تقرير متكامل: سوبارو ليجاسي 2010 الجديدة كليا

[ahmed_kamel]

المشاركة الأصلية كتبت بواسطة horas3000 الف شكر يا زعيم بس ده موضوع ماراثوني انا وقعت من نصه سوبارو بتتميز انها من العربيات اللي ماشيه علي مبدا و لا تغيرة بس للاسف ملهاش حظ في منطقتنا

دي حاجه صغيره من الموضوعات المكوكيه بتاعتك ياباشا .... كفاية اللفه المكوكيه إللي عملتها مع أبوكمال من كام يوم على المعارض المزبلحه اللي عارضه عربيات غير مفهومه لمعظم أبناء المحروسه ptmnlo123per154

المشاركة الأصلية كتبت بواسطة mody.miro بصراحة عربية جامدة جدا السوبارو مظلومة زى معظم العربيات الاوروبى زى الرينو مثلا

زي مين بس (سوبارو - سياره يابانيه وليست أوروبيه) ... أنا معاك إنها مظلومه جدا ولكن ليس بمنطقتنا فقط فهي مظلومه بالعالم أجمع ..... مع أنها أحد رموز سباقات الرالي الشهيره وأكثرها تحقيقا لمراكز متقدمه ومنافستها اللانسر إيفوليوشن دائما مع إن اللانسر ذات حظ أكبر في المبيعات !!! أرزاق مقسمها الخلاق

المشاركة الأصلية كتبت بواسطة koky_90 انا طول عمر ى وانا من اشد المعجبين بهذه العلامه الرئده والعملاقه بجد ونفسى فعلا اركب سوبارو واول مابشوف حد في الشارع راكب سوبارو اقول الراجل ده بيفهم كفايه اوى انك تبقا راكب عربيه السيستم بتعها والتكنولوجا الى فيها غير اى عربيه ماشيه جنبك (تميز ) شكرا ياباشا على الوضوع الجاااااامده ده وياريت تفتكر سوبارو كده على طول

ربنا يخليك ..... بس إنت حاول معايا نصحي الأقسام ديه ... أنا من معجبي سوبارو جدا ... وإللي خخلاني أدور على معلومات عنها وأرفعلهم موضوع هو إني لقيت واحد جاري جاب السوبارو الليجاسي 2010 ووقفت جنب العربيه وإتفرجت عليها وأعجبت بيها جدا فقررت أن أبحث عن معلومات عنها وكان هذا التقرير

[bmkbmk]

صباح الفل يا باشا ...
مواضيعك دايما فيها مشكلة فظيعة ...عارف ايه هى ؟..............
انها ماينفعش تتقرئ بسرعة فى الشغل و الواحد يعلق عليها كدة و خلاص
مواضيعك عاوزة الواحد يفضى نفسه و يركز و يلخصها فى ورقة خارجية علشان يقدر يفهمها و يستوعبها كويس .....
انا تهت يا راجل .... ايه كل التفاصيل دى و ايه كميات التكنولوجيا و المقارنات دى ...
بجد يا ابوكامل انا وقعت فى نص الموضوع
مع انى حسيت بفرق و فخامة لما رحت ركبت العربية دى فى المعرض عن منافسيها ...
الا ان موضوعك نقلنى لبعد تانى و مستوى تانى و خلانى عاوز اروح اعمل تست درايف للعربية دى و اجرب كل تفصيلة انت حاططها فى الموضوع ... على حسب الاوبشنز اللى بتنزل فى الكويت طبعا
جعلك الله زخرا لمصر موتورز
و بجد الف شكر على تعبك فى جمع و تنسيق كل المعلومات دى
و يا ريت (ماتشوفش) حل للمشكلة الفظيعة اللى فى المواضيع بتاعتك ابدا
و الى اللقاء فى المساء ان شاء الله بعد ما اروح و الخص الموضوع علشان الاستيعاب
و صباحك زى الفل

[ahmed_kamel]

المشاركة الأصلية كتبت بواسطة bmkbmk صباح الفل يا باشا ... مواضيعك دايما فيها مشكلة فظيعة ...عارف ايه هى ؟.............. انها ماينفعش تتقرئ بسرعة فى الشغل و الواحد يعلق عليها كدة و خلاص مواضيعك عاوزة الواحد يفضى نفسه و يركز و يلخصها فى ورقة خارجية علشان يقدر يفهمها و يستوعبها كويس ..... انا تهت يا راجل .... ايه كل التفاصيل دى و ايه كميات التكنولوجيا و المقارنات دى ... بجد يا ابوكامل انا وقعت فى نص الموضوع مع انى حسيت بفرق و فخامة لما رحت ركبت العربية دى فى المعرض عن منافسيها ... الا ان موضوعك نقلنى لبعد تانى و مستوى تانى و خلانى عاوز اروح اعمل تست درايف للعربية دى و اجرب كل تفصيلة انت حاططها فى الموضوع ... على حسب الاوبشنز اللى بتنزل فى الكويت طبعا جعلك الله زخرا لمصر موتورز و بجد الف شكر على تعبك فى جمع و تنسيق كل المعلومات دى و يا ريت (ماتشوفش) حل للمشكلة الفظيعة اللى فى المواضيع بتاعتك ابدا و الى اللقاء فى المساء ان شاء الله بعد ما اروح و الخص الموضوع علشان الاستيعاب و صباحك زى الفل

صباحك مبارك ياريال ... والله هالصوره الكشخه اللي في توقيهك ماحلتنا ننام في المحروسه لمدة يومين عمالين نتخيل العربيات إللي شوفتوها ووقفتوا جنبها أو قعدتوا جواها ....
وأنا كتبت ونوهت إنه تقرير متكامل يعني إللي ناوي يدخل لازم يعمل حسابه إن مستر سوبارو حيكون قاعد بنفسه جوه بيشرح كل حاجه في العربيه دي ... وحيلاقي كمان الحاجه مرات مستر سوبارو موضبه سفره (كشخه) للزوار مليئه بالدسم الياباني 100%

وبالهناء والشفاء .... وربنا يستر من التلخيص إللي حتعمله ... ومايطلعش برشام إمتحانات...
وكل سنه وإنت طيب ياباشا وسنه سعيده عليك إن شاء الله ... وعيدكم مبارك ويجعلكم من عواده

[Mohamed Dahab]

الف شكر على هذا التقرير الرائع لسياره اكثر من رائعه

[بدر بسيونى]

تقرير فوق الممتاز منظم واسترسالك متميز جدا بصراحة انا كنت مستنى اقرى السطر اللى بعده واشكرك على اهتمامك بالتفاصيل وارجو ان الموضوع يتثبت وشكرا ليك احمد باشا