الاستاذ وائل والاستاذ حازم شاهين والدكتور بولبولان

[Dr. Bolbolan]

المشاركة الأصلية كتبت بواسطة abo adhm مع العلم اني احرجت من الرد الحمد لله العربيه زي الفل وخليجي جنط 16 تكييف تاتش العربيه باكل بيها كل المطبات وعىون قطط وكلاب ربنا انعم عليا بيها وربنا يكرمك وتبقي زييي ويبارك لك فيها

شكرآ يا ! أنتم السابقون و نحن اللاحقون !

أنا لم أقصد احراج أى أحد من الرد ! بس حبيت أخللى البساط أحمدى لآقلل من الشعور

السىء عندك حاليآ من السياره ! معلش أنا راجل دقه قديمه و غالبآ ما أتعامل مع الناس

ببساطه قد تكون محرجه للبعض أحيانآ ! ( حقك على يا باشا ) !

Dr. Bolbolan ptmnlo123per122

[AbOnOrA]

والله يا ابو ادهم انا كمان مش عارف اقول لحضرتك ايه الموضوع متشابك وليه اكثر من جانب

والحديث فى كل جانب يطول
اولاً التعليق على الحادث المشار اليه
قمت بالفعل بالتعليق على الحادث فى الرابط اللى اشار ليه دكتور بلبلان وتعليقى باختصار ان الحادث يمكن حدوثة لاى سيارة اياً كانت وفقا لظروف الحادث اللى اتحكت سواء من ناحية الطريق او من ناحية ردود افعال الراوى ولا يصح انه يفسر على انه عيب فى السيارة لان ده غير منطقى ولا دليل عليه اصلاً

ثانياً التعليق على الردود التى تتسم بالمغاله فى السيارة
اصبحت شىء معتاد بالنسبالنا عن اى عربية بتحقق نجاح فى المبيعات فى فترة قصيرة ان يبقى فيه تفاوت كبير فى اراء الناس عنها خاصة التحزب والتعصب لسيارات معينة او ضد سيارات معينة سمة غالبة فى الموقع ده والعربية ديه نفسها كان عليها جدل كبير بنفس الطريقة حتى من قبل الحادثة وحتى من قبل ما تنتشر فالموضوع سمة عامة اكتر من كونه خاص بالسيارة ديه تحديداً

ثالثاً الموقف العام من الصانع الكورى عامة وكيا تحديداً
بالرغم من كون ناس كتير مازالت بتحكم بانطبعاتها الشخصية الغير موضوعية خاصة الميالين لتعظيم اليبابانى وكانه خاتم الصناعات ومفيش صناعة هتيجى تانى بعده وطبعاً عشاق الاوربى اللى بينظرو للعربيات الاسيوية عامة كانها عربيات درجة تانية
الا ان السوق عموماً سواء المحلى او العربى او العالمى قال كلمتة بالفعل بخصوص مجموعة هيونداى كيا وانكار نجاحاتهم على مستوى التصميم الشكلى والهندسى والاعتمادية والمتانه مع العوامل الاقتصادية لا يخرج عن كونه تحيز اعمى لا يستند على منطق او دليل
اما كيا تحديداً فمنذ بدايتها اعتماداً على تقنيات مازدا وهى ناجحة على صعيد اعادة التجميع او اضافة المكون والتصميم المحلى للتصميم الاصلى مقارنة بهيونداى او دايو وهو ما جعل جميع فئاتها تحوز على رضاء المستهلك الاوربى والامريكى قبل العربى او المصرى فقط تأثرت فى الفترة اللى بمشاكل وتنازع رجال الاعمال على التوكيل واعتقد انها لحد دلوقتى لم تتعافى بالشكل الكامل لكن ده ليس له علاقة بالتشكيك فى جودة او قيمة الماركة ككل

