مساعدة لاخوكم عشان نفسى انام مرتاح عن الفتيس والباور

[حسام البورسعيدى]

المشاركة الأصلية كتبت بواسطة memodina1 معايا فيرنا وكنت ماشى 50000 ورحت التوكيل عند زميل ليا وقالى ما تعمل صيانة قلتة اغير اية ما تقولى قالى انت ماشى كام قلتة 50 قالى طيب لازم تغيير زيت الفتيس المانيوال قلتة ازاى انا بزودة بس قالى ماشى بس لية عمر ويتغير عشان الفتيس يعيش قالى كمان اغير المية اللى فى الريدادير كلها طب اية كمان قالى خرطوم الباور بيرشح غير دول ونشوف هنعمل اية تانى بس اهم حاجة دول دخلت قالى الفتيس عندى موبيل مش شل وممتاز موبيل قلتلة تمام كام لتر قالى هنحط 2 لتر قلتة الكاتالوج كاتب 2.15 قالى ما فى كمية صغيرة جدا بتبقى موجودة تحت طبة القياس وبرضة هوريك الطبة وهى بتسيل عشان تتاكد خلت وشوفت وفعلا سيلت سوالى هنا هل معنى انها تسيل تبقى تمام والاخوة قالولى غيرة وهو بارد ولكن انا مقدرش اقعد 3 او 4 ساعات عشان يبرد خالص انا قعدت ساعة كدة لحد ما ايدى احطها على الفتيس الاقية سخن شوية بس مستحملة وعادى جدا فقلتلة حط والامر لله مش هينفع اخليك تستنى اكتر من كدة فهل دا غلط انى احطة وهو سخن شوية كدة يعنى اقدر احط ايدى على الفتيس عادى تانى حاجة غيرلى المية وحطلى فوق الفل بتاع القربة عشان قالى انها هتنقص تانى لما الدروة تمشى ومشيت حوالى 10 كيلو ومنقصتش لسة فهل عادى اخليها فوق الفل اخر حاجة غير الخرطوم بتاع الباور وطبعا الزيت سقط على الارض هنا بقى السؤال المهم قلتة هتحط زيت باور اية ام حط موبيل زيت فتيس اتوماتيك قلتة ازاى دا بتاع فتيس قالى احنا بحط بتاع الفتيس الاتوماتيك للباور عادى وممتاز ولا تقلق والصراحة قلقان جدا مع انة توكيل غبور وكدة ببس متحير فهل عادى ولا كدة غلط ممكن اعرف السؤال دا بالذات الباقى عادى انما دا اللى مخوفنى اوى اوى اوى بالله عليكم تردوا عشان ارتاح لانى متحير جدا ولكم جزيل الشكر

متقلقش خالص انت كده صح ...

بالنسبة للميه لو فوق الـ max بحاجة بسيطة مفيش مشكلة .. اما لو مليانة ع الاخر يفضل سحب شويه ميه منها ..

بالنسبة لزيت الباور متقلقش .. زيت الباور هو نفسه زيت الفتيس الاتوماتيك .. لأنه زيت هيدروليكى ...

[memodina1]

المشاركة الأصلية كتبت بواسطة AboNoRa بالنسبة لزيت الفتيس انا من المقتنعين بتغييرة دورياً فعلاً بس موضوع زيت الباور ده مش عارف

المشاركة الأصلية كتبت بواسطة tarbook انا على نفسى بحط زيت البور فى الفيتيس بدل الفالفلينا عشان السرعات العاليه وسرعه استجابه الحركه فى الفيتيس وعشان برده مبيتاثرش بالحراره بيفقد الحراره بسرعه والكورنه شيل 90 عادى لكن ازاى زيت تقيل زى الفالفلينا يتحط فى طرمبه ضخ صغير زى بتاعت البور الله اعلم بس هوه زيت تقيل انا مستغرب

المشاركة الأصلية كتبت بواسطة حسام البورسعيدى متقلقش خالص انت كده صح ... بالنسبة للميه لو فوق الـ max بحاجة بسيطة مفيش مشكلة .. اما لو مليانة ع الاخر يفضل سحب شويه ميه منها .. بالنسبة لزيت الباور متقلقش .. زيت الباور هو نفسه زيت الفتيس الاتوماتيك .. لأنه زيت هيدروليكى ...

والله يا اخوانى انا بشكركم جدا على الردود وفعلا الواحد بيستفاد منك والحمد لله طمنتونى وشكر جدا للاستاذ حسام البورسعيدى وكل الاخوة

[tarbook]

المشاركة الأصلية كتبت بواسطة حسام البورسعيدى متقلقش خالص انت كده صح ... بالنسبة للميه لو فوق الـ max بحاجة بسيطة مفيش مشكلة .. اما لو مليانة ع الاخر يفضل سحب شويه ميه منها .. بالنسبة لزيت الباور متقلقش .. زيت الباور هو نفسه زيت الفتيس الاتوماتيك .. لأنه زيت هيدروليكى ...

يعنى زيت الفلفالينا 90 التقيل هوه هوه زيت الفيتيس الاوتوماتيك الله العلم اول مره اسمعها فى حياتى كلها زيت الفيتيس تقيل زيت الباور خفيف

[حسام البورسعيدى]

المشاركة الأصلية كتبت بواسطة tarbook يعنى زيت الفلفالينا 90 التقيل هوه هوه زيت الفيتيس الاوتوماتيك الله العلم اول مره اسمعها فى حياتى كلها زيت الفيتيس تقيل زيت الباور خفيف

هو انا جبت سيره زيت الفالفالينا يا باشا ...

انا بقول زيت الفتيس الاتوماتيك هو نفسه زيت الباور ستيرنج (حتى العلبة مكتوب عليها انه صالح للاتنين) .. وده علشان الفتيس الاتوماتيك والباور فكره عملهم واحده " دائرة هيدروليكية " ...

اما زيت الفالفالينا ده الزيت بتاع الفتيس المانيوال والكارونة (فى الجر الخلفى) ..

[memodina1]