العودة   مصر موتورز مجتمع السيارات > منتديات السيارات العامة > سيارات حواء

سيارات حواء MasrMotors Girls كل ما يهم المرأة عن عالم السيارات


إضافة رد
 
أدوات الموضوع
  #1  
قديم 25-05-2014, 05:32 AM
toty poty 1 toty poty 1 غير متواجد حالياً
 
تاريخ التسجيل: May 2014
المشاركات: 5
toty poty 1 is on a distinguished road
صيانة الحقووووونى نسيت السواقة

صباح الخير
النهارده كانت اول حصه انزل اسوق مع بابا بعربيتى الجديده طبعا وانا ناسيه سواقة المرور المهم انى نفسيتى وحشششششششششه جداااااا وبابا اتعصب عليا وقعد يقولى انتى غبيه ليييه كل ما ابدأ اطلع ادور وانسى انى مديتش العربيه سرعه اولا الفتيس غبى جدا وبنقل للتانى كمان الاقينى نقلت عالراااااابع ثانيا الدبرياج مش بدوس للاخر المهم قعدنا كده شويه والعربيه تبطل منى المهم واحنا مروحين العربيه بطلت اكتر من 100 مرة من بابا ؟؟؟؟؟؟ ليييييييييييه؟؟؟؟؟؟؟؟؟؟؟؟ ؟؟؟؟
مش عارفين السبب
ياترى ايه اللى حصل
انا متضاااايقه أووووووووووووووى ومحبطه
العربيه 128 موديل 81 المفروض ان حالتها كويسيه بس بصراحه ندمت انى اشتريتها عربيات زباااااااله
حد يفيدنى انا بفكر ابيعها واجيب موديل تانى اعلى شويه طبعا لما اكمل فلوس ولا انا عشان مش عارفه اتعامل؟؟
كماان هنزلكم بكرة صورها عشان عاوزة ارآئكم ازاى اظبطها من جوة شلا كسوة وكاسيت وكده..
ادعولى ...وفيدونى افادكم الله
رد مع اقتباس
  #2  
قديم 25-05-2014, 08:46 AM
wael61 wael61 غير متواجد حالياً
 
تاريخ التسجيل: May 2010
المشاركات: 28
wael61 will become famous soon enough
افتراضي رد: الحقووووونى

اولاً قبل ما تتعلمى السواقة عيها عليكم بحل مشاكل العربية اللى بتخليها تبطل
ثانياً : وانت جواها هتسوقى وده طبعاً فى مكان فاضى نظمى افكارك بمعنى انا هوس دبرياج وهجيب الاول و....الخ
ثالثاً: لو متبيعهاش لحد ما تتعلمى عليها وبعدها ممكن تبدلى وتجيبى دايهاتسو شاريد تسعينات او ميرا او اى حاجة تانية
بالتوفيق
رد مع اقتباس
  #3  
قديم 25-05-2014, 11:56 AM
الصورة الرمزية محمد اشرف
محمد اشرف محمد اشرف غير متواجد حالياً
من انا؟: Mohamed ashraf
التخصص العملى: Student
هواياتي: Everything about cars of all types
 
تاريخ التسجيل: Mar 2011
الموقع: Alexandria
المشاركات: 4,254
محمد اشرف has a reputation beyond reputeمحمد اشرف has a reputation beyond reputeمحمد اشرف has a reputation beyond reputeمحمد اشرف has a reputation beyond reputeمحمد اشرف has a reputation beyond reputeمحمد اشرف has a reputation beyond reputeمحمد اشرف has a reputation beyond reputeمحمد اشرف has a reputation beyond reputeمحمد اشرف has a reputation beyond reputeمحمد اشرف has a reputation beyond reputeمحمد اشرف has a reputation beyond repute
افتراضي رد: الحقووووونى

انا رأيي مدام حضرتك لسه بتتعلمى سواقه كنتى بدأتى بسيارات مثل /

سوزوكى ماروتى
سوزوكى التو
دايهاتسوا ميرا
دايهاتسوا شاريد
سيات ابيزا


ولو عايزه حاجه جديده شويه فيه/
شيرى QQ
شانا بينى

الحجات دى كلها حلوه فى بدايه تعليم السواقه
وكل الحجات الى حصلت معاجى دى حصلت اكيد مع اى واحد بدأيتعلم السواقه
واحده واحده وان شاء الله هتحترفى فى السواقه

