مشكلة في جولف 2 لمبة الزيت ويةالزنان

[mado_83]

السلام عليكم
انا لسة مشتري عربية جولف 2 موديل 85 موتور 1600 كربراتير - العربية ما شاء الله عزمها وقوتها حلوين جدا بس اول مشكلة قابلتني بعد ما ادور ب 5 دقائق وازود بنزين وال rpm يعدي 20 لمبة الزيت تنور والزنان يشتغل وتفضل كده ما تبطلش
سالت كذا حد راكب العربية و ميكانيكي كلهم افتولي ان هي كده وممكن تكون فيشة مقلوبة والكلام ده
وبصراحة انا مش مقتنع
مع العلم ان مقاس الزيت مظبوط ولسة مغير زيت شل وفلتر ومازال العيب قائم
فبرجاء الافادة من اهل الخبرة وبرجاء الافادة بالوصف اعمل ايه لاني مش من القاهرة ومافيش صنيعية كويسين للجولف اثق انهم يلعبوا في العربية هنا في بلدي وانا بحب اعمل كل حاجة بنفسي.
وشكرا

[Hisham.Elgazzar]

مش هينفع تعمل الموضوع ده لوحدك لأن دى سبيكة بتهرب زيت
يعنى هتفك الموتور من تحت وتشوف انهى كرسى بيهرب زيت من كراسى البيل والكرنك
وماتقرصش على العربية لحد ما تشوف العيب منين

[كمال....]

ممكن تراجع على الفيوزات

[mado_83]

سالت ميكانيكي قالي انها مشكلة كهرباء خاصة بساعة الزيت وهتكلفني 100 جنية وطبعا مش عاوز يقولي هيعمل ايه؟؟

[kimo_7600]

المشاركة الأصلية كتبت بواسطة mado_83 السلام عليكم انا لسة مشتري عربية جولف 2 موديل 85 موتور 1600 كربراتير - العربية ما شاء الله عزمها وقوتها حلوين جدا بس اول مشكلة قابلتني بعد ما ادور ب 5 دقائق وازود بنزين وال rpm يعدي 20 لمبة الزيت تنور والزنان يشتغل وتفضل كده ما تبطلش سالت كذا حد راكب العربية و ميكانيكي كلهم افتولي ان هي كده وممكن تكون فيشة مقلوبة والكلام ده وبصراحة انا مش مقتنع مع العلم ان مقاس الزيت مظبوط ولسة مغير زيت شل وفلتر ومازال العيب قائم فبرجاء الافادة من اهل الخبرة وبرجاء الافادة بالوصف اعمل ايه لاني مش من القاهرة ومافيش صنيعية كويسين للجولف اثق انهم يلعبوا في العربية هنا في بلدي وانا بحب اعمل كل حاجة بنفسي. وشكرا

فكك من الكلام ده كله في كهربائي في الحرافيين اسمة رشاد اشهر من النار علي العلم لوعرفت تنزل القاهرة وترحله هايجبلك من الاخر في ثانيه