لو مش قادر يا ريس مرسي اطلع قول للشعب الحقيقه بدري

[Al Ghareeb]

المشاركة الأصلية كتبت بواسطة mhamdy75 الصبر مفتاح الفرج ولازم نبقى كلنا مرسى ونحارب الفساد كل واحد فى موقعه وفى شغله وفى منطقته

هوا دا الكلام

[Elsebily]

علي فكره بقي انا شخصيا شايف اني مفيش حاجه هتتغير وأتحدي أي حد يقولي اني البلد الواقعه دي هتقوم في مية يوم طول ما د. مرسي عامل حساب المجلس العسكري وعمال يشكر فيهم في كل اجتماع وكل صغيره وكبيره عمر البلد ما هتتعدل ونفسي افهم ازاي هو يفضل ساكت علي اني وزاره من اهم وزارات الدوله ميكونش له فيها اي صلاحيات ويسيب كبار الحراميه اللي فيها هما اللي يتحكمو فيها ( اللي هي وزارة الدفاع طبعا),ده بافتراض اني كل الوزارات التانيه وكل حاجه تحت سيطرته وبصراحه انا متوقع اني سيناريو عبد الناصر والاخوان هيتكرر تاني ويمكن قبل المية يوم كمان وطول ما هو ساكت ومش راضي يصارح الناس بالضغوط اللي عليه هيجي يوم في الاخر ومش هيلاقي حد واقف معاه وعلي فكره جنازة عمر سليمان وكل السيناريوهات اللي حصلت في الاعلام بعد موته والشكر فيه وانه البطل المغوار الوطني المخلص عليه في حين انه كان بيقال عليه في نفس الاعلام هو هو انه فلول وكل ده مؤشرلشئ لازم الكل يقف عنده وأنا كنت مش مؤيد اني حد يشتم في حد ميت بس مكنتش متخيل اني الموضوع يوصل انها تبقي جنازة عسكريه وشكر فيه في كل وسائل الاعلام ودفتر عزاء في اليوم السابع وجنازه يتشتم فيها الاخوان وكان ناقص بعد الجنازه يعلنو عودة مبارك لرئاسة الجمهوريه ومحدش يقنعني اني سليمان غير مبارك لاني مش معقول سليمان هيكون مساعد لمبارك وشايف كل اللي بيعمله هو وكل مساعديه ويكون هو قاعد بيصلي جنبهم ويدعيلهم بالاستقامه والتوبه والمغفره بس عامة كل اللي انا متأكد منه ومقتنع بيه تمام الاقتناع إني المجلس العسكري مستحيل يسيب لدكتور مرسي الحكم ويديله صلاحياته وبالتالي د.مرسي مش قدامه غير حل من الاتنين وهو انه ياما يوافق علي التطبيع مع العسكري ويوافق علي سياساتهم ياما ينقلب علي العسكري ويطلع ويقول ان عليه ضغوط ويعتمد علي الجماهير اللي انتخبته ووقفت معاه وتحصل ثوره شعبيه علي العسكري بس من الواضح انه اختار السيناريو الاول وأتمني اني الموضوع مينتهيش بخناقه كعاده كل المواضيع السياسيه في المنتدي وكل حد يتقبل رأي الاخر

[Felefel Ahmed]

هاهاهااااا
الحمد لله انا مرشحتش د/ مرسي أو شفيق (كل الأحترام لكليهما)
الريس الأن د/ مرسي (اذا له منا كل الأحترام والطاعه)