رابعاً موقفناً كإدارة موقع
اتفقنا من البداية على ان الموقع ساحة لعرض جميع الاراء بحرية كاملة وللجميع حق الرد ودورنا العمل على تحقيق التوازن بين الاراء باتاحة الفرصة بدون اى تحرشات او مضايقات لكل صاحب راى ايا كان رايه وبالتالى لا نلوم اى مكان يسمح بعرض راى شاذ او غير واقعى لكن نلوم تخاذل ادارة المواقع (فى بعض الاحيان) لتغاضيها عن وجود لوبى من المتحييزين لماركة معينة او ضد ماركة معينة بشكل عصابات لا يجرؤ احد على التعرض لهم او مخالفتهم والحمد لله حتى الان لم نصاب بهذه الداء ونعمل دائماً على التصدى لهذه بكل السبل فاى مجموعة اصحاب بشكل اجتماعى فى المنتدىمقبولة بالطبع اما مجموعة منتفعين هدفهم الترويج لماركة معينة او تشويه سمعة ماركة اخرى فده مش مسموح بيه هنا ابداً

ورغم كل ده بنشوف ناس بتهاجمنا هناك باننا متحيزين للصينى تاره وللكورى تاره اخرى ومرة يقولو احنا بنتحيز للكورى لمصلحة ابوغالى مع ان ابو غالى اوتوموتيف معندوش ولا ماركة كورى والماركة الوحيدة اللى تخصة هى المابل الصينى ولم نعرض عنها الا تغطية اعلامية لنزول العربية وحتى التست درايف امتنعنا عن قصد عن تغطيتة وغير كده هو ليه مراكز خدمة معتمدة من اوبل وبى ام زى ما ليه مراكز معتمدة من هيونداى وشيفرولية وماهنيندارا ومابل ومن المعلوم لاى انسان بيفهم ان التسويق لبراند مسئولية الوكيل اما مراكز الخدمة فملهاش علاقة بالتسويق للبراند نفسه من قريب او من بعيد ولو ليها كنا سوقنا للبى ام اللى لا يختلف عليها السواد الاعظم من الناس علماً باننا رفضنا عرض من البافارية لدعم الموقع مقابل الترويج لماهيندارا وسنرفض دائما وابداً اى عرض للترويج لاى ماركة بعينها كما هو اساس الموقع وسياستة الثابتة منذ تاسيسة

علشان كده انا شخصياً لن اشترك فى اى موقف مع او ضد اى سيارة فقط لى حق التعليق والرد على كل راى بشكل مباشر فى حاله وجودة فى موقعنا غير كده كل اناء ينضح بما فيه والناس بقى عندها القدرة للتميز بين الغث والثمين

اعتذر للاطالة لكن الموضوع كما اوضحت فى البداية له ابعاد اكبر من ما اوجزت فى هذه السطور

[bozaidhazz]

