أدعو كافة الاعضاء للقراءة بعقلانية و دون هجوم بدون مبرر

[mostafa2000]

موضوع شيق وردود منطقية
بس اسمحولي انا ليا راي مختلف شوية
تعالو نسال نفسنا لية المنتجات الصينينة الاخري منتشرة ومحدش بيشتكي منها ( مثال الطلمبات . المواتير .العدد الخ )
لان النتجات دي سعرها متدني جدا بالنسبة للماركات الاخري وعمرها الافتراضي معقول نسبيا للسعر
مثلا طلمبة الغطس الصيني سعرها من 200 الي 400 جنية وبتعيش لمدة سنتين في المتوسط
اما سعر الايطالي منها حوالي ستة اضعاف 2200 جنية فبالتالي انا كمهندس بافضل الصيني ( والعميل عارف انها حلوة علي اد سعرها )
لكن في موضوع العربيات بتلاقي الاوربي مثلا لو سعرها 100 الف والياباني 80 الف تجد الصيني ب 65 الف
طبعا الوكيل بيسعر علي كيفة لانة عارف انة المتحكم بالتسعير عكس الالات والعدد اللي ممكن اي حد يستوردها
يا جماعة كل وكلاء السيارات وطبعا الصيني بيسرقونا عيني عينك
ابو الفتوح اول ما نزل الاسبرنزا كان سعرها 59900 ووصلها ل 68000
لية لان الناس اشترت وبالتالي لية اكسب قليل لما ممكن اكسب كتير
الخلاص انا ممكن اتقبل الصيني واقول علي قد فلوسة لما يكون مسعر صح
مثلا ال113 تبقي ب 40000
ال 516 ب 50000
الاف ار في ب 55000
انما غير كدة شكرا

[MANO_War]

يمكن دى أول مشاركة لية هنا معاكم فى المنتدى و التوبيك جميل و كانت لى بعض الملاحظات

1. هناك سيارات صينى سيئة السمعة و ذلك على سبيل التجربة و يكفيكم ان هناك bydو هى سيارة سيئة للغاية و يكفى ان فوانيس السيارة -بتشبر- بعد 5 شهور فقط من الاستخدام حتى لو استخدام طبيب
2. و هناك سيارات صينى اجدها جيدة جدا عن نفسى انا اعشق بعض موديلات الجيلى و ان كان يعيبها انها بالفعل رقيقة جدا و هشة و دة عن استخدامى فالفرق شاسع بين تحمل الصينى و تحمل اليابانى
3. عند شراء سيارة التوكيل هو بيت الامان و الضمان و مش ممكن اجيب عربية علشان هى محترمة فقط فالسيارات لا تسير باحترامها لاسمها بل لان هناك وكيل قوى واقف وراء السيارة و يلبى احتياجات المستخدمين
4. ارجو الرجوع الى اليوتيوب و قم بالبحث عن اختبارات الآمان المصورة فى الاتحاد الاوربى و اتفرج على السيارات الصينى كيف هى ادائها بمقابل بعض السيارات الاخرى الموجودة فى مصر و مش صينى

النتيجة ان عندنا سيارات صينى و لكن الماركة تفرقة يعنى عربية زى ايديتا- بحوالى 42.500 هى مش اكتر من كنبة على اربع عجلات و معهم الجريت وال احيانا
و عندك عربية محترمة جدا مثل البريليانس و الاسبيرانزا و التى افضلها على اللانوس و الاكسنت

اة نسيت احكيلك موقف بسيط فى عربية جريت وال هى 1300 سى سى العربية حصل فيها توقف لكل الكهرباء فيها بمجرد ان خرجت من توكيلها فى الحى السابع-مدينة نصر و جابولها كهربائى ديلفرى
العموم صعب انك تعملة على كل الصينى
و العكس صحيح مع اليابانى لان معظم اليابانى جيد جدا

[احمد جنيدى]

كلام جميل بس انتا قلت ان الناس كانت خيفة من الياباني والكورى زمان نفس اللى بيحصل دلوقتي مع الصيني وانا شايف ان لما يبقى فى اكثر من نوع عربية صيني هيبقى فى منافسة فى صالح المستهلك

[حسن بكر]

انا مقنتع بكلام السيد أولد مان وكمان بعض الردود مقنعة . وأنا أعلم أن الصين يتم التصنيع فيها تبعا لحاجة البلد الذي سيتم التصدير إليه وحالتها الاقتصادية لأن التصنيع الصيني الموجود بأمريكا غير التصنيع الصيني الموجود بالشرق الأوسط . لكن الناس بتكيف حاجتها تبعا لحالتها الإقتصادية وخصوصا في بلادنا الفقيرة وفعلا لا بد ان يكون هناك فرق بين المستوى والرفاهية والتطور العالي وبين الإنتاجية العادية .

[number-7]

شكرا جزيلا لصاحب الموضوع وهو معاه حق
ليه
السيارات في مصر اغلى اضعاف اضعاف اللى موجود في كل دول العالم.
وانا بشجع الصيني علشان نازل بسعر اعلى بقليل من سعر السيارات الموجودة في كل دول العالم
يعني مثلا انا في السعودية تويوتا كامري 2010 ابتداء من 66000 الف ريال يعني حوالي 100000 جنية مصري
موجودة في مصر بسعر 560000 جنية
هل هذا معقول
الشعب المصري هو السبب هو السبب المفروض كلنا نشجع الصيني علشان العربيات التانية تنزل سعرها
وسلامي على المختلفين من مصر