|
#21
31-03-2009, 01:41 PM
|
||||
|
||||
رد: الفرق بين اسبرانزا ولانسر
مع احترامى لجميع الاراء-
عندما نسئل عن ايهما افضل اسيرانزا 516 و اللانسر--فالاجابة واضحة للقاصى والدانى-- وتصب جميعها لصالح اللانسر- -وانا هنا لا اشكك فى ان الاسبيرانزا سيارة جيدة قياسا بسعرها ولكن مجرد مقارنتها باللانسر فية كثيرا من الاجحاف- -وان كان الاقرب للمقارنة مثلا الفيرنا اى نقارن الاسبيرانزا بالفيرنا وليس بالانسر حتى نكون منصفين -- ولا نجعل حماسنا يعمينا عن السبب الرئيسى من المشاركة الا وهو مساعدة احد الزملاء على اتخاذ القرار المناسب- -ولهذا اقول للاخ صاحب الموضوع وصاحب السؤال-- أذا كانت امكاناتك تؤهلك لشراء اللانسر فلا تتردد- -واذا كانت غير ذلك فعليك بتوجية سؤال جديد لاخوانك وزملائك هنا ولكل حدث حديث-- التعديل الأخير تم بواسطة m.genedy ; 31-03-2009 الساعة 02:06 PM 
|
|
#22
01-04-2009, 12:28 AM
|
|||
|
|||
|
رد: الفرق بين اسبرانزا ولانسر
D2 r2ik y2 b2sh y2 r2it m2 te3mamsh
th.
|
|
#23
01-04-2009, 12:46 AM
|
||||
|
||||
|
رد: الفرق بين اسبرانزا ولانسر
فرق في السرعات سيدي الرئيس
لانسر ولا اسبرانزا اكيد اللانسر احسن بكتير الاسبرانزا سمعت فيها كلام كتير زي ماتكون خارجه من مليون مصنع 4 معارف جايبنها واحد بس بيشكر فيها و الباقي بيشتموا فيها و كل واحد عنده عيب مختلف الباب بيزيق لا حساس ايه الازاز مش بيفتح محدش بيفهم فيها ولا حتى التوكيل بس في الاخر دي عربيه مش واحده قريبتي و انا مالي العربيات نادر ما تلاقي 2 بيتفقوا على عربيه طب سمعت واحد صاحبي اتقلب بمرسيدس علشان المقص طار من العربيه و سمعت ان متور لانسر 2007 فوت بعد شهر من شراها عادي يعني يا رجاله بس لانسر ولا اسبيرانزا يبقى لانسر طبعا
__________________
ازا اردت الحكمه فالزم الصمت و ازا اردت الرزق فالزم الاستغفار ازا اردت المهابه فالزم قايم الليل لا اله الا انت سبحانك اني كنت من الظالمين دكتور احمد العشماوي 
|
|
#24
01-04-2009, 04:07 AM
|
||||
|
||||
|
رد: الفرق بين اسبرانزا ولانسر
لانسر طبعا ياباشا انا حمايا(ابو مراتى ) راح معرض يتفرج عليها وهى لسه جديدة ما اشتغلتش (زيروووو) بيفتح الشنطة ويقفلها مرتين تلاته كده يجربها الشنطة علقت فى الفتح والقفل وصاحب المعرض قاله ماهى فيها عيوب صناعة كتيره اتكل على الله وهات لانسر يا شيخ
بلا اسبرانزا بلا قرف وكفايه ان مالهاش قطع غيار فى السوق يعنى لازم تروح التوكيل بها عشان اى قطعة غيار وطبعا الدفع فى التوكيل ما بيكونش دفع عاى دا دفع رباعى ههههههههه ptmnlo123per172 التعديل الأخير تم بواسطة لورنس العرب ; 01-04-2009 الساعة 04:10 AM
|
|
#25
02-04-2009, 07:24 AM
|
|||
|
|||
|
رد: الفرق بين اسبرانزا ولانسر
بالنسبة للاساتذ اللى بيسأل كلامى هيكون موجه لحضرتك فقط ومش عايز ادخل فى اى مناقشات غير موضوعية مع احد
مينفعش اقولك لانسر ولا 516 لانهم نفس الفئة اللترية ونفس الحجم ونفس درجة الصالون والاختلاف فى بلد الصنع(يابانى او تجميع مصرى لانتاج صينى) والسعر والسعر طبعا عارفين ان الانسر بتتباع فى مصر اغلى من تمنها بكتير تمنها الدولى اقصد ال516 بتتباع قريب من تمنها الدولى بس متشال منها حاجات زى الاير باج وفتحة السقف والسنسور الخلفى نيجى بقى للقرار بتاع الشراء اللى هوا راجع ليك اساسا : توافر قطع الغيار : الاتنين موجودين فى شارع دمشق واسعار قطع غيار ال516 انا اعرفها لانى راكبها وصلت لاسعار اقل من الدايو بكتير الان امثلة لل516 : فانوس امامى = 200 او 340 جنية التوكيل = 800 جنية فانوس خلفى = 280 جنية التوكيل = 450 جنية سير كاتينة = 120 جنية التوكيل = 360 جنية طقم نيل = 70 او 80 جنية التوكيل = 285 جنية على فكرة هى نفس الجودة انما فرق سعر التوكيل محدش عارف اية مبررة كالعادة التوكيلات فى مصر اخر تخاريف امثلة للانسر : للاسف معنديش وممكن احد ملاكها يقولولك امثلة علشان تعرف الاسعار نيجى بقى للشهرة وخبر الميكانيكية فى الاصلاح: الانسر طبعا تتفوق فى النقطة دى بكتير نيجى لنقطة الاداء لو كنت من محبى السيارات القوية : محرك ال516 1600 سى سى 2 كامة علوية فتيس عادة قدرة 108 حصان عند 6000 لفة فى الدقيقة عزم دوران 144 ن . متر عند تقريبا 4200 لفة فى الدقيقة معامل انضغاط = 10 معدلات التخفيض بتاعت كل غيار كانت معايا بس مش فاكر وديتها فين وهى عموما جيدة جدا على الغيارات العالية محرك الانسر الشكل القديم مش الجديدة ال1500 الشارك 1600 سى سى كامة علوية واحدة منفردة فتيس عادة قدرة حصانية = 105 حصان عند 6000 لفة ايضا العزم = 138 ن.