الي خبراء القيادة ادخل فورا

[douha_nour]

جربت من ومين وطلعت علي الكورنيش بجد حاجة وحشة قوي الناس طايرة وبتعدي من اي حته مشيت مين بس مش يمين قوي لقيت الناس بتعديني من اليمين جنب الرصيف رغم ان المسافة ضيقة وانا راجع رايح المنتزة مشيت شمال جنب الجزيرة بس اليوترنات مقرفة ولو سرحت تدخل في الرصيف وجربن النص زفت مش عارف والله اعمل ايه شوفولي حل وجربت امشي من جوة شارع ابقير زحمة مووووووت

[douha_nour]

جربت من ومين وطلعت علي الكورنيش بجد حاجة وحشة قوي الناس طايرة وبتعدي من اي حته مشيت مين بس مش يمين قوي لقيت الناس بتعديني من اليمين جنب الرصيف رغم ان المسافة ضيقة وانا راجع رايح المنتزة مشيت شمال جنب الجزيرة بس اليوترنات مقرفة ولو سرحت تدخل في الرصيف وجربن النص زفت مش عارف والله اعمل ايه شوفولي حل وجربت امشي من جوة شارع ابقير زحمة مووووووت

[نوجا28]

يعنى حضرتك بجد ضحكتنى يمين وشمال ووسط مش نافع خلاص ركب للعربية خياشيم وخليها تعوم فى البحر ههههههههههههههههههههه
والله يا سيدى الفاضل ده بقى حال كل البلد كله طالما بيعرف يدوس بنزين بيسوق بالفهلوة ولا فى قواعد ولا غيره لان لو فى قواعد فى اى مكان اساسا عمر ما هيكون فيه زحمة لو السير منتظم
وربنا معاك ويحميك انت واولادك من شر الطريق يارب

يا باشا ده حال مصر دلوقتي يمكن علشان حضرتك لسه في بداياتك بس اوعدك انك هتتعود علي كدا

ده انا بقا ادمان بالنسبالي المشي في الزحمه معرفش اقعد يوم من غير ما انزل بالعربية في الزحمه

المهم ربنا يسترها عليك وعلي اسرتك واهم حاجه ماتخدش بالعربية اي خطوة يمين او شمال الا لما تبص علي مرياتك الجانبية بحرص وفي لمح البصر وربنا يسترها عليك وعلينا

[احمد على 1999]

استاذ ضحى انا بسوق من سنة 90 و لغاية دلوقتى اقسم بالله العظيم بنزل من البيت و اركب العربية و عارف و متأكد بنسبة 100% انى حخبط او حتخبط بالاخص على الكورنيش علشان كده بقول الادعية الحافظة و الحمد لله عمرى ما اتخبطت (بفضل الدعاء) و المرات الى اتخبطت فيهم كنت فعلا نسيت الدعاء
فتوكل على الله وخد بالاسباب و الخوف ظاهرة صحية للسواقة فى بلدنا

1. ظبط المرايا اليمين و الشمال انك يا دوب تبقى شايف طرف الرفرف الخلفى
2. المرايا الى فى النص توريك يمين اكتر و توطيها بحيث تجيب اقصى امتداد لورا
3. حاول تبقى ملم بقدر الامكان بالعربيات الى جايه من ورا بحيث لو واحدة اختفت فهى غالبا فى نقطة عمياء يعنى يا يمينك بحيث طرفها الامامى شمال بمحاذاة طرفك الخلفى يمين او على شمالك وراك بس بينكم مسافة عرض عربية تقريبا
4. اظبط وضع الكرسى بحيث يبقى كوعك مثنى و انت ماسك الدركسيون لان معظم الشباب بيرجع الكرسى ورا علشان تبقى ايده مفروده و شكلها شيك و دى كارثة
5. ايدك الاثنين على الدركسيون
6. ركز قدامك متسرحش ورا كتير البص على المرايات الى ورا دوريا و لجزء من الثانية
7. و للتغلب على النقطة العمياء يعنى الحاجات الى مش باينه فى المرايات
   1. اولا الاعتماد على صوت حركة العربيات المحيطة
   2. ثانيا ادى اشارة لو امكن و استنى وهلة
   3. خش يمين او شمال بهدوء بلاش الحود الحاد الا لو متأكد 100%
   4. لو حد زمر بتوتر و مش شايفه و الصوت جى من الناحية الى انت رايح لها وقف الحود و ثبت مسارك او رد العكس بشويش
   5. ممكن تكشف جزء من النقطة العمياء للجنب الشمال قبل ما تحود شمال انك تميل بجسمك لقدام و يمين و انت باصص فى المرايا الشمال حتكشفلك معظم الطريق
   6. و تكشف يمينك بالمرايا الى فى النص و اليمين و لو مش متأكد بصه سريعة براسك
8. المفروض كل الى فات و انت مش ناسى الى قدام لان الموقف قدامك ممكن يتغير فى جزء من الثانية
9. اوعى تستخدم التليفون كارثة
10. كل الى فى العربية يربط الحزام و لو مفيش يبقى الصغيرين ورا الكراسى الى قدام اوعى يبقى حد قاعد ورا فى النص و مش مربوط كارثة
11. اوعى الى جانبك يشيل طفل على حجره و يقول انا ماسكه (الطفل الى وزنه 5 كجم بيوصل ل 110 كجم لقدام لو العربية خبطت على سرعة 40 كم / س بس)
12. لو فاتك لفة او حودة اوعى تعمل حركة مفجأه كرد فعل لتنبيه الى جانبك اثبت على مسارك و امشى كتيييير و لف من الى بعدها
13. توقع ظهور مشاة بيعدو الطريق و ده انتحار فحلو اوى على الطريق ده 60 و انا لما بزود اخرى 70 او 80 حسب حالة الطريق

أأمن حاجة فى رايى الحرة الشمال الى لازقة فى الجزيرة و فعلا غلاستها فى اليو تيرنات بس هما عاملين علامات قبلها و عين قطة قاسمه الحرات بتاعة الى عايز اليو تيرن فمن قبلها ابتدى خش يمين بالراحة على اول حارة مش فى اليوتيرن

و ربنا معانا كلنا