هو اى حاجة لازم اعملها فى التوكيل

[Joe Nubira]

مساء الخير يا جماعة بعد اذنكم مفيش اى حل يخلينى اركب او اعمل اى حاجة فى عربيتى من غير ما تخرج من الضمان انا معايا سيراتو lx سالت فى التوكيل ممكن اركب زينون قالولى لو ركبت برا التوكيل الكهرباء تخرج برا الضمان طيب بكام يعم الزينون فى التوكيل قالك 1400 العالى و 1300 الواطى و1100 الفوجات تقريبا دى الاسعار اللى قال عليها طيب يا عم لو عايز اركب جنوط برا قالى العفشة تخرج برا الضمان ولو هتركب ال 17 فى التوكيل الواحد تقريبا ب 1500 طيب ياعم ممكن اجيب انا الزينون والجنوط واركبهم فى التوكيل قالى مينفعش . ليه التحكم ده وعلى ايه الاسعار دى مش عارف هى عربيتى ولا عربية التوكيل

[بدر بسيونى]

بكل اسف هو كده النظام فى مصر المبالغة فى الاسعار بصورة عنيفة بس نصيحة بلاش تخرج العربية من الضمان عشان تركب اى حاجة لسبب بسيط ان العربية لا قدر الله لو فيها اى حاجة حتلكك ويقولك اصلها خارج الضمان فاستحمل وبلاش

[خالدخليفة]

والله بناء على تجربة شخصية
موضوع الضمان ده اونطة فى الهجايص
لانهم اثناء فترة الضمان لو بصو بنص عين للعربية بفلوس ولو بصو بعين واحدة بفلوس تانية اما لو اتفرجو على العربيه بفلوس تالتة
واحنا فاهمين الضمان غلط
لانهم بيضمنو العربية ضد عيوب الصناعة فقط
ومع ذلك وده توكيل نيسان لما مفتاح الاشارة باظ اتهمونى بسوء الاستعمال وغيروه على حسابى
فلو عربيتك عملت مثلا 10 الاف كيلو يبقى كده انت اتطمنت على ميكانيزم العربية وعلى كل حاجة فيها لكن لو معملتهومش يبقى استنى لما تعملهم وده رايى
ولو انت عملت صيانة الالف كيلو هتلاقيم لطشو منك غالبا 125 جنيه هتلاقى ده تمن الزيت والفلتر يعنى مفيش حاجة اسمها ضمان الا ضد عيوب الصناعة فقط ودى هتبان زى م قلتلك خلال 10 الاف كيلو
ده رايى
والله اعلم

[Eng . Mano]

خليك معاهم للاخر و لغاية ما الضمان يخلص ، ماتضمنش ايه اللى ممكن يحصل بعد كده لاقدر الله . و بالنسبة للحاجات اللى انت عايز تركبها دى مش اساسيات فى العربية ، و ممكن تستنى لغاية ما الضمان يخلص و تركبها زى ما انت عاوز ، ربنا يحفظهالك ان شاء الله ؛

[Joe Nubira]

المشاركة الأصلية كتبت بواسطة خالدخليفة والله بناء على تجربة شخصية موضوع الضمان ده اونطة فى الهجايص لانهم اثناء فترة الضمان لو بصو بنص عين للعربية بفلوس ولو بصو بعين واحدة بفلوس تانية اما لو اتفرجو على العربيه بفلوس تالتة واحنا فاهمين الضمان غلط لانهم بيضمنو العربية ضد عيوب الصناعة فقط ومع ذلك وده توكيل نيسان لما مفتاح الاشارة باظ اتهمونى بسوء الاستعمال وغيروه على حسابى فلو عربيتك عملت مثلا 10 الاف كيلو يبقى كده انت اتطمنت على ميكانيزم العربية وعلى كل حاجة فيها لكن لو معملتهومش يبقى استنى لما تعملهم وده رايى ولو انت عملت صيانة الالف كيلو هتلاقيم لطشو منك غالبا 125 جنيه هتلاقى ده تمن الزيت والفلتر يعنى مفيش حاجة اسمها ضمان الا ضد عيوب الصناعة فقط ودى هتبان زى م قلتلك خلال 10 الاف كيلو ده رايى والله اعلم

رايك سليم طبعا يا استاذ خالد بس انا لسة عامل صيانة الالف ب 300 جنيه وشاكلى هستنى 10 الاف كيلو عشان اعمل اللى انا عايزه وربنا يعوض عليك فى مفتاح الاشارة وشكرا على المشاركة