__________________




نادى السيارات الصينيه على الفيس بوك نرحب بانضمامكم

http://www.facebook.com/NadyAlsyaratAlsynyh


جروب نادى سيارات البيجو على الفيس بوك
https://www.facebook.com/groups/172929839542780/

رد مع اقتباس
  #4  
قديم 25-05-2014, 12:36 PM
الصورة الرمزية Hisham.Elgazzar
Hisham.Elgazzar Hisham.Elgazzar غير متواجد حالياً

من انا؟: الفقير إلى الله
هواياتي: جميع الأعمال اليدوية-IT
 
تاريخ التسجيل: Dec 2011
الموقع: مكـــــــ عين شمس-م.نصر-التجمع الأول ــــــانى
المشاركات: 5,061
Hisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond reputeHisham.Elgazzar has a reputation beyond repute
افتراضي رد: الحقووووونى

اكبر غلطة انك تتعلمى على عربية مستعملة
فى عربية صينى اسمها شانا بينى مينى فيها كل الكماليات واوتوماتيك وب 65 الف بس
عربية ممتازة وانصح بيها بشدة حجاتها كلها موجودة وكفاية انها اوتوماتيك
رد مع اقتباس
  #5  
قديم 25-05-2014, 03:37 PM
zing0 zing0 غير متواجد حالياً
هواياتي: Kung Fu - Reading
 
تاريخ التسجيل: Nov 2011
الموقع: القاهرة
المشاركات: 1,488
zing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond repute
افتراضي رد: الحقووووونى

يا جماعه هيا أشترت العربية خلاص, مفيش مجال لكلمة (ياريت كان الأفضل)
الـ 128 و اللادا و الشاهين و ...العربيات القديمة , بتحطك دايماً فى تحدى
و اللى بيتعلم عليها بيتعب شوية فى الأول بس لما بيتعلم بيتعلم سواقه صح الصح, ممكن يسوق ميكروباص بعد كده عادى, و أى عربية تانية هيسوقها و هو مغمض عينية و سايب ايدية و رافع رجلية كمان !!!

معلش ممكن فترة التعليم تطول شوية بس هتديكى ثقه زياده و زى مقولتلك قبل كده هتبقى شوماخر بإذن الله, بس اصبرى شوية و إتأكدى إن ياما ستات ساقت الـ 128 و اللادا و بإختراف عالى جداً, الموضوع أكيد كان صعب عليهم فى الأول, و انتى مش أقل منهم فى حاجه.

دلوقتى أهم حاجتين:
1- ميكانيكى بيفهم يضبط العربية (كهربا و كربراتير و رجلاش بدال الدبرياج و الفرامل و الأكسراتير) <<< الحاجات دى مهمة جداً و هتساعدك فى ضبط حساسية البدالات دى مع دوسة رجلك
2- اللى يقعد يعلمك تتفقى معاه من الأول, ميزعقش لأن الموضوع مش ناقص توتر, و كده بيزود التوتر مش بيدى ثقة

و زى مقال الإخوه هنا ترتبى خطوات السواقه
====================
1- أتأكد ان الفتيس عالمور (مش واخد غيار)
2- بسم الله , و أدور
3- أنزل الهاند (فرامل اليد)
4- أدوس دبرياج للآخر (القدم اليسرى)
5- و أنا دايس دبرياج , آخد الغيار الأول (شمال فوق)
6- أسند القدم اليمنى عالبنزين سنه و أرفع رجلى من عالدبرياج بهدوء (مش فجأه)
7- مع أى تغير فى الوضع لازم أدوس دبرياج
يعنى أنا ماشى عالأول, عاوز أنقل عالثانى, يبقى دبرياج + الغيار الثانى
عاوز أفرمل, يبقى دبرياج + فرامل
عاوز أوقف العربية عالسلانسية (دايرة بس مش بتتحرك) يبقى دبرياج + مور (العصاية فى النص و سايبة مش على أى غيار)

المهم دلوقتى زى مقولنا: العربية تتضبط + التعليم بدون صوت عالى و توتر مفيش حد بيتولد سواق
أعانك الله
__________________

رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 04:43 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017