|
|||||||
| منتدى الصيانة العام أى مشكلة فنية تواجهك ضعها هنا |
 |
|
|
أدوات الموضوع |
|
|||||||
| منتدى الصيانة العام أى مشكلة فنية تواجهك ضعها هنا |
|
|
|
أدوات الموضوع |
|
#1
02-10-2013, 02:37 AM
|
||||
|
||||
الرد الحاسم على قل ما يقال بخصوص التربو
سلام عليكم
الموضوع انهارده عشان نغير ثقافة ماشيه غلط كل واحد دلوقت يجى يقول التربو وحش التربو حلو لا غلط على الموتور لا حلو على الموتور ده هيجيب 20 حصان ده هيجيب 500 حصان انا قربت اطق من اللى بيتقال و بيحصل ده عشان كده قررت انتقم فى الموضوع ده من الثقافة دية بالأرقام و الجداول و التفاصيل دور التربو ايه ؟ قطعة مهمتها تدخل هواء للعربية اكتر من الطبيعى انواعه ايه ؟ خد عندك الخريطة دية عشان تعرف فى كام نوع من التربو على كوكب الأرض المصريين ما يعرفوش غير نوع واحد و بيستخدموه غلط كمان !!  تعالو نعد ما بعض ! الفئة الأخيرة :- تربو يركب على فرن الشكمان " الشائع فى مصر " 1-تربو يركب على الشكمان مع وجود الانتى لاج سيستم و تربينة معدن 2- تربو يركب على الشكمان مع وجود الانتى لاج سيستم و تربينة سيراميك 3- تربو يركب على الشكمان مع عدم وجود الانتى لاج سيستم و تربينة معدن 4- تربو يركب على الشكمان مع عدم وجود الانتى لاج سيستم و تربينة سيراميك انا شرحت قصة الانتى لاج قبل كده فى موضوع مستقل http://www.masrmotors.com/vb/showthread.php?t=118312 الفئة الثالثة :- تربو يركب على سير الدينامو (تربو - سوبر شارجر ) 5- تربو يركب على سير الدينامو بدون علبة تروس احادى و تربينة معدن 6- تربو يركب على سير الدينامو بدون علبة تروس احادى و تربينة سيراميك 7- تربو يركب على سير الدينامو بدون علبة تروس ثانئى و تربينة معدن 8- تربو يركب على سير الدينامو بدون علبة تروس ثنائى و تربينة سيراميك 9- تربو يركب على سير الدينامو بعلبة تروس احادى و تربينة معدن 10- تربو يركب على سير الدينامو بعلبة تروس احادى و تربينة سيراميك 11- تربو يركب على سير الدينامو بعلبة تروس ثنائى و تربينة معدن 12 تربو يركب على سير الدينامو بعلبة تروس ثنائى و تربينة سيراميك الفئة الثانية :- تربو كهربة ملهوش علاقة بسير ولا شكمان بطارية و بس 13- تربو كهربة احادى بتربينة معدن 14- تربو كهربة احادى بتربينة سيراميك 15- تربو كهربة احادى بتربينة فيبر 16- تربو كهربة احادى بتربينة كاربون فايبر 17- تربو كهربة ثنائى بتربينة معدن 18- تربو كهربة ثنائى بتربينة سيراميك 19- تربو كهربة ثنائى بتربينة فيبر 20- تربو كهربة ثنائى بتربينة كاربون فيبر 21- تربو كهربة ثنائى احترافى بتربينة معدن 22-تربو كهربة ثنائى احترافى بتربينة سيراميك 23-تربو كهربة ثنائى احترافى بتربينة فيبر 24-تربو كهربة ثنائى احترافى بتربينة كاربون فيبر 25- تربو كهربة ثلاثى بتربينة معدن 26- تربو كهربة ثلاثى بتربينة سيراميك 27- تربو كهربة ثلاثى بتربينة فيبر 28 - تربو كهربة ثلاثى بتربينة كاربون فايبر 29- تربو كهربة رباعى بتربينة معدن 30 - تربو كهربة رباعى بتربينة سيراميك 31- تربو كهربة رباعى بتربينة فيبر 32- تربو كهربة رباعى بتربينة كاربون فيبر 33 - تربو كهربة رباعى احترافى بتربينة معدن 34- تربو كهربة رباعى احترافى بتربينة سيراميك 35-تربو كهربة رباعى احترافى بتربينة فيبر 36 - تربو كهربة احترافى رباعى بتربينة كاربون فيبر الفئة الاولى :- سوبر شارجر يركب على سير الدينامو 37- سوبر شارجر يركب على سير الدينامو من الجيل الاول معدن 38 - سوبر شارجر يركب على سير الدينامو من الجيل الاول سيراميك 39- سوبر شارجر يركب على سير الدينامو من الجيل الثانى معدن 40- سوبر شارجر يركب على سير الدينامو من الجيل الثانى سيراميك 41- سوبر شارجر يركب على سير الدينامو من الجيل الثالث معدن 42- سوبر شارجر يركب على سير الدينامو من الجيل الثالث سيراميك 43- سوبر شارجر يركب على سير الدينامو من الجيل الرابع معدن 44- سوبر شارجر يركب على سير الدينامو من الجيل الرابع سيراميك 45- سوبر شارجر يركب على سير الدينامو من الجيل الخامس سيراميك 46 - سوبر شارجر يركب على سير الدينامو من الجيل الخامس كاربون فيبر شايف الانواع دية كلها كل واحد فيهم ليه 20 مقاس بالموتسط يعنى 46 * 20 = 920 نوع و مقاس تربو تقدر تقولى مين فيه اللى غلط على الموتور تحديدا ؟؟ !! خلصنا من نوع التربو لا لسه تعال نشوف تفاصيله عندك تصميم كل تربينة يختلف عن التانية فى القطر و عدد الزعانف و شكل الزعانف و المسافات بينهم و خامة التصنيع و زاوية ميل الزعانف  تربو الشكمان  التربو سوبر شارجر بعلبة التروس  شكل علبة التروس  التربو الكهربة الاحادى  السوبر شارجر  و بيركب كده هو و التربو سوبر شارجر  و الاجيال الاحدث منه شكلها كده  ايه موضوع السيراميك و المعدن و الفيبر و الكلام ده شوف دية صفحة من كتاب ماكسيمام بوست لبيلى راى من الاباء الروحيين للتربو  مين بيحدد ايه ؟ بناء على دراسة معلومات تصميم موتورك بيتم اختيار التربو المناسب ليك يعنى مش موضوع اختار البطيخة اللى تعجبك و ركب شغل الحرفيين و الجو بتاع ربط المسامير مينفعش ده بيتم بحسابات فيزيائية معقدة جدا و الحمد لله انه تم برمجة المعدلات دية و بقت برامج تساعد المختصين فى العمل بسرعة عشان يركب التربو لازم 1-قطر البستم و طول الشوط 2-معامل الانضغاط الداخلى للمحرك 3-سعة اللترية 4-اقصى معدل دراون للمحرك 5-اقصى عزم بيحصل عند كام معدل دوران 6-اقصى قدرة حصانية للمحرك ايه 7-نوع السبيكة بتاعة ايه هو و البساتم 8-قطر البوابة بتاعة المحرك ايه يعنى من الاخر كل موتور ليه التربو بتاعه لا ينفع تركب اقل ولا ينفع تركب اكبر لسه هشرح خرائط التدفق دلوقت - انه موضوع الأنتقام - مش كل ميكانيكى يقولك سعة الموتور قد ايه يبقى هات التربو التخين يا بلية و ركب و كل تربو ليه تأثير مختلف مع اتخلاف نظام نقل الحركة