رجاله مصر موتورز يغزون الصحراء

المشاركة الأصلية كتبت بواسطة hyundai2005 طبعا ودون اي مقدمات كان يوم زي العسل بجد والله يوم زي الفل واتحقق فيه امنيه كان نفسي فيها من زمان وهي رؤيه حبايب قلبي الكومي وابو الاسعاد وكريم باشا . طبعا ده غير تشرفي بمعرفه ومقابله اخر الرجال المحترمين في الزمن بنتاعنا ده : 1- استاذ علي رجل الاخلاق الحميده 2- الاستاذ احمد بدر ابو الذوق والمفهوميه 3-السيد الفاضل والد كريم باشا واخوه العسوله 4- مهران بك ملك الجولف الاسكندراني 5- السيد / نبيل ابو الاحترام كله 6-الاستاذ عماد عدو ابو الفتوح 7-مهند بك اللذيذ ارجو اني ماكنش نسيت حد وفي النهايه بوجه الشكر لابو الاسعاد حبيبي لانه ماقدرش يقاوم وعمل التقرير زي ماقولتله شكرا يا حبيبي وربنا يعينك علي انت فيه ومتنساش اللي قولتلك عليه؟؟؟؟؟؟

حبيب قلبي و الله يا احمد باشا ربنا يباركلك يارب في عربيتك و يوفقك في حياتك انت انسان محترم و تستحق كل خير وربنا يارب يديم ما بنا المحبه واشوفك علي خير يارب في اقرب فرصه

المشاركة الأصلية كتبت بواسطة نبيل عبدالرحمن أولاً ياجماعة الخير كانت مقابلتنا فى غاية الروعة وكنا نتمنى أن يحضر أكبر عدد ممكن من الساده أعضاء المنتدى ، ولكن نظراً للظروف الحالية فى البلد فنحن نلتمس لمن لم يحضر العذر وعلى أمل أن نلتقى جميعاً فى مقابلة القاهرة القادمة بإذن الله ثانياً كل الشكر والتقدير لمن حضر من خارج الإسكندرية وبجد شرفتونا ونورتوا اسكندرية ولو إننا كنا خارج اسكندرية بـ 30 كيلو ثالثاُ أشكر الأستاذ أحمد أبو الإسعاد الذى تشرفت بمعرفته لأول مرة وشكراً على تقريره الرائع الشامل عن المقابلة ، وهذا عهدنا به دائماً فى إعداد مثل هذه التقارير رابعاً نوجه إعتذارنا للأخ باسم بيسو على اللى حصل لعربيته وقدر الله وما شاء فعل وربنا يعوض عليه خامساً الشكر الجزيل للأستاذ أحمد بدر لحضوره بالرغم من إصابته وكان أولى أن نعمل هذه المقابلة فى منزله فى أبو تلات حتى لا يتكبد عناء الحضور ، وأكيد ماكانش هايسيبنا نمشى بدون غدا وأخيراً الشكر لكريم على لتنظيمه هذه المقابلة الجميلة مع تحياتى للجميع

بجد اتشرفت شخصيا بمعرفه حضرتك وكنت اتمني اقعد مع حضرتك اكتر من كده بس تتعوض بعون الله
تقبل خالص تحياتي و تقديري

[مهند النجار]

المشاركة الأصلية كتبت بواسطة نبيل عبدالرحمن تصدق والله فكرة ممتازة وهاتبقى فى مكان متوسط بين القاهرة والإسكندرية وأيضاً المنوفية لو حد عايش فيها وإن شاء الله نعمل المقابلة بعد القادمة فى ماستر الرست هاوس

و الله فكرة جميلة

و اتمني انها تتحقق

خالص تحياتي لكم جميعا

و خاصة ابو الاسعاد اللي استوي وعمل فرقع لوز

و كتب اسامي غلط

و تشرفت بمعرفتكم جميعا وكان نفسي استاذ باسم و كورسير يجوا

و كل اعضاء المنتدي الجميل دة

المشاركة الأصلية كتبت بواسطة mahranahm طبعا فى الاول اشكر نجم المواضيع والتظبيط ابو الاسعاد ثانيا استاذ على وعربيتة لانه اول واحد كان حيموت ويورينا البرنسيسة الماذا ربنا يباركلة فيها ويكفية شرها وانه سمحلى طبعا انى اركبها ودى حاجة جميلة اوى منه ثالثا ورابعا وخامسا وسادسا الناس الاول مرة اتعرف عليهم معأنى حسيت انى اعرفهم من قبل كدة رغم قلة الوقت الانا جلست معاهم فية (( الكومى و هيونداى واستاذ عماد ومهند )) وطبعا حبيبى كيمو والاب الجميل والاخ الغالى الجميل اوى ماذن وطبعا عمدة وعمدتنا استاذ نبيل واخويا احمد بدر القابلنى بالعتاب لعدم اتصالى به عند معرفتى بالحادثة بتاعتة ولة منى كل الاسف . وحبيبى استاذ سيف باشا الاتهمنى انى هربت من انى افسحة فى الاسكندرية معأنه عارف ان جوجو عملتها معايا وطلعت دخان من التابلوه وانا جاى ومكنتش عارف اعمل ايه وكنت قاعد قلقان لانى لما كنت بشغل العالى كانت الريحة والدخان بيزيد وكنت عايزاروح للكهربائى بسرعة لكن مهنش عليا مجيش المقابلة وقابل الناس الجميلة دى حتى لو اطريت آسفا ان يحصل حاجة فى الطريق لحبيبتى جوجو والحمد لله تمت المقابلة الجميلة ورجعت واحدة واحدة الى الكهربائى كنت ماشى على 80 و 90 لحد الكهربائى اللقى ان اسلاك الانذار القديم ملمسة وهى الكانت بتتحرق والحمد لله انها مملتش حاجة فى الدفيرة وتمت الصيانة والحمدلله

