الناس اللي بتقول ان الفيرنا ضايعه بعد 120 كيلو ثانية واحدة لو سمحتوا

المشاركة الأصلية كتبت بواسطة احمد على 1999 والله مافيش كلام يتقال بعد كلام الاستاذ خالد خليفة و انا بغلط نفسى لانى ساعات بعمل كده بالانوس و ده فوق طاقتها احب اضيف ان على السرعات العالية دى لازم يكون الكاوتش مفيهوش غلطة لان القوة الطاردة المركزية الى بتتولد على مداس الكاوتش كفيلة انها تفرتكة و يجب مراعاة مواصفات الكاوتش الجديد (كود السرعة) و كمان الانسان و اعضائة الدخلية بيتحمل قوى جاذبية قد تصل الى 30G لاجزاء من الثانية و ممكن مع بعض الناس تصل الى اكثر من ذلك بقليل لكن الحادثة الى حصلت لديانا وصلت ال G الى 70 لحظة التصادم فولا الاير باج ليه معنى و لا الحزام طبعا و لا كل انظمة الامان و على فكرة مصنعى العربيات و الطيارات مبيكلفوش نفسهم و يعملو هياكل المقصورات تتحمل G اكثر من ال G الى بيموت الانسان بعدها لانه كده كده ميت فملهاش لازمة التكاليف الزيادة

كلامك صحيح 200% وفعلا معلومات جميلة جدا يا استاذ احمد وشكرا ليك علي الكلام الجميل ده

[Ahmed_lol2007]

لو سمحت ياباشا
هل مل الكاوتش بالنيتروجين حسيت أنه افضل من الهوا العادى ولا مفرقش كتير
وياترى حضرتك مليت الفردة بكام

[miam0502788391]

المشاركة الأصلية كتبت بواسطة corsair انا ملاحظ اوي ان الهجوم وصل علي الفيرنا بخصوص السرعه ان بعد ما تجيب 120 السيارة بتكون بالسلامة ضايعة انا لسه جي امبارح من المنيا وواخد طريق الصحراوي الغربي وماشي 190 وال RBM كان علي 5.5 والعربية بسم الله ما شاء الله زي الالف وثباتها كان جميل وكانت والله عايزه تزود السرعه تاني بس انا قولت كفايا 190 بلاش اجري اكتر من كدا وبجد ثبات روعه بس زعلتني بالنسبة لاستهلاك البنزين خدت 40 لتر بنزين في 500 كيلو هل كدا استهلاك كتير بالنسبة للسرعه اللي كنت ماشي عليها ولا ده عادي واستهلاك مظبوط للعربية

يعنى موتور سرعة دورانه 5500 لازم يزيد الإستهلاك ثم 250 كيلو فى الصفيحة على السرعة دى كويس جدا بسم الله ماشاء الله ربنا يحفظها لك

[miam0502788391]

المشاركة الأصلية كتبت بواسطة ابوزين اولا حمدا لله على السلامة ثانيا ياريت بلاش السرعة العالية لمجرد انى اختبر العربية وثباتها كفانا الله واياكم شر الطريق ثالثا من المعروف ان السرعات العالية شره للبنزين بقوة مرة تانية بلاش سرعات نفقد عندها سيطرتنا على السيارة قبل ال100 انا اللى بسوق العربية بعد ال100 الظروف هى اللى بتسوق العربية حكمة سمعتها من سائق (محترف بجد)

انا سمعت نفس الكلام ده من سواق عربية أجرة بيجو 504

المشاركة الأصلية كتبت بواسطة Ahmed_lol2007 لو سمحت ياباشا هل مل الكاوتش بالنيتروجين حسيت أنه افضل من الهوا العادى ولا مفرقش كتير وياترى حضرتك مليت الفردة بكام

بامانه حسيت بفرق كبير بجد بالذات لما بعدي علي عين الكتكوت اللي الحكومة بتزرعهلنا في الارض علشان تهدلنا عفشة العربية والفرده ملتها ب 5 جنيه كلهم عملو 20 جنيه