أفضل عربية صينى فى مصر

[mtaiea]

السلام عليكم
انا شايف من وجهة نظرى ان البريليانس عملينلها حساب اكبر من اللى هى محتجاه وده اللى بيعملو التوكيل بتاعها ففعلن يحسسك انها من افضل العربيات الصينى اللى نزلت مصر لكن انا شايف من وجهة نظرى ان الأسبرانزا تكسب عنها لان بالمقارنه فى بعض الموديلات هنلاقى ان الأسبرانزا تكسب فى السعر وان فيها كل الأوبشنز اللى بتتمتع بيها البريليانس
يعنى مثلا بالمقارنه بين a60 و الجالينا هنلاقى ان 620 فيها كل امكانيات الجالينا وبسعر اقل وبالعكش انا بحس ان 620 افخم ن الجالينا
يعنى 620 بـ 108000 والجالينا اقل حاجه فيها بـ 140000 شوفت الفرق
عايز اقول فى الأخر انى انا لو معايا 140000 اجيب احسن هوندا سيفيك بدلا من انى اجيب عربيه فى الأول والأخر صينى برده ولا انتو شيفين ايه

[mibrahem_jic]

على فكرة فيه عربية صينى اسمها jac موتور 1300cc جميع الكماليات ماعدا الفتيس مانول

[elmanahry]

الفاضل بحثت موضوع العربية الجاك وجدت ان ان الشكل الخارجى تصميم جديد من الايطالى الشهير جوزيه ولذلك شكلها جميل وجديد ولكن وزن السيارة 1010كج والموتور 1300 ولذلك تسارع السيارة بطئ السيارة ككل وتقفيل رائعة ولكن المفروض كان اتوضع فيها موتور 1500 على الاقل

[كومندا]

الاسبرنزا لان سمعت ان المتور متسوبيشى يابانى والشاسيه تصميم المانى والله اعلم برده بس بصراحه ناس كتير ركبها وبتشكر فيها ...

[حازم شاهين]

المشاركة الأصلية كتبت بواسطة kmanda_vip الاسبرنزا لان سمعت ان المتور متسوبيشى يابانى والشاسيه تصميم المانى والله اعلم برده بس بصراحه ناس كتير ركبها وبتشكر فيها ...

لتصحيح المعلومة فقط
الإسبيرانزا بموتور صينى من تصنيع شركة شيرى و لكن التصميم و التكنولوجيا من شركة AVL النمساوبة

و بخصوص الشاسية فيقال أن شركة شيرى حصلت على ترخيص باستخدام شاسية قديم من سيات التابعة لشركة فولكس فاجن لكن هذا الكلام غير مؤكد

أما التصميم فالسيارات الأحدث فقط هى التى تم تصميمها على يد مصممين عالميين معروفين مثل السيارة الجديدة M11 الإيطالية التصميم

لكن ده ما يمنعش إن السيارة الإسبيرانزا من أفضل السيارات الصينى فى السوق المصرى .