مصر تصنع سياره نانو ايجيبت بسعر25000

[مهند سالم]

يا جماعة دي ماتورها ماتور فسبا بدون مبالغة، هو صحيح طبعا هيبقى أعطاله نادرة؛ لأنه ببساطة بستم واحد، بس يا جماعة العربية دي لما تفضل معايا ثلاث أربع سنين مش هأعرف أجيب بيها 70 كيلو ساعة.
عموما هي عربية حلوة للموظف إلا بيمشي في وسط البلد، أما كسفر وعربية عائلية أعتقد لأ طبعا. وشكرا لصاحب الموضوع.

[adelsh]

حاجة تكسف والله اهذا غاية المراد واخر الصبر يابلاد توك توك معدل
تمخض الاسد وولد فأرا وعجبى

[السيد العيسوى]

والله انا شخصيا بشجع الصناعه الوطنيه ولو هى ايه يجب اننا نشجعها كلنا
مين عارف 0000 يمكن

[luckyman]

هى البلد ناقصة عربيات غير امنة ! يعنى الهند بدأت ينقرض فيها التوكتوك ووسائل النقل الغير امنة وغير سالمة بالمرة نقوم احنا نستوردها ده احنا بقينا بلد رخيصة اوى حتى فى الانسان

[fares515]

ياجماعه الصناعه الوطنيه حاجه وده حاجه تانيه خالص
ده مش تشجيع للصناعه الوطنيه ده تشجيع للموت الجماعي
اللى معاه 25000يشتري مستعمل اي حاجه تانيه وميسترخصش لان العربيه ده غير نانو بتاعت الهند..ده عباره عن خرده متحركه وخاماتها زباله جدا ومتعرفش كلمه امان و17500ده سعر تصنيعها الفعلاي يعني النصاب اللى مصنع السياره ده كسبان في الواحده 7000جنيه!!!ومفيش ولا شركه رضيت تصنعها عشان ده مصيبه!