الفرق بين اسبرانزا ولانسر

[DK.Cupo]

تمام يا مودي

[lancer.style]

كلامك تمام و ريح قلبى والله هو دة خلاصة الموضوع كلة و اهم حاجة انك عن تجربة ptmnlo123per112

[moody]

شكرا ليكم يا جماعه على ردودكم المشجعه وانا تعمدت في مشاركتي الي فاتت اني اذكرلكم العيوب الي مقابلاني في السياره الاسبرانزا وزي ما قلت انه لازم منه عشان فرق السعر طبعا

وعاوز اضيف في المشاركه دي الحاجات الي عجباني في العربيه عشان المهتمين بيها والي عاوزين يعرفو عنها اكتر واي سؤال عنها انا جاهز وتحت امركم

المظهر العام فخمه من بره وجوه ,, اوبشن كتير وكله تحس انه بيرحك وانت ماشي بيها يعني مثلا التحكم في مستوى الانوار الاماميه ,, وانوار الشبوره بتاعتها شديده جدا وفعلا بتنور جامد في حالة الضباب والاتربه ,, مظهر العدادات والاضاءه بتاعتها مريحه للنظر وواضحه ,, الازاز الكهربا بتاها تحس المتور الي بيرفع وينزل الازاز عفي قوي وشديد ,, الباور خفيف جدا بالمقارنه بالعربيات التانيه ,, وزي ما قلت قبل كده انها بتجيب سرعات عاليه فلو الطريق مظبوط زي طريق اسكندريه ممكن ما تحسش بسرعتها الا لو جت موجه ساعتها ممكن تحس ,, مش بتتاثر بالحموله يعني اداء المحرك ثابت هي فاضيه او محمله بس الفرق الوحيد انها هتزيد استهلاك البنزين ,, صوت المحرك هادي ولو مدي غيار عالي مع سرعه قليله ودوست بنزين على الاخر مش هتحس برجرجه ولا تسقيف وزي ما قلت ان الدواسه بالكهربا وهي الي بتتحكم في الدوسه ,, فتحات تكيف للكنبه الي ورا بتساعد جامد في تسقيع جو العربيه ,, شنطه واسعه جدا والصالون كمان ,, لو فتحت الكابوت مش هتلاقي اسلاك ولا ويرات ماشيه عشوائي هتلاقي كل شيء فيها ماشي منتظم والمحرك عليه غطا اسود مديله شياكه .

والكلام دا حبيت اقوله عشان ما يبقاش كله نقد في العربيه واني لازم اذكر الاشياء الكويسه فيها زي ما قلت عيوبها ولو ربطنا المشاركه دي والي فاتت بسعر العربيه هنلاقي انها مناسبه جدا لسعرها وخاصه ان عيوبها ممكن ما حدش يلاحظها الا لو واحد بيدقق في العربيات وانا برشحها لاي حد عاوز يشتري عربيه زيرو في حدود ال 70 الف جنيه

وشكرا ptmnlo123per122

[m.genedy]

شكرا لك استاذ مودى --كلامك مقنع ومحترم فى ردك الا ول وكذلك الثانى
وواضح انة عن تجربة--ارجوا ان نبتعد عن الدفاع الاعمى والهجوم الغير مبرر

[haitham samer]

انا ايد كلام ا جنيدى العربية سحبها جبار و انا سافر الاسكندرية مع واحد صحبى و كان معا الانترا 2008 و انا اسبرنزا 2008 و كانا بنشد مع بعض 150 \\160 ك و الراجل كان مشمصدق سحب العربية هى كل الحكاية شطارة سواق