استاذ مهران حبيب الكل كنت اتمني اقعد معاك اكتر من كده بس تتعوض بعون الله و الحمد لله ان الشياط جه علي قد كده ربنا يباركلك فيها يارب

المشاركة الأصلية كتبت بواسطة Komy بسم الله الرحمن الرحيم فى البداية أحب اشكر كل واحد حضر المقابلة واسعدنا بصحبته, وكل اللى رد على الموضوع وشاركنا فى فرحتنا, وكل اللى محضروش وخسرنا صحبتهم. عايز اشكر كل الناس المحترمة الودودة اللى حضرت ومش هقول اسماء عشان منساش حد هقول بس على اللى اول مرة اتشرف بيهم وهم أ/ نبيل أ/على والد كريم أ/ مهران أ/ مهند أ/ على منير وطبعا البرنس مازن اللى الكل غلطان فى اسمه مش عارف ليه وانا اسف انى ناسى اسم الاخ الفاضل اللى كان مع الاستاذ على منير تقريبا ان لم اكن مخطىء, عايز اقول إنكوا والله كلكوا ناس زى العسل ومش عايزكوا تفوتوا مقابلة بعد كده احسن هيبقى زنبكوا على جنبكوا وهطبق عليكوا حالة الطوارىء بتاعتى وهخلى ابو الاسعاد يكهربكوا هههههههه. نيجى بقى للاساتذة ابو الاسعاد, واحمد حمدى, وكريم افندى اللى هولع فيهم كلهم واولهم ابو الاسعاد افندى, اللى بيقولك مش عارف ايه وماشى 60 وانه هو و حمدى كانوا مبهدلينى على الطريق , اللى حصل انى مش من عادتى انى اخد طريق كامل حارق على العربية وده لاسباب كتيرة مش هذكرها دلوقتى ومش منها العربية عشان عارف انه هيقول عشان فيرنا وهإ ومإ وكركر , بس لما بقول يا جرى بزعل اللى عايز يعمل معايا اى حاجة ولما كانوا بيجروا هو او حمدى سواء وإحنا رايحين او وإحنا راجعين كنت بعرفهم إن الله حق ده ابو الاسعاد يا عينى مكانش عارف ييجى جنبى حتى والفرق ما بننا بيزيد لصالحى بعد ال 170 وهو عارف كده كويس هو وحمدى بس هقول ايه ما هما صينى , يعنىبإختصار كان فيلم فيرنا رايح جاى, وكانوا رايحين يوقفوا هو وحمدى تحت يفطة لقيناها على الدولى مكتوب عليها معرض المنتجات الصينية ههههههههههه ويتحايلوا عليا وانا اقولهم لأ ويقولولى نصور جنبه والنبى يا با:120105~454 : وانا اقولهم بعينكوا يلا انتوا عايزين تفضحونى : hech: . نييجى بقا لكريم افندى اللى قالنا البلد زى الفل ونضيفة ونطلع ع الطريق يا ريس والدنيا تقول خد عندك والعربيات بقت لونها بنى واما قولناله قالنا خلاص انا هجيب معايا جردل وسفنجة ومجابش وزعلان ان عربيته اتوسخت ده انت لسه ربنا هيوريك هههههههه اللى بيتنكر من عربيته ده انا هقول لعمو غبور هخليه ياخد منك الميكروباص بتاعتك وابقى انت ومازن افندى ورونى هتعملوا ايه . وفى النهاية احب اوجه كل الشكر للحاضر الغائب حبيبى بجد باسم بيسو وبقولك متزعلش قدر الله وما شاء فعل , وكمان الاستاذ حازم خضر اللى بانت عليك اول علامات الجواز الااو هى الخلعان مننا واستند الى المقولة الشهيرة : يا عم حازم دى وقفة الراجل بميت ست , بس لو جت الست ........ إنتوا عارفين بقى . سلامى.

حبيب قلبي و الله يا كومي ربنا يعلم انت اي عندي واي خدمه ظبتك اهو احلي تظبيط
بس صحيح زوغت من الشغل و الا اي هههههههههههههههههههه

وياعم انت بريمو و ربيتك هي الدبابه كده استريحت ؟ ههههههههههههههه

اشوفك علي خير يارب بس ادعيلي انجز بقي من الحوار الي انا فيه ده احسن شكلي هتهور وبالاخر انا الي هتعور