اللي معقدنا في عيشتنا سواقة الستات :)

[saadelden]

يا جماعة الموضوع الغرض منه أولا إن الستات اللي غلطانين يرجعوا نفسهم و يقروا كتاب المرور بتاع السعودية ويلتزموا بيه لو عملنا كده البلد ديه هتبقى عشرة على عشرة أنا اكره إن حد يفكر نفسه إنه بيعرف يسوق لان السواقة مش بنزين وفرامل زي مالسعودين بيقولوا

ما هو دا الي نجحني و بالذات الاشارات

أيش السواجة فحط ودعس

ptmnlo123per145

[Ahmed_lol2007]

يا جماعة أنا تعبت
إمبارح بالليل كنت خارج أنا واتنين صحابى وراكب الاوبل وراكن عشان كنا بنشترى حاجات بس أنا كنت مستنى فى العربية وفى واحد منهم قاعد جمى ومرة واحدة لقيت ست راجعة فى شارع عمومى ما بين فيصل والهرم (الشارع إتجاه واااااااااحد) بضهرها حوالى مسافة 100 متر وكل شوية قبل ما تخبط عربية تلحق نفسها وتعدل عربيتها وتكمل رجوع وجت عندى وحصلت الفاجعة الاقى الست الفاضلة راحت داخلة فى رفرف الاوبل أنا كنت هعيط لما سمعت الصوت ترخ ترخ ترخ ترخ ترخ وخد من دة كتير لقيت صاحبى اللى بيتشترى الحاجة سمع صوت الخبطة وراح جاى جرى وبيشاورلى من بعيد بيقولى خلاص كله تمام فبقول للست يعنى راجعة دة كلة وإنتى غلطانة وخبطى العربية ورجعة بضهرك مسافة 100 متر والقانون بيجيز ليكى ترجعى مسافة عربيتك فقط عشان الركنة وفى الاخر عايزة تعويض تقولى أيوة انت إيه الى مخليك راكن مش شايفنى جاية وبعدين دة شارع جابنى يعنى أمشى فى اى اتجاه زى ما انا عايزة
مرة واحدة رحت متنرفز أكتر مما كنت عليه وزعقت لقيت الرجالة جاية تجاملها على حسابى وبيقولو إنت اللى غلطان ولا عشان عربيتك صاجها جامد المهم لقيت الست هتعلى صوتها وتقولى مليش دعوة إنتا تروح معايا عن السمكرى وتشوف هيتكلف كام وتحاسب قلتلها طب أنا عندى فكرة أحسن قالتلى إيه قلتلها فى عربية مرور بتبقى راكنة فى الحتة الفولانية وبيبقى فيها ظابط على طول إيه رايك نروح والى يحكم بيه أنا هنفذه (طبعا لو كان قالى حاجة مكنتش هعملها بس دة كان تهديد)
فى ساعتها لقيت الرجالة كلها إخرصت والست طب ليه نروح ونعمل شوشرة إنت إعملها ومش هنعمل محضر ولا غيره لقيت الرجالة اللى كانت بتجاملها بيقولوها حضرتك الى غلطانة وفعلا الى هو بيقولو صح ومفيش وجه حق إنه يصلح لك العربية وف ساعتها أما لقيت كله قلب عليها قالتلى خلاص أنا مسمحاك رحت أنا قايلها وأنا مش مسمحك وحسبى الله ونعم الوكيل فى اللى بيطلع لكم الرخص
رحت سايبها جيت أمشى وأتارى الاخت الفاضلة أما ركنت ما بعدتش عن العربية عندى لا تنتها زى ما هية فوأنا طالع سمعت أصوات غربية رحت واقف ومخلى صاحبى اللى جمبى باصص وبيقولى إستنى شويه لغاية أما تبعد المهم إنها عدلت نفسها وأنا مشيت وبقول لصاحبى إيه اللى كان بيتخبط دة قالى الرفف بتاعها كان محجوز فى الجنط بتاعك قلتله طب حصل حاجة يعنى راح قالى يا بنى الرفرف بتاعها باظ من ساعة أما هيا دخلت فيك رحت نازل أبص على عربيتى وكانت المفاجأة إن العربية مفيش فيها خدش ولا حتى فى البوية
ودى أخرة اللى يسكن فى فيصل أو الهرم
واللى يتعب الاعصاب بجد يا جماعة إن فى موقف زى دة لسة حاصل معايا أنا وصحبى بعربيته الجيب وفى نفس الشارع

ههههههههههههه هيه ديه بلدنا يا ابو حميد كل واحد عايز يجامل اي واحده ماشيه في الشارع اذا كانت غلطانه مش غلطانه المهم انه يشد انتبهها ليه ويخليها تشوفه هيرو قدامها الرجاله في الشارع بقيت عندها الخصله اللي ما يعلم بيها الا ربنا ديه انا لو مطرحك وواحد جه قلي انتا اللي غلطان ساعتها هنفض للناس كلها وهحطه هوه في دماغي وهلبسه هوه الليله علشان يحرم يعمل فيها دكر تاني اودام اي LADYS

[Ahmed_lol2007]

على رأيك والله يا أحمد باشا الواحد تعب من سواقة الستات

[amgad ahmad]

المشاركة الأصلية كتبت بواسطة horas3000 يا اخت ميمي هدي نفسك الموضوع الغرض منه الفكاهة لا اكتر و لا اقل و بعض الشباب نفسوا عن غضبهم بس الكلام اللي انتي قلتيه الي حد ما صحيح بس مش عشان الرجالة مبتعرفش تسوق و الستات لا او العكس الموضوع نسبة و تناسب شوفي عدد الرجاله اللي بتسوق مقارنه بعدد الستات و الارقام هتبقي معقوله و علي فكرة في ستات بتعمل حوادث بشعة و في ستات بتتسابق و بتخمس و بتامرك كمان بس عددهم قليل و زي ما قالك العضو Breaveheart تعالي شوفي سواقه الستات في الكويت و شوفي العربيات اللي راكبينها بورش و فيراري و لامبورغيني و مازيراتي و هاتك يا جري و تلاقي وراها 4 5 عربيات فيها شباب كرامتهم ناقحة عليهم و عايزين يسبقوها و ياما حوادث حصلت بسبب الموضوع ده و في برضة ستات بتعرف تسوق كويس و خبيرة في الميكانيكا كمان و بتعرف تتصرف في الاوقات الحرجة بس برضة شئنا ام ابينا كل الدراسات بتاكد ان الرجالة بشكل عام بتتعامل في موضوع السواقة احسن من الستات و الفكرة ان لكل قاعدة شواذ و التعميم المطلق غير صحيح اتمني تكوني من النوع اللي بيعرف يسوق كويس و بيعرف يتصرف خصوصا لما بيتم التضييق عليكي من بعض الناس عديمي الحس و يا ريت تقبلي كلامي بصدر رحب و مكونش زعلتك و خدي الموضوع ده بشكل فكاهي لان المواقف اللي في الفيديو فعلا كده

وحضرتك شوفت ستات بتتسابق وبتغرز هنا في مصر ؟