ما هى افضل سيارة ركبتها فى حياتك واسوء سيارة ركبتها فى حياتك

[مادا]

كل الناس بتركب تاكسيات وبتركيب سيارت ملاكى بس فى عربيات بترتاح فيها وفى عربيات مش بتستريح فيها ممكن تفتكر احسن عربية ركبتها وكنت مستريح فيها كانت ايه واسوء عربية ركبتها كانت ايه

[A7MED NASSER]

افضل عربيه ركبتها كانت سياره BMW الفئه السابعه و كنت راكبها مع صديق ليا بس خوفت منها بصراحه و ما سوقتهاش . و اوحش عربيه ركبتها لادا 2105 و دي بعتبر ان ال 128 ليها مرسيدس هههههههه

[مادا]

انا عمومآ احلى عربيات ركبتها كانت سيارة مرسيدس موديل التسعينات وركبتها من 13 سنه تقريبا كنت مع واحد صاحبى كنا راحين نجيب بضاعه للمحل بتاعه . وسيارة لانسر كانت موديل التسعينات ايضآ وكنت بركبها زمان كتير مع قريب ليا وكنت بحب اركبها قوى وكانت عفشتها ناعمة جدآ مابحسش بالمطبات خالص وكانت لسه على الزيرو. وسيارة تويتا كورلا وركبتها يوم فرحى وكانت اول مره اركب فيها تويتا ملاكى وعجبتنى جدآ وكنت حاسس انى نفسى اسوقها بس كنت انا العريس ومينفعش ونيسان صنى كانت بتاعت المدير بتاعى فى الشغل وكنا بنروح بيها اجتماعات وبصراحه كانت حلوا . والانترا ركبتها مرة وعجبتنى جدآ وحسيت انى راكب مركبه وكانت واسعه ومريحه والسيارة اللى بحب اركبها جدآ لما كنت بركب تاكسيات هلى الاكسنت بحس انى ببقى مستريح فيها .
واسواء سيارت ركبتها كانت سيارة تاكسى اسمها داتسون كانت معفنه جدآ صاحبها مش محافظ عليها والكرسى لازق فى التابلوه والجنبه اللى وراء لازقه فى الكرسى اللى قدام وراسك خابطه فى السقف وجميع سيارات اللادا القديمة والحديثه وسيارت 1100 وال1300 تاكسيات كلها ومن والسيارت الحديثه اللى ركبتها ومستريحتش فيها كانت الرينو لوجان الكرسى مجنش مريحانى وهى ماشيه والفيات 128 كانت عندى موديل2006 ومش مريحانى وكنت لما بسافر بيها بقعد يومين ظهرى وجعنى وسيارة هيونداى اتوس كانت ضيقة جدآ وكنت فى الاول انا سايقها وفى نصف الطريق سبتها لصاحبتها هى اللى تسوق مكنتش عارف اسوقها من ضيقتها

[MEMOO_1ST]

انا بصراحة احسن عربي ركبتها كانت سيفرولية كابرس موديل 2008 وكان صاحبي جاي بيها من الكويت وعربية ماشاء الله تحفة والي قاعد ورا مرتاح جداً.
اسوأ عربية ركبتها كانت زيزتافا عربية ال 127 واسعة جداً بالنسبلها.

انا اكتر عربية ركبتها كرهتني في حياتي كانت ال 128

واجمل عربية سوقتها كانت الكريسلر تاون اند كانتري 2009