آخر أسعار سوق المستعمل

[د0تامر محمد]

المشاركة الأصلية كتبت بواسطة ahmed.abdelaal السلام عليكم ورحمة الله وبركاته بصراحة نصائح ثمينة جدا تشكر عليها يا دكتور وكفاية الوقت اللي بتديه للناس هنا كان عندي سؤال بعد أذنك أنا عندي دوجان 1600 سي سي مو 96 حالتها كالتالي: كان فيها بارومة وصلحتها بالطريقة الصح مش سنفرة لسه مغير لها ماكينة الباور ومظبط الكهرباء بتاعتها زجاج كهرباء وسنتر وتكييف محتاجة شوية مصاريف (تظبيط عند سروجي سيارات في الأبواب والشنطة) لو حبيت أبيعها تجيب لي كام تقريبا وتقترح عليا أعرضها فين يا ريت لو مكان غير سوق السيارات اللي في العاشر بحس ان الناس هناك كتير منهم بـ100 كلمة حتى لو اتفقت معاهم

بصراحة سوق العاشر ده غير مريح على الإطلاق وتشعر بأنها شبكة عنكوبتية تقع فيها ومعظهم تجار وهدفهم طبعا الربح وهذا شىء مشروع لكن أن يكون على حساب أخلاقيات كثيرة فهذا هو المرفوض
ولا ينفى هذا أن السوق توجد به ناس محترمة وناس خارج نطاق الإتجار ولكنهم ليسوا أغلبية

بالتوفيق فى البيع
السعر/34000
ممكن تعرضها على مواقع متخصصة لبيع السيارات
ممكن معارفك أو سمسار بيع ممن حولك أو ميكانيكى تتعامل معه

[ahmed.abdelaal]

المشاركة الأصلية كتبت بواسطة د0تامر محمد بصراحة سوق العاشر ده غير مريح على الإطلاق وتشعر بأنها شبكة عنكوبتية تقع فيها ومعظهم تجار وهدفهم طبعا الربح وهذا شىء مشروع لكن أن يكون على حساب أخلاقيات كثيرة فهذا هو المرفوض ولا ينفى هذا أن السوق توجد به ناس محترمة وناس خارج نطاق الإتجار ولكنهم ليسوا أغلبية بالتوفيق فى البيع السعر/34000 ممكن تعرضها على مواقع متخصصة لبيع السيارات ممكن معارفك أو سمسار بيع ممن حولك أو ميكانيكى تتعامل معه

جزاك الله خيرا على الإفادة يا دكتور
ممكن تفيدني في المواقع التي أشرت لها لأن للأسف لا معرفة لي إطلاقا بها
وشكرا لك

[د0تامر محمد]

المشاركة الأصلية كتبت بواسطة ahmed.abdelaal جزاك الله خيرا على الإفادة يا دكتور ممكن تفيدني في المواقع التي أشرت لها لأن للأسف لا معرفة لي إطلاقا بها وشكرا لك

فيه موضوع بالمنتدى عن مواقع بيع السيارات
هذا رابطه
http://www.masrmotors.com/vb/showthread.php?t=1486

[ahmed_harb777]

الحقيقه الف شكر ومجهود جبار فعلا
بس ليا ملاحظه صغيره ان سعر العربيه المستعمله بتحدد علي اساس حاجات كتير قوي منه مثلا
حاله العربيه /// حاله الموتور /// حاله العفشه /// البطاريه
وبكرر شكري ليكم

[medo40001]

شكرا استاذ تامر للرد ربنا ينور طريقك زى ما انت بتنور طريقنا بقول لحضرتك لسه لاقى اعلان فيرنا 2008 ب 47500 وواحد تانى 2007 بنفس السعر وكلمته لقيت العربية تحفة بجد هل المبلغ دا عالى ولا كويس انا هطلب منه يقسط السبعة اللى فاضليين..... بس ليا سؤال ؟؟ الموضوع يستاهل السلف و القسط ولا خلينى فى اللانوس 99 -2000 من غير قسط ولا سلف؟؟؟؟!! و ان شاء الله انزل السوق الجمعة الجاية