تقرير عن جلورى 2016 7 راكب لعيلة العيلة dfsk glory

[مصراوى شديد]

المشاركة الأصلية كتبت بواسطة miam0502788391 ربنا يبارك لك فيها ويعطيك خيرها

اللهم امين
اشكر لك مرورك العطر

[مصراوى شديد]

المشاركة الأصلية كتبت بواسطة عماد الدين عزت الف مبروك و ربنا يباركلك فيها لو سمحت يا فندم انا بافكر اشتر العربية دي ارجو من حضرتك توضحلنا الماشي بيها عامل الزاي و كمان تستحمل سفر كل يوم و كمان الكنبة تشيل 3 افراد والا ديقة الف شكر

و عليكم السلام و رحمة الله
اهلا بك عماد الدين
السيارة إلى الان الحمد لله ممتازة و ناعمة فى المشى جدا ً و التكييف اكثر من ممتاز بالنسبة للسفر صراحة لا استطيع ان احكم حاليا ً لاننى لم اسافر بها لكن مسافر على يوم 20 مايو باذن الله الساحل و هاكون عديت الـ 1000 كلم الاولى و وقتها هاقدر افيدك برد عملى و بالتجربة ،، بالنسبة لاخر حاجة السيارة بتشيل 7 ركاب بالسائق فى اريحية تامة على شرط ان الـ 7 كبار و مساحة وضع الاقدام متميزة للجميع ،، اتمنى انى اكون افدتك بردى و تابع معنا الموضوع لانى عن قريب رايح مركز الخدمة لعمل صيانة الالف

[مصراوى شديد]

المشاركة الأصلية كتبت بواسطة محمد فيصل بارك الله لك سيارتك حفظك الرحمن ويسر لك صعاب الطريق

ربنا يحفظك و يبارك فيك
انت و باقى الاخوة الكرام شكرا لمرورك العطر الطيب

[مصراوى شديد]

المشاركة الأصلية كتبت بواسطة عماد محمد ابرهيم اهم حاجة فى اى عربية تدخل مصر قطع غيارها لان مصر شوارعها بتهلك اللى ميتهليكش انا بفكلر فى الجلورى وعايز اعرف قطع الغيار فين واسعارها فى متناول ايدينا وبعدين عايز اعرف المتور ممكن يتغير لاى نوع تانى واية وانا سمعت ان المتور ايطالى فيات صح

اهلا بالاخ الكريم عماد محمد
بالطبع اهم حاجة فى اى سيارة قطع غيارها و التوكيل مسئول عن توفير قطع الغيار و على حد علمى متوافر قطع غيار للسيارة لدى التوكيل و فى مراكز الصيانه التابعة له اما عن انتشار قطع غيارها فى محلات قطع الغيار فهذا امر متوقف على انتشار السيارة و قابلية السوق لها و حسن تسويقها من الوكيل ،، انا عن نفسى هاحاول كل فترة اعمل استوك عندى من قطع الغيار يعنى كل صيانه هاحاول اشترى حاجة مساعدين فوانيس حاجات كده يعنى علشان تكون موجودة تحت تصرفى لو احتجت لها الاسعار حسب التوكيل معقوله شىء ما ،، اما عن تغيير الموتور اعتقد بل اننى فكرت بالفعل فى تغييره بعد انتهاء الثلاث سنوات الاولى لو كان لنا عمر وحوض الموتور ما شاء الله و اسع و اعتقد انه ممكن يشيل موتور المانى او يابانى باريحية كبيرة ،، و بالنسبة لمعلومة ان الموتور ايطالى نعم هو صينى بتكنولوجيا فيات الايطالية و كما ذكر الاخ cars admire ان الكاتينة جنزير و ده شىء فى حد ذاته جيد و فكرة تغيير الموتور فقط لاننى بحب الاتوماتيك لكن ماتورها مش وحش الصراحة ،، اتمنى ان اكون افدتك بردى و لك السلام

[مصراوى شديد]

المشاركة الأصلية كتبت بواسطة عمر0912 السلام عليكم ورحمه الله وبركاته اخواني الاعزاء انا اخوكم عمر ودي اول مشاركه ليا ف المنتدي واتمني انكو تساعدوني انا مقبل علي شراء جلوري اتوماتيك ولكن قلقان جدا من الفتيس والموتور افيدوني اكمل ولا اصرف نظر ولا اخد المانيوال افضل

و عليكم السلام و رحمة الله و بركاته
اولا ً اهلا ً بك عمر و نتمنى ان تستديم مشاركتك معنا فى هذا المنتدى الطيب
ثانيا ً مع انى من عشاق الفتيس الاتوماتيك علشان ظروف الزحمة و كده و على اد فرحتى لما عرفت ان الجلورى فى منها توماتيك لكن لما روحت التوكيل و شفت الفئة الاتوماتيك صرفت نظر عنها خالص ليه بقى اقول لك شوف يا سيدى
العربية الاتو موتورها 1400 CC و الجنط 14 بقوة 108 حصان و الفتيس استربترونك من غير لوك مش عارف ازاى لكن هى نازله كده...
العربية المانوال موتورها 1500 CC و الجنط 15 بقوة 115 حصان ،، بصراحة بعد ما كنت رايج اشترى الاتو عدلت راى فى اخر لحظة و اشتريت المانوال و الحمد لله الاختيار اعتقد انه افضل خاصة انى مجرب موتور الـ DFSK قبل كده فى سيارة سابقة راجع ردودى السابقة المهم لو حابب فعلا تجيب الجلورى فنصيحتى لك خليك فى المانوال افضل انا جيبت مانوال لانى مجربتش الاتو فى الصينى بصراحة قبل كده غير انك هاتوفر كمان 20000 جنية وموتور اكبر وكمان جنط اكبر ،، ده راى و الاختيار فى الاخير يعود لك ،،، اتمنى اكون افدتك بردى و اى شىء اخر انا حاضر