مشاكل اﻹسبيرانزا من وجهة نظرى

[tarek elbadry]

يا اخوانى العربيات الصينى عاملة زى البطيخة
وفية حاجة كمان لو حد كان راكب فبل كدة مثلا لاادا او فيات 128او 127 او ريتمو المودلات دى وركب اسبرنزا هيلاقيها جمدة علشان فى فرق بنها وبين القديمة الى كان ركبها ودى تقريبا اغلبية الى ركبينها وعلى فكرة ليا واحد قريبى كان راكب لادا وجاب 516 عجباة اوى كانو راكب مرسيدس ومديرى فى الشغل كان معاة شهين جبها طاير بيها
اما الى كان راكب عربية مثلا تيوتا الخ وجة ركب الاسبرانزا ها يطلع القطط الفطسة فيها انا شايف العربية حلوة وكويسة وقطع الغيار ها ترخص دى بقت تاكسى وها تلاقى ليها ميكانيكية يشتغلو فيها بس الصبر وكفايا انك راكب زيرو احسن من الى ماشى على رجلو
مش كدة ولا اية
ربنا يباركلك فيها

[mahmooud135]

كلام حضرتك جميل يا استاذ طارق بس الصينى صينى يعنى تقدر تقول العربية دى عاملة زى الموبايل الصينى شوف بئقة الموبايل الصينى سامع عنة اية

[kiobed2009]

المشاركة الأصلية كتبت بواسطة mahmooud135 كلام حضرتك جميل يا استاذ طارق بس الصينى صينى يعنى تقدر تقول العربية دى عاملة زى الموبايل الصينى شوف بئقة الموبايل الصينى سامع عنة اية

كلام حضرتك جميل جدا وانا موافق عليه
بس تعالى نتكلم بى عقل ايه الى فى بلدنا مش بقى صينى
لاب توب صينى واحسن واشهر الماركات
كامبرات ديجتال
كل حاجه بقيت صينى
قطع غيار لسيارات زى لادا فى توكيلها قطع غيرها صينى
ياجماعه مش مهم صينى او غيره المهم الانسان الى بيتخدم المنتج فى ايده انه يحافظ عليه وفى ايده انه يبهدله
احنا بنحب نبهدل الحاجه الى معانا علشان نشوفها هتستحمل ولا
الصين بقى عملت عربيات علشان منبهدلهاش وكله بيرجع للمستخدم زى منا قولت فى راى

[mahmooud135]

المشاركة الأصلية كتبت بواسطة kiobed2009 كلام حضرتك جميل جدا وانا موافق عليه بس تعالى نتكلم بى عقل ايه الى فى بلدنا مش بقى صينى لاب توب صينى واحسن واشهر الماركات كامبرات ديجتال كل حاجه بقيت صينى قطع غيار لسيارات زى لادا فى توكيلها قطع غيرها صينى ياجماعه مش مهم صينى او غيره المهم الانسان الى بيتخدم المنتج فى ايده انه يحافظ عليه وفى ايده انه يبهدله احنا بنحب نبهدل الحاجه الى معانا علشان نشوفها هتستحمل ولا الصين بقى عملت عربيات علشان منبهدلهاش وكله بيرجع للمستخدم زى منا قولت فى راى

انا مع حضرتك فى الكلام دة بس بالنسبة للاشهر الماركات العالمية لصناعة الاب توب هى فعلا صينى بس فى صينى عن صينى يفرق بمعنى ان عليها رقابة جودة لكن مين يصدق ان ابوالفتوح يغير تيل الفرامل ويركب تيل تانى وحش جدا يبقة هو دة الصينى اما يغير المساعدين بتوع شيرى ويحط مساعدين تانين يبقة فين رقابة الجودة
ممكن كمان تكون المتسوبيشى متصنعة فى الصين لكن اسم متسوبيشى له تاريخ يبقة لازم يصنع العربية تحت مواصفات معينة مش زى الاسبرانزا

[مهند سالم]

الشركة المحترمة هي إلا تطلع كل قطعة بنفس مواصفات الجودة والتقفيل الجيد؛ لأن الشركات المحترمة هي إلا بتحط المنتج بتاعها تحت اختبارات كثيرة للجودة والسلامة قبل ما تنزله السوق، أما الشركات إلا بتعاملك على قد فلوسك فالمنتج بتاعها بيبقى عامل زي البطيخة، وإنت وحظك، ممكن يضرب حظك في قطعة متقفلة كويس، وممكن تلاقيها زي الزفت، وعلى قد فلوسك، هو ده المنطق إلا الصين بتعاملنا بيه، زي أي حاجة صيني، ممكن تجيب منبه صيني ب13 جنيه، ويعيش معاك سنة ولا اثنين ما تشتكيش منه، وممكن تجيب واحد يبوظ بعد يومين، ولذلك أنا لا أجيب الصيني إلا إذا كان ببلاش وعليه كمان قطعة هدية، وشكرا ليكم