المشاركة الأصلية كتبت بواسطة AboNoRa والله يا ابو ادهم انا كمان مش عارف اقول لحضرتك ايه الموضوع متشابك وليه اكثر من جانب والحديث فى كل جانب يطول اولاً التعليق على الحادث المشار اليه قمت بالفعل بالتعليق على الحادث فى الرابط اللى اشار ليه دكتور بلبلان وتعليقى باختصار ان الحادث يمكن حدوثة لاى سيارة اياً كانت وفقا لظروف الحادث اللى اتحكت سواء من ناحية الطريق او من ناحية ردود افعال الراوى ولا يصح انه يفسر على انه عيب فى السيارة لان ده غير منطقى ولا دليل عليه اصلاً ثانياً التعليق على الردود التى تتسم بالمغاله فى السيارة اصبحت شىء معتاد بالنسبالنا عن اى عربية بتحقق نجاح فى المبيعات فى فترة قصيرة ان يبقى فيه تفاوت كبير فى اراء الناس عنها خاصة التحزب والتعصب لسيارات معينة او ضد سيارات معينة سمة غالبة فى الموقع ده والعربية ديه نفسها كان عليها جدل كبير بنفس الطريقة حتى من قبل الحادثة وحتى من قبل ما تنتشر فالموضوع سمة عامة اكتر من كونه خاص بالسيارة ديه تحديداً ثالثاً الموقف العام من الصانع الكورى عامة وكيا تحديداً بالرغم من كون ناس كتير مازالت بتحكم بانطبعاتها الشخصية الغير موضوعية خاصة الميالين لتعظيم اليبابانى وكانه خاتم الصناعات ومفيش صناعة هتيجى تانى بعده وطبعاً عشاق الاوربى اللى بينظرو للعربيات الاسيوية عامة كانها عربيات درجة تانية الا ان السوق عموماً سواء المحلى او العربى او العالمى قال كلمتة بالفعل بخصوص مجموعة هيونداى كيا وانكار نجاحاتهم على مستوى التصميم الشكلى والهندسى والاعتمادية والمتانه مع العوامل الاقتصادية لا يخرج عن كونه تحيز اعمى لا يستند على منطق او دليل اما كيا تحديداً فمنذ بدايتها اعتماداً على تقنيات مازدا وهى ناجحة على صعيد اعادة التجميع او اضافة المكون والتصميم المحلى للتصميم الاصلى مقارنة بهيونداى او دايو وهو ما جعل جميع فئاتها تحوز على رضاء المستهلك الاوربى والامريكى قبل العربى او المصرى فقط تأثرت فى الفترة اللى بمشاكل وتنازع رجال الاعمال على التوكيل واعتقد انها لحد دلوقتى لم تتعافى بالشكل الكامل لكن ده ليس له علاقة بالتشكيك فى جودة او قيمة الماركة ككل رابعاً موقفناً كإدارة موقع اتفقنا من البداية على ان الموقع ساحة لعرض جميع الاراء بحرية كاملة وللجميع حق الرد ودورنا العمل على تحقيق التوازن بين الاراء باتاحة الفرصة بدون اى تحرشات او مضايقات لكل صاحب راى ايا كان رايه وبالتالى لا نلوم اى مكان يسمح بعرض راى شاذ او غير واقعى لكن نلوم تخاذل ادارة المواقع (فى بعض الاحيان) لتغاضيها عن وجود لوبى من المتحييزين لماركة معينة او ضد ماركة معينة بشكل عصابات لا يجرؤ احد على التعرض لهم او مخالفتهم والحمد لله حتى الان لم نصاب بهذه الداء ونعمل دائماً على التصدى لهذه بكل السبل فاى مجموعة اصحاب بشكل اجتماعى فى المنتدىمقبولة بالطبع اما مجموعة منتفعين هدفهم الترويج لماركة معينة او تشويه سمعة ماركة اخرى فده مش مسموح بيه هنا ابداً ورغم كل ده بنشوف ناس بتهاجمنا هناك باننا متحيزين للصينى تاره وللكورى تاره اخرى ومرة يقولو احنا بنتحيز للكورى لمصلحة ابوغالى مع ان ابو غالى اوتوموتيف معندوش ولا ماركة كورى والماركة الوحيدة اللى تخصة هى المابل الصينى ولم نعرض عنها الا تغطية اعلامية لنزول العربية وحتى التست درايف امتنعنا عن قصد عن تغطيتة وغير كده هو ليه مراكز خدمة معتمدة من اوبل وبى ام زى ما ليه مراكز معتمدة من هيونداى وشيفرولية وماهنيندارا ومابل ومن المعلوم لاى انسان بيفهم ان التسويق لبراند مسئولية الوكيل اما مراكز الخدمة فملهاش علاقة بالتسويق للبراند نفسه من قريب او من بعيد ولو ليها كنا سوقنا للبى ام اللى لا يختلف عليها السواد الاعظم من الناس علماً باننا رفضنا عرض من البافارية لدعم الموقع مقابل الترويج لماهيندارا وسنرفض دائما وابداً اى عرض للترويج لاى ماركة بعينها كما هو اساس الموقع وسياستة الثابتة منذ تاسيسة علشان كده انا شخصياً لن اشترك فى اى موقف مع او ضد اى سيارة فقط لى حق التعليق والرد على كل راى بشكل مباشر فى حاله وجودة فى موقعنا غير كده كل اناء ينضح بما فيه والناس بقى عندها القدرة للتميز بين الغث والثمين اعتذر للاطالة لكن الموضوع كما اوضحت فى البداية له ابعاد اكبر من ما اوجزت فى هذه السطور

