اشتري بي واي دي الجديدة 2015 ال 3 ولا اف 3 ولا اجيب مستعمل ؟؟؟؟؟

[Islam Dolaify]

ازيكوا يا جماعة انا جديد في المنتدي هنا وكنت عايز اسال سؤال مهم ليا
انا معايا عربية شاهين مستعملة وكنت بفكر ابيعها واحط ثمنها مقدم عربية زيرو بس متذيدش عن 100 الف جنية لاني مش هقدر علي اقساط اعلي من المبلغ ده وكنت بصراحة بفكر في حاجة اتوماتيك عشان انتو عارفين الزحمة وكنت بقارن بين العربيات ولاقيت ان العربية بي واي دي مناسبة كسعر وامكانيات ولاقيت وكيل الامل بتاعها منزل ال 3 وهي كشكل رائع واوبشن عالي بس لاقيت ان ماتورها متغير والفتيس بتاعها القديمة المنتشرة في السوق وقطع غيارها لسه مش موجودة في التوكيل حتي ولكن فيه ناس قالتلي ان قطع الغيار هتكون متوفرة خلال 3 الي 4 شهور بالكتير بس بصراحة متخوف لان فيه ناس اشتريتها ولاقيت فيها بعض المشاكل ومحتاجة قطع غيار زي علبة الدريكسون في العفشة مش موجودة حتي في التوكيل وده قلقني جدا بس كامكانيات وسعر هي مناسبة جدا ليا فياريت حد يفيدني من الاخر اجيب بي واي دي ال3 ولا اف 3 الجديد ( مع العلم بانهم نفس الماتور الجديد بواسطة بي واي دي وليس المتسوبيشي المعروف وكذلك الفتيس الجديد والاختلاف فقط في الشكل الخارجي ) ولا اشوف مستعمل منها ولا اصرف نظر عنها خالص
ياريت الافادة السريعة لاني ساقوم بالحجز كحد اقصي الاسبوع القادم ان شاء الله
وقبل ما احجز لو فيه اي حاجة ياريت تقولولي عشان اخد قراري وشكرا

[mismail_2000]

أنصحك تبعد عن الصينى لأنك كنت سايق شاهين والفرق في المتانة كبير. في الفئة السعرية اللي بتتكلم عليها حتى 100000 جنيه عندك ثلاث إختيارات

1- شيفروليه أفيو أوتوماتيك 1500 سي سي جميع الكماليات سعرها 102990 جنيه



2- متسوبيشي أتراج أوتوماتيك 1200 سي سي جميع الكماليات سعرها 103000 جنيه


3- بروتون بيرسونا 1600 سي سي جميع الكماليات سعرها 110000 جنيه


في عربيات ممتازة تحت 100000 لكن ليست أتوماتيك

1- رينو لوجان 1600 سي سي جميع الكماليات سعرها 86400 جنيه



2- رينو لوجان 1600 سي سي جميع الكماليات هاي لاين سعرها 95000 جنيه

[Islam Dolaify]

شكرا اخي علي الرد
اعتقد ان الافيو او الرينو هي الاقرب