عاوز اشترى جيب شيروكى تنصحونى باية

[ahmed_eng2001]

ربنا يكرمك و مشكور على المعلومات الجميلة عن الشيروكى دى , انا بحب اعرف كل حاجة عن السيارات و خاصة سيارات الدفع الرباعى

[mohamedkamel8677]

المشاركة الأصلية كتبت بواسطة romy عاوز اشترى عربية جيب تكون 4 سلندر لانى سمعت ان ال 4 سلندر مش بتاكل بنزين تنصحونى باية انا حدودى 45 ياريت بليز الرد انا على فكرة مش عارف حاجة عن الميكانيكا ياترى الجيب تمشى معايا تكون عملية قطع غيار اقتصادية ولا الدايو ولا الفيرنا واكون شاكر ردودكم

أفتكر الستة سلندر أفضل لأن العربية حجمها كبير ووزنها تقيل لكن الأربعة سلندر صغير جدا عليها زى ما يكون فأر شايل فيل و أعتقد إن الستة سلندر مع إستعمال صحيح هتوفر أكتر فى البنزين أو على الأقل هتعمل نفس معدل الأربعة سلندر مع فرق إن الموتور عندك مرتاح جدا بعكس الأربعة سلندر لازم تكبسلة عشان يشد معاك لكن الستة سلندر مش محتاج تكبسلة , هى لمسة و تلاقيها طارت و كمان للأسف فى ناس لسة بتعتقد إن كل ما يكون الموتور أصغر يبقى إقتصادى و دة كلام غير صحيح لأن دة يتوقف على حجم و وزن العربية بركاب و بدون ركاب

[the joker]

على الفكرة انا عايز اقول ان الشيروكى مش ثقيلة زى مالناس فكرة العربية وزنها 1395 كجم
وال4 سلندر 130 حصان وعزم 203 نيوتن وتسارع من 0 الى 100 فى 10.1 ثوانى

[temo007]

اخوانى
انا ملاحظ ان اغلب الناس بتهول فى موضوع استهلاك البنزين بالنسبه لل 6 سلندر بالمقارنه لاستهلاك ال 4 سلندر فهل ممكن حد يوضح بالظبط استهلاك كل فئه كام لكل 100 كيلو.

حاجه تانيه محتاج اعرفها هو فعلا الشيروكى سهل انه يقلب على الطريق بسبب ان السيارة عاليه وحجمها مش كبير قوى.

برجاء الافاده وشكرا.

[MAGEDTOHAMI]

والله اانا معاك فموضوع الشيروكي ده بس انا طويل 187 فمش عارف هل هتناسبني ولا لا يعني لو قارناها بالشاهين فالمساحه هتبقى اوسع ولا زيها ولا اديق ياريت حد يقولي ايه اوسع عربية فحدود الخمسينات وتكون ستيبل وقطعها متوفرة