استفسر عن دهان سيارتك !!!!!!!

[أيمن الروبي]

المشاركة الأصلية كتبت بواسطة ام روجي السلام عليكم استاذ ايمن ارجو افادتي في اول مشاركة ليه في المنتدي انا اشتريت ولله الحمد كيا بيكانتو 2007 اتوماتيك انا لسه جديدة في عالم السواقة والعربية حالتها حلوة جدا والحمد لله داخليا بس فيه تجريح من بره ومن ورا طبعا بما ان دي اول عربية ليه وكمان دافعة فيها دم قلبي وكان حلم عمري اركب عربية وكمان بيكانتوا مستحرمة امشي بيها كده متجرحة هي محكوكة جامد من الباب اليمين للاسف بالعرض كله والاوكرة بتاعت الباب بتاع السواق البوية متشالة هي فابريكة بره وجوه وطبعا المكيانيكي والبايع والصحاب وامة لا اله الا الله نصحتني اني مرشهاش لان ده هيقلل من قيمتها وبحجة اني لسه جديدة ولسه هخبط فيها بس انا نفسي الاقي حل للشكل الخارجي فهل ياتري فيه استيكر او اي حاجة زي كده تحللي الموضوع ده ؟ بعيدا عن الرش طبعا

اهلا بيكي علي المنتدي وحضرتك شرفتي موضوعي
بس للأسف معنديش خبره ممكن افيدك في موضوع الاستيكر ايه افضل خامه واحسن سعر

انما ده اللي كنت بتكلم فيه ان في ناس تقنعك انك تمشي بالعربيه متبهدله علشان تفضل فابريكا !!!!!!!!!!!
وانا مش من انصار الموضوع ده زي ما قولت قبل كده ويارتي حضرتك تقري الموضوع من الاول

السبب الوحيد اللي انا شايفه يخلي حضرتك تصبري علي رشها انك لسه بتتعلمي السواقه
وفي احتماليه انها ممكن تتخبط منك تاني لا قدر الله

الاول اصبري شويه لحد ما تتعودي علي ابعاد العربيه علشان متتخبطش تاني وبعد كده نشوف موضوع الرش

[أيمن الروبي]

بعد التحيه
يارب يكون اعضاء المنتدي كلهم بخير

ده جروب لورشتي علي الفيس بوك

ورشة الروبي لسمكرة ودهان السيارات

[احمد الجارحـي]

استفسار صغير دلوقتي انا لون عربيتي أخضر ميتالك زي ما هو مبين ف الصورة



دلوقتي انا عايز استفسر عن كام حاجة

1- لو حابب ارش الرفارف وادخلها فرن عشان فيها كام تجريحة يكلفني كام!؟

2- لو حابب اجيب الشنطة ع الصاج عشان ياخد وش معجون و ياخد اللون و ادخلها فرن برده يكلفني كام!؟

و يا تري حد هيقدر يجيب نفس درجة اللون و لا صعب!؟

[أيمن الروبي]

المشاركة الأصلية كتبت بواسطة احمد الجارحـي استفسار صغير دلوقتي انا لون عربيتي أخضر ميتالك زي ما هو مبين ف الصورة دلوقتي انا عايز استفسر عن كام حاجة 1- لو حابب ارش الرفارف وادخلها فرن عشان فيها كام تجريحة يكلفني كام!؟ سعر تكلفة اربع رفارف ميتالك 600ج 2- لو حابب اجيب الشنطة ع الصاج عشان ياخد وش معجون و ياخد اللون و ادخلها فرن برده يكلفني كام!؟ لو تأسيس الشنطه من جديد معجون ورشها 200ج و يا تري حد هيقدر يجيب نفس درجة اللون و لا صعب!؟

درجة اللون سهلة جدا مفيهاش اي مشكله

[ibnelfared]

دهان عربية لادا محروقة على الصاج تكلفنى كام مصنعية ؟ وبالمون تكلفنى كام