوتش وجنوط السيوف وانت رايح على دوران المطافى من الشارع اللى جنب فتح الله بتاع جاردينيا اسعاره خرافه وامين يعنى انا سالت قبل ماغير 4 فرد كاوتش فى حوالى 20 محل ولقيته ارخص واحد فى كل الماركات اللى سالت عليها مشاركة didos

عدادات
1) تخصص وعطل اعتقد لم يتطرق احد اليه ( العدادات ) واحد فى اخر شارع الحلمية فى الحضرة تخصص عدادات مشاركة tom_gr
محدش يعرف ناس تانية

[Bahi]

شاب صغير كهربائى وتكييفات خرررررررافة وأكثر من ممتاز ومصنعيتة معقولة جدا وأخلاقة فوق الوصف وجدع وبيفهم فى الجديد والقديم وبيطور نفسة حتى من الأنترنت فى الابراهيمية ورا سامى بتاع الخروب أسمة ممدوح وموبايلة 0108718122.

كلمة وخلية يوصفلك الورشة بالضبط ولما تروح هناك أسأل على ممدوح "الصغير" لأن عمة شغال منفصل فى نفس الورشة ولما تشوفة قولة من طرفى ولما تخلص الشغل أدعيلى.

[waled_superstar]

السلام عليكم ممكن اعرف فين الميكانيكى للى فى شارع الحلمية دة معلش فين شارع الحلمية دة فى منطقة اى فى اسكندارية يريت توضحلى العنوان بتحديد وجزاك لله خيرا

[hema_hn]

المشاركة الأصلية كتبت بواسطة waled_superstar السلام عليكم ممكن اعرف فين الميكانيكى للى فى شارع الحلمية دة معلش فين شارع الحلمية دة فى منطقة اى فى اسكندارية يريت توضحلى العنوان بتحديد وجزاك لله خيرا

اخى الفاضل انا كنت طلبت من مشاركة تكون مدعومة بارقام التليفونات بس الناس هنا عملو الى قدرو عليه وفعلا انا مش حاخد رقم تليفون اى حد يصلح عربيتى
بالنسبالى انا حوصفك شارع الحلمية لو انت جاى من محطة مصر ومشيت فى شارع ابو قير حيقبلك على يمينك مستشفى جمال عبد الناصر تفضل ماشى فى شارع ابو قير حيقبلك اشارة الابراهيمية حتدخل قبل الإشارة كإنك رايح سموحة تفضل ماشى وتنزل من تحت الكوبرى بتاع الابراهيمية حتلف مع العربيات وانت بتلف تعد الشوارع على يمينك اول شارع لأ ثانى شارع هو اول شارع الجواهرواخره الحضرة الوكاله
تقبل تحياتى

[waled_superstar]

شكرا يا غالى ربنا يبارك فيك الصراحة مجهود يستاهل التحية والتقدير اخى من تجاربك وتجار الاخوة عندى مشكلة فى العربية هيا 127 اما العربية تيجى على الثالث وفى مكان فية مضبات العربية تعمل زى المنخل وتتهز من جوة جامد الازم تهدى عشان تسكت الهزة واما تكون فى ارض مستوية وعلى الثالث ما تعملش الهزة والنخل والرجة ارجو الافادة هل العيب عفشة ولا اى وشكرا وجزاكم لله خيرا