متر عند 4500 لفة فى الدقيقة معامل انضغاط = 9 يعنى من الاخر محرك ال516 الصينى المصنع فى مصنع AVL اقوى واحدث وكفائتة اعلى حراريا ( مش سخونة ) دة مصطلح بيعبر عن كفائة المحرك ! وبيعبر عنه معامل الانضغاط كلما زاد معامل انضغاط المحرك كلما زادت كفائتة الحرارية وكلما زادت الكفائة الحرارية معناه انك لما تحرق هنا لتر بنزين هتاخد بية قدرة اكبر من لو كنت هتحرق اللتر دة فى محرك الانسر ! دة ببساطة قوى وبدون فنيات نيجى بقى لوزن السيارتين وهما بدون ركبا : ال516 = 1220 كجم يعنى كل حصان بيجر حوالى (11 كجم من وزن السيارة الفارغة ) الانسر = 1115 كجم يعنى كل حصان بيجر حوالى (10.5 كجم من وزن السيارة الفارغة) الوزن الاعلى افضل للثبات على السرعات بس فى نفس الوقت لازم يقابلة زيادة فى قدرة المحرك وهوا دة اللى حاصل فعلا ! التسارع = السحب : ال516 عزمها اكبر من عزم الانسر وعند عدد لفات محرك اقل يعنى الطلعات هتكون لصالح ال516 والقدرة الحصانية لكل كجم لصالح الانسر ووخللى بالك الكلام دة كلة فروقات اجزاء من الثانية والموضوع فى الاخر بيفرق فى مهارة السائق مش اكتر انما نظريا على الورق والحسابات ال516 هتتسارع فى وقت اقل من الانسر نيجى للكاوتش والجنوط : نفس الجنط 15 بوصة مع اختلاف مقاس الاطارات حاجة بسيطة ال516 : كاوتش واطى رياضى 195/55/15 الانسر : كاوتش اعلى شوية علشان يحسسك بالراحة 195/60/15 نيجى للتجهيزات : الفرامل : ال516 : ديسكات امامى وخلفى + ABS + EBD الانسر : ديسكات امامى فقط وخلفى طنابير + ABS فقط واعتقد انه مش نازل فى كل الموديلات دى مش مأكد منها التكيف : الاتنين فيهم نفس سعة التبريد ونفس سعة الكباس تقريبا فروقات بسطة لصالح ال516 بس بسيطة الاير باج : ال516 : التوكيل التعبان وهوا بيجمعها شال منها ايرباج السائق والراكب الامامى للاسف على الرغم من انها اساسى خارج مصر فيها ايرباج لانسر : فيها ايرباج للسائق والراكب الامامى الاوبشنز بقى : من غير ما اتكلم ال516 فيها اوبشن عالى جدا جدا جدا : انذار مفتاح ريموت ماكينة رفع الزجاج فتح الشنطة من الريموت الاريال بتاع الراديو موجود فى الزجاج الخلفى زى معظم السيارات الالمانية يعنى عمرة ما هيبوظ ولا يتكسر ولا يتسرق الفوانيس الاماية بها موتور بتحكم داخلى للسائق فى ارتفاق الانوار الامامية شبورة امامى وخلفى كاسيت جاااامد جدا بس سماعاتة الخلفية تعبانة وعايز تغير لو انتا بتحب الصوت العالى انظمة امان لفصل كهربة السيارة وفصل كهربة المحرك لمنع السرقة حتى لو تم قطع سارية الانذار انظمة حماية للبطارية السيارة بتفصل كل كهربتها بعد 3 دقايق لو انتا ناسى كل الانوار مفتوحة وغيرها كتييييير الانسر : طبعا اكيد اصحابها هيحكو عنها احسن منى بكتير لان فى تفاصيل فى الاوبشن مش بتبان غير للمالك وللى راكب العربية فعلا فياريت لو حد من ملاك الانسر يوصف لحضرتك اهم الاوبشنز الىل عجباه ومهمة اه نسيت اقول لحضرتك ان ارقام مواصفات الانسر انا جايبها من كتالوجها ومن وكيلها المعتمد فى مصر ! كدة اعتقد اكون غطيت لحضرتك معظم الجوانب ولو فى اى استفسار اخر انا تحت امرك وربنا يهديك لقرار كويس ومناسب ليك وللمبلغ اللى معاك ان شاء الله وياريت بلاش اى تعليقات غير مجدية على الموضوع لان كدة احنا هنشتت الراجل مش هنساعدة وكل واحد يتكلم يفتكر انه بيكون سبب فى ان صاحب الاستفسار ياخد قراره فا ياريت نتقى الله فى اللى بنقوله التعديل الأخير تم بواسطة abdo ; 02-04-2009 الساعة 07:38 AM
|
 |
|
|
