لعنة عدم ثبات السيارة (يا فرحة ما تمت مع البورا)

[TOOLA]

المشاركة الأصلية كتبت بواسطة porto السلام عليكم..... الاول الف مبروك على الجواز والعربيه مع انها متاخره ثانيا انا معايابورا موديل 2000 اتوماتيك .العربيه ثابته جدا معايا ملفات وغرز وكل حاجه وفرامل ماشاء الله . بس لو عاوزها تظبط معاك روح لحد بيفهم وخليه يشوف العربيه كلها مره واحد (عفشه ورى وقدام) وانا بحكم تجربتى بكل المتخصصين فى الفولكس والتعامل معاهم انصحك انك تروح لهانى الى فى جسر السويس خلف حديقه بدر (الراجل دا فاهم اوى) . وعلى فكره اسمه هانى عصمت مش هانى سمير .وفيه فى نفس الشارع محمد سمير واحمد عزت .بس دا بجد الكنج بتاع الفولكس فى مصر .ودا عن عده تجـــــــــــارب . وحاول تشوف زيت الفتيس . وخلى بالك من الكرتيره بتاعت زيت الموتور علشان واطيه جدا (انا بغيرها تقريبا كل 20 يوم) بالنسبه للجنط انا عربيتى فيها جنط 16 اللى بتنزل بيه والكاوتش بتاعها 16 205/55 وبالنسبه للفات الموتور RPM متقلقش دا الطبيعى بتاعها علشان الفتيس 4 نقلات بس وصوت الموتور بيعلى بعد ال135 (كل البورا والاوكتافيا ال A4 كدا والتوليدو كمان) . وربنا يحفظهالك و يباركلك فيها .

بورتو باشا,
الأول الله يبارك فيك و تشرفت بمعرفتك, أنا على فكرة رحت لهانى المشكلة بس انو علطول زحمة و عموما أنا راضى الحمد لله على الشغل التعمل فى العربية لغاية دلوقتى (مشكلة نقصان المياه و العفشة الامامى).
و سمعت عن موضوع وطيان الكارتيرة فعلن و بحرص على اد مقدر لكن مش فاهم ازاى بتغيرها كل 20 يوم (متهيالى ديه مشكلة فى تغييرها مش موضوع سهل)

بالنسبة للجنط و الكاوتش انتا الحمد لله أكدتلى المعلومة من حيث المقاس الاختارو لو فكرت فى ال 16 (مع انو هيكون مكلف حبتين بزيادة 1500 ج على الأقل لشارء الجنط و الكاوتش)

و أخيرا أرجو انها تكون بداية تعارف لو حتى نتقابل و نجرب العربيات, عموما فرصة سعيدة يا باشا و شاكر لردك (على فكرة أنا من مصر الجديدة و حاليا انتقلت لمدينة نصر بعد الجواز, يا ترى انتا جارنا ولا بعيد عننا) و يا ريت لو تبعت رقم تليفونك على الخاص أكيد هحتاج أسالك على شوية حاجات (لو مفيهاش مشكلة بالنسبة لك طبعا يا باشا

[lol]

جنط 17 وكاويتش 215 45 17 وسوست ومساعدين كونى
حاول تعمل بودى كت ( كساحات وتنفيخ اكصدامات )
ركب شداد امامى وخلفى

[dego_story]

بجد من احلى المواضيع اللى فيها مناقشة مع الاعضاء وماشاء الله واضح ان الاستاذ قبلة جامد فى السواقة ربنا يحرسك ويحميك بس معلش انا عندى استفسار صغير هو انت كنت بتجيب السرعات العالية اللى قولت عليها بالاكسنت وماكنش بيقبلك مشكال الثبات لان كل اللى بيتكلم عن الاكسنت يقولك مافيش ثبات فكنت عايز اعرف هى العربية ثباتة ولا حضرتك كنت عامل اضافات عشان الثبات وشكرا ليك وربنا يوفقك مع العربية الجديدة

[TOOLA]

