أساسيات قيادة البايك.

[Injection]

المشاركة الأصلية كتبت بواسطة سيد عبيد طب مثلا الزرار الاحمر اللى جمب البكره ده اسمو ايه وايه فايدته واستخدمه امتى

الزرار ده ياباشا بيستخدم فى تدوير البايك, تشغيل الموتور يعنى, أغلب البايكس بتختلف فى طرق التشغيل, سواء كهربائيا بمارش أو يدويا زى الموتوسيكلات الصينى والفزبا.

المهم, الزرار ده أسمه kill switch, وعلشان نعرف وظيفته, هنشوف البايك بتدور أزاى.

أول حاجة حضرتك بتحط المفتاح فى البايك, وبعدين تدوره علشان تقدر تشغل الموتور.

بعد كده الموتور بيدور بزرار هنطلق عليه أسم ستارت, الزرار ده بتدوس عليه لما المفتاح يبقى فى البايك علشان تدورها, بس لازم تكون ممور البايك, وفى أغلب البايكس لازم تكون دايس دبرياج كمان.

وهنا تأتى أهميه الزرار الأحمر, لو الكيل سويتش ده مفتوح, البايك مش هتدور أبدا, ولو مقفول, بعد متدوس على زرار أستارت البايك هتدور.

وده فايدته أن لو حضرتك لا قدر الله وقعت والبايك لسه شغال, البايك هيقعد يخمس على الأرض لوحده, وطبعا ساعتها مش هتعرف تمسك المفتاح وتدوره علشان تقفل الموتور, فبتدوس على الكيل سويتش وهو يقفل الموتور بلمسه.

من الأخر, لو الزرار ده مفتوح البايك مش هتدور, ولو دوست عليه والبايك دائرة البايك هتبطل, بس كده.

ولو لغة حضرتك الأنجليزية كويسة ممكن تبص على الرابط ده
http://motorcycles.about.com/od/howt..._To_Ride_7.htm

[سيد عبيد]

شكرا على الشرح الممتاز ياباشا بجد انا استفدت شكرا جدا

ممكن سؤال تانى ؟؟

فوق الزرار الاحمر فيه علبه مربعه دى بتاعت ايه وفيه علبه زيها النحيه التانيه برضوا بتاعت ايه وانا شفت فى كذا بايكرز ان موجود علبه واحده مش اتنين

[سيد عبيد]

وبالنسبه لـ kill switch هو فيه علامتين انهو علامه يبقى مفتوح وانهو يبقى مقفول

[MO]

سؤال بس
هو ترتيب النقلات كالاتي !!!5 4 3 2 1st n

[Injection]

المشاركة الأصلية كتبت بواسطة سيد عبيد شكرا على الشرح الممتاز ياباشا بجد انا استفدت شكرا جدا ممكن سؤال تانى ؟؟

المشاركة الأصلية كتبت بواسطة سيد عبيد فوق الزرار الاحمر فيه علبه مربعه دى بتاعت ايه وفيه علبه زيها النحيه التانيه برضوا بتاعت ايه وانا شفت فى كذا بايكرز ان موجود علبه واحده مش اتنين

بص ياباشا دى صورة فيها المفيد



فى الدائرة الكبيرة اللى على اليمين, أول حاجة من فوق هى الكيل سويتش, تحتيه بيكون زرار الستارت بتاع البايك, ده المقبض اليمين.

الشمال, أول حاجة بيبقى مفتاح النور العالى والواطى, وتحتيه بيكون مفتاح الأشارات, وجنبهم زرار الكلاكس.

والتحكمات فى معظم البايكس متشابهة, لكن زيها زى العربيات فى أختلاف بين الموديلات والشركات فى أماكن بعض التحكمات, ودى بتعرفها أول ماتركب البايك زى أى عربية.

أما لو قصد حضرتك فى السؤال أصلا على الصندوق الأسود الكبير ده, فده ماستر الفرامل.

المشاركة الأصلية كتبت بواسطة سيد عبيد وبالنسبه لـ kill switch هو فيه علامتين انهو علامه يبقى مفتوح وانهو يبقى مقفول

فى أغلب البايكس بيبقى عليه الشكل ده



وطبعا الدائرة الكاملة معناها أنه ينفع تشغل الموتور, اللى عليها شرطة معناها مينفعش علشان المفتاح مفتوح.

ولو تلاحظ مفتاح النور فى البايك دى على اليمين مش الشمال.

وفى بايكس بيبقى المفتاح عليه on و off زى أى مفتاح كهرباء.

المشاركة الأصلية كتبت بواسطة MO سؤال بس هو ترتيب النقلات كالاتي !!!5 4 3 2 1st n

أسـأل براحتك ياباشا, وهو ده فعلا ترتيب النقلات.