- كل القرارات لصالح الأخوان (جايز الأعلام بيشتغلنا)
- تعديل الأجور لهيئه التدريس العالي (ماشي د/ مرسي دكتور جامعه ) حته واجب
- مفيش تعديل اجور للمدرس العادي !! او العامل أو أو (ماشي هما يعرفوا عننا)
- مجلس الشعب ده افور أوي أوي ( ماشي يمكن الناس دي كلها مش فاهمه حاجه)
- كل الثوار أللي هما السبب بعد توفيق الله طبعا لسه فى السجون (اصل الجيش حاكم عليهم) ماشي انا مفهمش قانون أوي
- 55 مسجون ارهاب دولي فى مصر يفرجوا عنهم (اخوان) ماشي يمكن حسن سير وسلوك
- الأخ أللي مسكوه مع الموزه اختفى (ماشي يمكن العداله واخده مجراها هما يعرفوا عننا)
- الكهرباء (تيييييييييييييت) ماشي يمكن هما يعرفوا عننا بس انا مش عارف اعيش فى الضلمه (احنا منفهمش حاجه , ده توفير)
- المياه مقطوعه (تيييييت 2) ماشي يمكن المحبس مقفول من الصومال هما ادري واحنا ناكل خره ونستخدم وايبس او ميه معدنيه
- الميه المعدنيه زاد سعرها 25 الي 50% علشان مفيش ميه عاديه (معلش )
- البنزين والسولار (تييييت 3) نقول طرف تالت وخلاص
- قضايا قتل المتظاهريين لسا مفيش حكم فيها (-------------)
- مليار و200 مليون جنيه للمسلسلات (يمكن هيا ديه البورصه) هما اعلم مننا
- المزارع السمكيه بالأسكندريه منهوبه (5800 حوض شغال منهم 3 بس) يمكن ده اصح لصحه السمك
- الفول بقى ب 10 جنيه الكيلو (يمكن علشان وحش لصحه الناس)
- كل السلع الأساسيه زاد سعرها فى 2 أو 3 مرات (يمكن أللي بشتري منهم بيشتغلونى)
- التليفزيون كله اعلانات تيجر كينج أللي وزاره الصحه منعاه ( يمكن الدش بتاعي بيلقط من الهند مش مصر)
- 5 رؤساء مخابرات ل 5 دول يقتلوا فى يوم واحد (مصر , سوريا , تونس , تركيا , اسرائيل) والسعودي رقم 6 يعزل فى نفس اليوم (سبحان الله , أكييد صدفه)

انا هعمل عبيط علشان المراره خلاااااااااااااااص

[أيمن الروبي]

البلد بتتعرض لأكبر عمليه تخريبيه علي مر العصور
الفلول واعضاء الحزب الواطي ورجال الاعمال الموالين للنظام السابق وكبار المسئولين في الدوله
بيسعو لتدمير البنيه التحتيه للبلد من منشآت وصحه وتعليم ومرافق عقابا للشعب علي ثورته
للأسف نظام مبارك قتل ومحي كلمة انتماء في كل مسئول في البلد
لما يطلع الاكثم المتحدث بإسم وزارة الكهربا مع وائل الابراشي ويقول ان الغلط علي الشعب علشان كده الكهربا بتقطع لتخفيف الاحمال
ده استخفاف بعقول الناس زيبقي الريس محمد مرسي يبقي غلطان لو سمع الكلام وساب واحد زي ده في منصبه وكمان المفروض يسحب من لقب دكتور
ايه بيستحمر 80 مليون مصري
ايه قمة الاستفزاز مش بعيد علي مسئول زي ده
اللي خلي مبارك يعين جواسيس علينا وزراء زي بطرس الرخيص عميل في CIA ايه الاسكتلاند يارد مش عارفين يجيبوه ولا علشان مهو عميل امريكاني
لازم القضاء علي سرطان مبارك في البلد لازم عزل جميع المسئولين الحاليين لأنهم بلا ضمير ولا انتماء
انا بكتب ودمي محروق وحاسس ان ضغطي علي
زعلان علي بلدي وزعلان ان مفيش حد ولا الريس مرسي قادر يطهر البلد من الكلاب اللي وقعوها
وبيدمرو البنيه التحتيه
ياريت يا ريس مرسي تضرب بإيد من حديد علي كل مخرب في البلد دي دون هوان او رحمه
لم يبقي امل لنا سوي الله ثم انت
لا تخيب املنا فيك وصارحنا حتي نكون بجانبك
واحنا نعاهدك اننا هنساعدك تطهر البلد دي من الكلاب اللي عاوزين يخربوها في اقل من 100 يوم
ربي انت اعلم بحال مصر وبحالنا الطف بنا

[كمال....]

ان شاء الله خير
:w6w2 00504112236376d
:w6w2 00504112236376d
:w6w2 00504112236376d