ديجو باشا شرفت الموضوع عندى, بص مش أنا أول واحد شكر فى ثبات و جرى الأكسنت أنا ليا 2 أصدقاء دلوقتى واحد معاه كرولا 2007 و التانى معاه جولف 4, و بردو مش حاسين بالفرق الفظيع عن الأكسنت, أنا عربيتى كانت ستوك بس كنت مضبط العفشة أول بأول و محافظ عليها و كمان العفشجى كان متقل علبة الدريكسيون عندى شوية, بس بردو عشان اكون صريح معاك انا والدى معاه م 2005, و أنا كان معايا 99, بس الغريب ان سيارة والدى مكانتش بتسحب زى سيارتى ولا كنت بحس بالراحة فيها و أنا بجرى على سرعات زى سيارتى و يعنى مليش تفسير غير انى جايز أنا كتن مفتح موتور عربيتى أول بأول و كمان موضوع تتقيل العلبة يمكن كان مساعد, بس انا بعتز بالعربية ده جدا و أصيلة أوى كمان و هى مع والدتى و بعد ما بعت عربيتى السبكترا جالى شغلانة فى برج العرب ف خدت الأكسنت و روحد صد رد و كانت ما شاء الله (ماشية 155,000 ك).

[TOOLA]

أنا صاحب الموضوع, و يمكن لسه مقفلتش الموضوع لأن فاضل حاجة واحدة معملتهاش و لكن عشان اليقرأ الموضوع يبقى عنده وعى كامل بالمشاكل و حلولها حتى الأن, تم و الحمد لله حل مشكلة الثبات بشكل كبير و الكانت واجهتنى أول ماشتريت العربية عن طريق الأتى:

1- تغيير الجنط الكان فى العربية بأخر استيراد أصلى 15 (1500 ج) و ده كان مسببلى رجة عالية فوق ال 80 و طلع السبب انه كان محتاج رنجات و كانت الفردة القدام يمين مفهاش الرنج
2- تركيب كاوتشات جديدة (بريدجستون تورانزا يابانى gr80) ب 600 ج الفردة
3- تغيير المساعدين الخلفى و جبت جوز مونرو (750 ج)
4- تغيير البطاحات و بلى البطاحات و جلب المقصات و بارات دريكسيون داخلى (استيراد) و كاوتش ميزان (دول كلفوا فى حدود 900 ج تقريبا).
النتيجة تحسن الثبات بصورة شديدة و حل معظم مشاكل العفشة و مفضلش غير تغيير المساعدين الامامى و الأعتقد انها هتظبط العربية تماما ان شاء الله (لأنها متركب فيها بيلاشتاين بس ناشف جدا لدرجة شكنا أنا و الميكانيكى انه لا يمتص الصدمات و البديل هوا المونرو ب 900 ج أو الأصلى من عند الشهابى ب 1500).
(يوم راس السنة رحت العين السخنة رايح جاى بمتوسط سرعة 160 - 180 بدون مشاكل الحمد لله).
بقالى بقى استفسار أو 2 كده:
1- رغم عمل الصيانات اللازمة من بوجيهات و فلاتر, و نحسن بسيط فى سحب السيارة, لكن بلاحظ انها بتسحب بنزين زايد شوية, غير بعد ال 160 بتهدأ جامد أوى و تجيب 180 بصعوبة و أوقات تعديها و اوقات الاقيها نزلت عن ال 180 لوحدها, غير بردو سحب السيارة بشكل عام مش عاجبنى, فهل ممكن يكون فى مشكلة أو سدادان فى Injection أو البخاخات محتاج أعرف رايكم بردو.
2- بقالى مدة مكشفتش على الزيت و انا عموما حاطط شيل 10000 ك و ماشى 7000 ك لغاية دلوقتى, لكن النهارده الصبح بكشف على الزيت لقيتو المؤشر ناقص بتاع نص سم (يعنى الزيت كان عند نص العلامة تقريبا و دلوقتى لقيتو عند أخر العلامة من تحت) فهل ده طبيعى انا كنت سمعت مرة ان مواتير البورا بتاكل نسبة زيت عادى.

و شكرا