أوجزت فأنجزت
الله يبارك فيك
فعلا العربية جميلة (أنا معاي ex) لكن المشكلة الحقيقية في ان فعلا العفشة ناشفة بالمقارنة بالياباني او الكوري ز ي هيونداي و الأيام سوف توضح مدي تحمل السيارة لظروف الطرق المصرية التي لا يمكن تصميم سيارة تتحمل كل هذا التهريج في شوارع مصر

[m_o_sakr]

يا أستاذ أبو أدهم, إسمحلى اقول كلمه
السيراتو مش اول عربيه تنزلها كيا و عربيات كيا الموجوده بمصر من اكتر من 14 سنه و شغاله كويس دليل على انها شركه كويسه, السيراتو عامله مبيعات كويسه جداً فى امريكا, كندا, استراليا و اوروبا و كل الدول دى مبتهرجش فى سلامه و امان مواطنيها, السيراتو واخده 5 نجوم فى إختبارات الأمان الأمريكيه و 4 نجوم فى إختبارات الأمان الأوروبيه
فى اوروبا و امريكا و كندا و استراليا و كثير من الدول السيراتو بتتقارن بالكورولا و المازدا3
موضوع إن العفشه ناشفه معناه إنها مش مريحه اوى لكن مش معناه إنها بتتكسر من اى مطب او نقره!! شوف حضرتك فى كام عربيه سيراتو بجنط 17 ماشيه فى شوارع مصر المحروسه بكل مافيها من مطبات و نقر و خنادق و و و و و و وشغاله عادى, لو كان العيب من العربيه كنت حتلاقى فى كل شارع عربيه مركونه جمب الرصيف مقصها مكسور!!!!
و شكراً لحضرتك و انا اسف على المداخله فى موضوع غير مدعو للمشاركه فيه

[حازم شاهين]

أنا تجربتى مع الكورى و الكيا بالذات كانت لمدة سنة واحدة مع كيا ريو أمريكانى موديل 2002
و بصراحة كانت ناجحة معانا جدا و بنت حلال على الأخر و قيادتها ممتعة و أداءها كان جيد بصفة عامة
كان عيبها الوحيد ضيق صالونها و خاصة للركاب فى الخلف

أما السيراتو فأنا وقعت فى غرامها أول ما شوفتها فى معرض سيارات على الطبيعة
لكن بسبب شكلها فقط و إمكانياتها لكن معنديش أى تجربة حقيقية معها
و تحليلى للحادث مكانش دفاع عن العربية بقدر ما كان تشكك فى رواية اللى حصلتله الحادثة... فالرواية فيها أكتر من نقطة مش منطقية و فيها مبالغة واضحة فكان لازم توضيح النقطة دى للناس علشان متبقاش كل الردود من نوع "شكرا على النقل و حمد الله على السلامة" لكن لازم إللى يقرا الموضوع يفكر شوية و يشغل دماغة شوية قبل ما يسلم بالرواية ... إللى بالمناسبة مش بقول إنها من إختراع صاحبها "حاشا لله" لكن بقول إن صاحبها كمل الأجزاء المفقودة و غير المعلومة ليه بتصورات و تخيلات صعب تصمد أمام تشكيك و إنتقادات من أشخاص عاديين حتى مش متخصصين و فى رأيى إن ده سببه مش خلل فى شخصية الراوى "حشا لله" لكن زى ما أشار دكتور بولبولان و أخرين إن اللى فى الموقف ده بيحاول يتخلص من شعور بالذنب و الصدمة بمحاولة إلقاء اللوم على العفريت .... بمعنى حاجة من نسج الخيال ... و العفريت فى السيراتو كان المقصات و العفشة و الحدفة و غيرها .

لكن العربية جميلة جدا و فيه منها كمية محترمة بتجرى فى كل حته فى العالم مسمعناش عنها أى أخبار سيئة و هى أصلا قبل ما بتنزل بشكل تجارى بتاخدلها كذا سنة فى إختبارات من كل نوع
فمطلوب منك تنسى الكلام إللى بقوله الناس و تستمتع بالعربية بتاعتك و تحافظ عليها و ما تهملهاش و تتبع إجراءات السلامة لأنها ملهاش لازمة فى 99.9999 % من الوقت لكن ساعة ما يبقى ليها لازمة ممكن يتوقف عليها حياة أو موت