ايوة اخويا و أبن عمى ..... بس الرينو هى أمى

[RENAULT 18]

المشاركة الأصلية كتبت بواسطة tarek elbadry الرينو عربية محترمة جدا جدا ان شاء الله عربيتى التانية هاتكون رينو رينبو او 19

ربنا يباركلك فيها و تتربى فى عزك و الرينو 19 او رينبو عربيات 10/10

وشكرا لمرورك

[kira]

شكل الرينو هو البيخليها مكروهة غير كده هى ممتازه

المشاركة الأصلية كتبت بواسطة RENAULT 18 السلام عليكم و رحمة الله و بركاته تحياتى الى كل أعضاء المنتدى الكرام .... أما بعد : أولا و قبل كل شئ أحب أن أقول أنى عاشق لكل شئ يحمل علامة الرينو و لكن من حظى السئ ( الزفت ) انى ساكن فى الصعيد (أسيوط ) وده أكتر مكان مكروهة فى الرينو طبعا لإستحالة ايجاد قطع الغيار و مشاكل تانية كتير و فوق كل ده ربنا رزقنى بجيران رخمين كل عربياتهم بيجو و الشارع أساسا كله عربيات فرنساوى بيجو 504 ... بيجو 505 .... بيجو 605 ... رينو 18 طبعا أنا عربيتى الرينو و الباقى كله بيجو و بالرغم من أن كل الشارع اصحابى الا ان الصحوبية دى مرحمتش العربية من التريقة و انا فكرت أن عربيتى هى المضطهدة لكن لقيت أن كل موديلات الرينو مش عاجبة حد و كل واحد يعمل فيها مهندس ميكانيكة و كهربة سيارات و يقعد يطلع عيوب فى أى عربية رينو ... زى اللوجان مثلا عربية ممتازة و 10/10 بس فى ناس كتير مش عجباهم أنا عارف ان الدنيا أذواق بس متوصلش أن الناس يفضلوا الاسبرانزا على الرينو .... وفى بعض الناس مفكرة أن الرينو شركة تعبانة و أى كلام و عربياتها كلها فشنك و أنا هنا أعترض لو الرينو شركة تعبانة ايه السبب اللى يخلى مجموعة زى مجموعة دايملر الالمانية (مرسيدس + سمارت ) تعمل شراكة مع رينو الا إذا كانت الرينو شركة جديرة بالاشتراك مع مرسيدس و شراكة الرينو مع شركات تانية زى : نيسان ، داسيا ، سامسونج.. ما هى الا أدلة على ان الرينو من أفضل الشركات عالميا أنا عن نفسى مقتنع جدا بعربيتى الرينو 18 موديل 1979 ..... هى نفس موديل البيجو 504 بس الفرق بينها و بين البيجو 504 زى الفرق بين السماء السابعة و الارض السابعة .... هى عربية عمرها 30 سنة بس انا حاسس انها لسة شباب و مش حاسس انها قديمة و مهكعة زى عربيات تانية نفس الموديل و كفاية ان فيها تكييف و سخان زجاج و مساحات فوانيس و زجاج كهرباء و child lock زى اللى فى العربيات الجديدة انا بحب العربية وعمرى ما فكرت ابيعها انا كل ما اتمناه هو احترام الرينو فى مصر زى احترام البيجو ..... و على فكرة انا بحب و احترم جدا جدا جدا العضو بوب الجامد (pop el gamed ) و العضو رينجو ( ringoo ) لان أنا بحس فعلا انهم بيحبوا الرينو من قلبهم زييا انا آسف جدا جدا جدا جدا على الإطالة بس أنا حبيت أتفش شوية ..... و شكرا ودى شوية صور كده تزين الموضوع تحياتى

Renault Fuego

http://www.youtube.com/watch?v=HDPf1kMbCLE

Renault Alpine GTA

http://www.youtube.com/watch?v=ZJOUcP3u4o8

ALPINE TURBO

http://www.youtube.com/watch?v=oKaFtJYLU70

Renault Spider

http://www.youtube.com/watch?v=f-sCNtxAS74

Sport Spider

http://www.youtube.com/watch?v=kRRmDz3REMs

[engmish]

أنا كل فترة بيزيد اقتناعي بالرينو، أفضل ألف ودور على عربيات وفي الآخر أرجع أشوف إن الرينو أفضلهم.

ههههههههههههههههههههههه

هو لسه قانون الرينو معلق مع الناس اللي يسامح الميجان اللي خلت سمعة الرينو في الحضيض انا عن نفسي لو فكرت اني ابيع فيرنتي هجيب حتي رينو لوجن

مع اني كنت ضد الرينو لكن مع الانتشار الجيد للوجن ابتديت اغير فكرتي عنها نوعا ما