بلاغ رسمى للأستاذ محمد ابو غالى وكيل الهايما

[M.TONSY]

فعلا الموقف غير مقنع تماما
وبما ان كاتب الموضوع مشرف مبيعات فى غبور فشهادته مجرووووحة

[Emgrand]

مطلوب وضع قوانين لعدم التشويه فى المنافسين
هذا انكشف الله اعلم بالباقى اما يدخل يقولك اتقلبت وحصلى وووووو

[الكردي2000]

المشاركة الأصلية كتبت بواسطة AbOnOrA واضح ان حضرتك داخل المعرض بعين مشرف مبيعات فى موزع معتمد لهيونداى (زى ماهو مكتوب فى بروفايلك) وحتى الموضوع بصيغتة ديه اعلان لعربية اللى حضرتك بتبيعها اكتر منه نقد موضوعى او شكوى لو كنت تعملنا مقارنة بين الاتنين بما انك بتقول ان فيه افضلية فى الكماليات كان يبقى الموضوع مفيد اكتر لكن على اى حال وبافتراض حسن النوايا مش لازم اول ما حد يخش اى معرض لاى سلعة ان البائع يهجم عليه بالعكس ده مش داخل يشترى كارت شحن ديه عربية فالافضل انه يسيبه يتفرج براحتة ويتابعة من بعيد بس واذا طلب مساعدتة يتدخل لكن اذا كان فيه اسلوب مش كويس من حد من افراد المبيعات وحضرتك ادرى طبعاً لان ديه مهنتك فياريت تعرفنا وتقول للاستاذ وليد على اسم الموظف ده او شكلة وتفاصيل اوضح من مجرد (الاخ بتاع المبيعات) فى انتظار رد حضرتك علشان نعرف اذا كان الموضوع شكوى ولا مقارنة ولا اعلان

أختلف مع سعدتك تماما فيما قلت , لأن مندوب البيع أو السيلز لازم يرحب بكل عميل سواء كان هيشتري أو داخل يأخذ فكره , لأن وظيفة البياع هي أن يعمل دعايه جيده للسلعه المعروضه ويحاول يوضح لك مميزاتها ويحببك فيها , هي ده شغلته وبعدين هو بيدخل له كام عميل يعني في اليوم وكام واحد هيشتري , الاهتمام بالعميل شئ مهم جدا وخصوصا لو كانت هناك خدمة ما بعد البيع زي الصيانه وخلافه حتي يشجعك أنك تشتري وتحس انهم بيهتموا بالعميل مش هيبيعوك في الصيانه .... طبعا اللي أنا بقوله ده مبدأ عام ليس له علاقه بنية صاحب الموضوع أو بالسياره هايما اصلا وهذا للتوضيح

[dr_m_bahr]

اعتقد ان كلام الاستاذ مظبوط لانى كنت هناك والمقابله مش حلوه خالص والكلام بالقطاره

[AbOnOrA]

المشاركة الأصلية كتبت بواسطة الكردي2000 أختلف مع سعدتك تماما فيما قلت , لأن مندوب البيع أو السيلز لازم يرحب بكل عميل سواء كان هيشتري أو داخل يأخذ فكره , لأن وظيفة البياع هي أن يعمل دعايه جيده للسلعه المعروضه ويحاول يوضح لك مميزاتها ويحببك فيها , هي ده شغلته وبعدين هو بيدخل له كام عميل يعني في اليوم وكام واحد هيشتري , الاهتمام بالعميل شئ مهم جدا وخصوصا لو كانت هناك خدمة ما بعد البيع زي الصيانه وخلافه حتي يشجعك أنك تشتري وتحس انهم بيهتموا بالعميل مش هيبيعوك في الصيانه .... طبعا اللي أنا بقوله ده مبدأ عام ليس له علاقه بنية صاحب الموضوع أو بالسياره هايما اصلا وهذا للتوضيح

يا استاذ كردى اللى حضرتك قولتة كمبداء عام انا قولتة كمبداء عام برضو
بس علشان الكلام ميبقاش عام زيادة عن الازم ومحدش يستفيد حاجة طلبت من صاحب الموضوع يحدد اوصاف البائع او الموظف او اسمة انا شخصياً لو لقيت معاملة وحشة من موظف لازم هعرف اسمة او شكلة علشان اقول فلان عمل كذا

لكن اسلوب روحت المكان الفلانى لقيتهم مش مدينى وش ده كلام بنسمعة بقالنا سنين فى مواضيع كتير وغالباً بيبقى بقصد التشوية ليس اكثر وخاصة لما تكون جاية من (ابن كار) زى ما بيقولو وكمان مكتفاش بالشكوى الغير واضحة عمل دعاية لعربية تانية بالصدفة تتبع لنفس التوكيل اللى هو شغال لحسابة زى ماهو كاتب عن نفسه

علشان كدة قولت ان على صاحب انه يحدد اذا كانت شكوى موضوعية او اعلان لحسابة

كلامى كان واضح جداً على فكرة