هشرح دية لسه . خرائط التدفق و تعرفها ببساطة خيرطة و محاور بيانية تساعد فى استنتاج المعلومات التالية الضغط النسبى هيكون كام عند معدل تدفق هواء كام بعد التصحيح بدرجات الحرارة و تأثيرها و تأثير المواسير كمان بتعرفنا هنلف كام لفة فى الدقيقة عشان التربو يطلع الكفائة القصوى ليه و هنلاقى حاجه اسمها سيرجى ليمت مينفعش التربو يكون ضغطهاكبر من سيرجى ليميت و الا الشكمان مش هيقدر يخرج العادم و لو تربو شكمان مش هيقدر يلفه و هتلاقى الموتور بيصرخ زى المجنون و حاجه اسمها للو سايز ليميت و دية النقطة اللى لو صغر التربو عنها يبقى ملهوش معنى اساسا  و كل مكنة و تربو و ليهم حاجتهم دية كمثال مش اكتر لكن المعادلات ثابته كده بقى خلصنا الجزء المتعلق بالتربو لسه في الجزء المتعلق بنوع المحرك كربيراتير ولا انجيكشن ؟ القصة كلها فين دلوقت الطاقة لا تفنى ولا تستحدث من عدم "حد يعترض بقى " طيب عشان احنا نجيب قدرة اكبر للموتور لازم نبزل طاقة اكبر صح - اه صح او نخلى المقاومة اقل ده مش موضوعنا عشان نبزل طاقة اكبر لازم نهضم كويس و ناكل اكتر عشان نهضم كويس بناخد هواء اكتر من التربو هناكل اكتر ازاى بقى ؟؟؟ !! هنا بقى بيكون دور الانجيكشن ان فى قطعة مهمة جدا مع الكمبيوتر اسمها الاير ماس فلو سيسنسور A-MFS دية بقى لما تدخل هواء اكتر تعرف انت دخلت مقدار زياده قد ايه فلما تعرف تبلغ عند الكمبيوتر على طول الكمبيوتر يقول ازاى الكلام ده انا بحرق بنسبة بنزين لهواء ثابته زود البنزين يا رشاش منك له يقوم مزود البنزين فيحرق اكتر يعنى ياكل اكتر يعنى يدى طاقة اكبر تخيل بقى تربو و الاير ماس مش موجود  حلو دخلنا هواء و ظبطنا لا لسه هنعمل ايه فى درجة الحرارة ؟ دلوقت اى تربو بيسخن الهواء اللى خارج منه و ده غير مفيد للمحرك انه يبداء عملية الاحتراق و هو سخن كل ما كان الهواء بارد كان افضل عشان كده وجود تقنية لتبريد الهواء الخارج من التربو افضل بكثير من خروجه مباشرة و هنا بقى يحطى اصاد اخطر عيب فى تربو الشكمان انه بياخد سخنية الفرن بتاع الشكمان كله و يبردها على قد ما يقدر و بعدين يوصل على الموتور ده غير مشكلة عدم الانتظام اللى بيقولو عليها الاج يقعد يعلى و يوطى مع هواء الشكمان و ده بيلخبط الموتور و يخليه يطلع الرزع اللى بتسمعه عشان كده اخترعو اير ماس سريع فيقدر يتعامل مع التغيرات دية و يحمى الموتور و ده سر محرك ال TSI تربو محدش يبلغهم بقى انهم اتقفشو " هما استخدمو النانو تكنولوجى فى توزيع الكاربون بتاعة مقاومة الحساس عشان تسخن و تبرد بسرعة شديدة و تقدر تحس بالتغيرات بسرعة و غيرو تصميم الرشاشات عشان تكون سريعة التحضير و السر فى المادة الخام بتاعة القلب نفسه  دية بعض حلول التبريد التبريد بالرديتور   التبريد بالسيمى كونداكتور ثيرمو كوولر  و ده بيتثبت فى التربينة نفسها على جسم الكويل او البودى  وبيعمل بالكيفية دية  طيب فاضل نتكلم عن البنزين بالمره ! تأثير التربو يتناسب طرديا مع شدة نقاء البنزين و قدرته على الاشتعال 80 ده بره المعادلة 92 يبداء مع ابسط تربو 95 هو الأفضل للتربو وقود السباق " بنزين 95 و ايثانول " هو الاعلى اداء على العربية و الموتور النيتروز و ده اكبر تهديد لبلوكة الموتور عشان كده لازم تتأكد من نوع بلوكة موتورك و ابسط طرق حقنه كده على التربو و فى طرق معقدة جدا منها الحقن على بستم بشكل مباشر  فاضل نتكلم عن العمة بتاعة العربية دلوقت العربية لازم يكون فيها عمة واحده عن تجربة انا حطيت عمتين خنقت الدنيا العمة لازم تكون معزولة وبعيدة عن السخونية بتاعة الشكمان قدر المستطاع العمة لازم تواجه الهواء الطلق و ده الافضل لكن هتحتاج نضافة كل شوية جودة العمة اهم من شكلها نتكلم عن موضوع العزم بيتحدد ازاى ؟؟!! اتفقنا فى بداية الموضوع الموتور هو اللى بيحدد هياخد تربو قدرته قد ايه احنا بنقيس قدرة التربو بالقدم المكعب فى الدقيقة CFM و دية بتتحول للباوند فى الدقيقة بالشكل ده CFM*0.069 عشان يكون عندنا Ib/min عندنا بقى كل واحد Ib/min يعطينا 10 حصان ميكانيكى عند درجة حرارة 90 سيلزيوس طيب لو التربو اعطانا 10 باوند فى الدقيقة هنضرب فى 10 هيبقى عندنا 100 حصان اضافى على الموتور لعزم العربية الكلام ده صحيح لا غلط امال ؟؟ في عندك حاجه اسمها معامل نظام نقل الحركة يعنى نظام نقل الحركة الامامى بيكون المعامل بتاعه 0.10 و نظام الحركة الخلفى المعامل بتاعه 0.15 اعلى عشان الكردان و الكرونة و النظام الرباعى 0.25 مجموع الاتنين طيب الحسبة بتتعمل ازاى لو 100 حصان امامى بتكون 100 \ 1.1 تطلع 90.9 حصان يعنى صافى 90 حصان لو 100 حصان خلفى بتكون 100 \ 1.15 تطلع 86.95 يعنى 86 حصان صافى لو 100 حصان رباعى بتكون 100 \ 1.25 تطلع 80 حصان صافى كده بقى اللهم ابلغت اللهم فأشهد عشان محدش يضحك عليك و يخوفك من حاجه ولا يروطك فى حاجه مش بتاعتك تلبس قميص مش بتاعك ليه !! بالتوفيق
__________________
|
|
#2
02-10-2013, 04:13 AM
|
|||
|
|||
رد: الرد الحاسم على قل ما يقال بخصوص التربو
اقل ما يقال شرح اكتر من كافى واكبر من وافى وبيان ومنهج ومرجع لجميع هواة ومحترفين تعديل السيارات رائع جدا وتسلم ايدك يا باشمهندس رامى صفوت !ربنا يجازيك على مجهودك وتعبك كل خير!   :GROWI N~12:
|
|
#3
02-10-2013, 05:00 AM
|
||||
|
||||
|
رد: الرد الحاسم على قل ما يقال بخصوص التربو
تعديل
ده شكل علبة التروس بتاعة التربو سوبر الشارجر على سيرك الدينامو من جوه معلش غلطة ابلود سينتر ما تحدثو الموقع بقى 
__________________
|
|
#4
02-10-2013, 05:43 AM
|
|||
|
|||
رد: الرد الحاسم على قل ما يقال بخصوص التربو
|
|
#5
02-10-2013, 06:53 AM
|
||||
|
||||
|
رد: الرد الحاسم على قل ما يقال بخصوص التربو
بصراحة موضوع اكثر من رااااااااائع
__________________
|
|
| الكلمات الدليلية |
| supercharger, turbo charger |
|
|
