اسعار قطع غيار فورد اسكورت خدعوك فقالوا الاسكورت قطع غيارها غالية

[vet mohamed]

السلام عليكم ورحمة الله وبركاته
طبعا كله عارف ان اول حاجة مهمة فى العربية قطع غيارها موجودة ولا لا واسعارها عاملة ايه .....وللاسف اللى ميعرفش دايما بيفتى وده ضيع عربيات محترمة كتيرة وسواسعرها بحاجات لا يطلق عليها عربيات
المهم بدون رغى كتيير انا حبيت اقدم ليسته باسعاربعض قطع غيار عزيزتى الاسكورت من خلال تعاملى الواقعى معاها (بس اكيد مش غيرت كل الحاجات ديه )
نبدا بالشاسيه
1-الاكصدام الامامى جديد ب 550 جنيه - استيراد ب 300 جنيه (ويمكن الفصال حسب الحالة)
2-الفانوس امامى جديد ب 350 جنيه - استيراد (افضل ) ب 150 ل 200 جنيه
3- بربريز زجاج امامى ب 250 جنيه
4- اكصدام خلفى ب500 جنيه جديد -300 جنيه استيراد
5-فانوس خلفى ب 150 جنيه استيراد
6- زجاج خلفى ب450 جنيه
7-جوزمرايات ضم ب 200 جنيه استيراد

نخش فى الميكانيكا لل (1300cc )
1-ماتور كامل بالفتيس استيراد ب3500 ل4000 جنيه
2- شورت بلوك استيراد ب 2000 ل2500
3-كاربراتير استيراد ب300 جنيه
4-وش سلندر استيراد ب 1000 جنيه وممكن الفصال
5-وش سليندر جديد ب3000 جنيه
6-جوان وش سليندر ب50 جنيه
7- سيركاتينة جنزير مبيتغيرش الا فى العمرة
8-سير دينامو ب10 جنيه -ترموستات 20 جنيه (بتوع ال128 ) هما هما
9-كبالن ب 250 جنيه جديدة تركى
10- قاعدة الماتور ب280 جنيه و2 الفتيس ب550 جنيه جديدة ...لايحبز الاستيراد
11- طقم شنبر كامل ب 350 جنيه

العفشة
1- جوز مساعد الامامى المانى جديد800 جنيه (تمنهم بيتغير كل شوية بس هما فى الرنج ده ) -استيراد بالسوست والبطاحات ب 500 جنيه (لايحبز )
2-جوز مساعد خلفى المانى جديد ب700 جنيه
3- جوزمساعد امامى تركى ب 600 جنيه
4-جوزمساعد خلفى تركى ب500 جنيه
5- علبة دريكسيون ب 450ج تركى
6- مقصات ب 400 ج

الكهرباء
1-علبة العدادات استيراد ب200 جنيه
2-درعات النور كاملة ب150 جنيه استيراد
3-التابلوه كامل ب 800 جنيه استيراد

اللى خالنى اعمل الموضوع ده لانى حاسس ان العربية ديه حقها ضايع اووى فى مصر وعربيات اقل منها بكتيير وتلاقيها اغلى منها وهنروح بعيد ليه كانت معايا الكيا برايد وبجد اسعار قطع غيارها اغلى من الاسكورت ساعات الضعف
يلا اعتذر على التطويل عليكم وياريت لو حد عنده تكمله يفيدنا بيها

ملحوظة * الاسعار ديه بواقع السوق خلال شهر 4 /2013

[محمد اشرف]

هى الاسعار مبالغ فيها جدا على عربيه فى موديلات التسعينات واول الالفينات بس انت ايه رايك فى الفورد فيستا موديل 98 او 99 لو حضرتك تعرف اسعار قطع غيارها او ايه رايك فيها و تسلم على الاسعار

[vet mohamed]

وايه فى العربيات هنا فى مصر مش مبالغ فيه ....ياراجل بلاش نتكلم .... بس الحكم هنا بيبقى المقارنة بباقى اسعار قطع غيار العربيات فى نفس الموديل ..وهى على كده كويسة ..بل العكس يوم ماتركب فورد ب 30000 ج احسنلك مليون مرة لما تركب لمؤخذه بواقى عربيات زيى الاكسيل او الانوس تسعينات وبتسمع فيهم ارقام غريبة
المهم بالنسبة للفيستا فهى عربية جميلة جدا بالنسبة لفئة الهاتشباك الصغير ... فخمة جدا من جوا (وبيبقى حسب اللى مستخدمها قبلك ) وكلمة حق افخم من الاسكورت فى شكل التابلوه ...كويسة جدا جدا على الطريق بمقارنة بباقى العربيات اللى فى حجمها ..تحسسك ان راكب عربية 2010 ...جميع موديلاتها المانى الصنع...قطع غيارها معمرة جدا زيى بقيت الفورد ...العيوب اللى شفتها الشكل القديم بتاعها مش حلو اوى والالفينات مقبول نسبيا.. التكييف بيبقى وحش اووى على الماتور وبيخليه يخف بسرعة خصوصا ال1100 cc.. بالنسبة انها عربية صغيرة فبتبقى خفيفةشوية على الطريق بعد ال120 ...الصالون ضيق شوية ...بالنسبة لقطع الغيار فهى اسعارها اقل من الاسكورت بحاجات بسيطة ...تمنها بيتراوح من 16 ل 25 الف جنيه حسب الحالة والكماليات ....وانا عن نفسى فضلت الاسكورت لما جييت اشترى علشان مساحة الصالون والشكل الخارجى والثبات على السرعات العالية ..تمشى 180 وثبات ماشاء الله

[sayed2077]

فعلا مفيش حد بيقول على حاجته وحشه لو واحد راكب لانوس هيقولك عربيه اوبشن وتكيف وباور وقطع غيارها رخيصه لو واحد راكب مرسيدس هيقولك عربيه فخيمه لو واحد راكب فيات 128 هيقولك ديه انا بجيب حاجتها من البقال لو واحد راكب بولونيز او 124 او 125 او 131 او 132 او شاهين او ما يشبههم هيقولك عربيه من حديد ميهمنيش من حاجه لو حد راكب امريكانى اللى بيبقى 5000 سى سى او جيب او كده هيقولك انا راكب وحش مش عربيه ففعلا صدق اللى قالى محدش بيقول على حاجته وحشه وعلى فكره انا لا اقصد تريقه نهائيا والله ولكن اول ما قريت الموضوع وشوفت اسعار قطع غيارها قعدت اضحك فعلا على فكره قطع غيارها مبالغ فيها بالنسبه لحجمها وامكانيتها وغير كده حضرتك بتقول دى فورد بس فيه فرق دايما بين فورد الامريكى اللى اقل ماتور فيها 2000 سى سى وحضرتك طالع وبين فورد 1300 سى سى

[sherifabden]

انا شايفها اسعار كويسة على عربية زي الاسكورت