ستيب واى اه ولا لا ؟

[ahmedmohammed]

يا جماعة انا بجد العربية دى هتجننى مش قادر اخد قرار انى اشتريها لان شكلها عاجبنى وسعرها كويس وماركة محترمة بس كل حاجة فيها تقريبا مانيوال حتى الزجاج طلع نصه مانيوال والمرايات مش كهربا والشنطة مش بتفتح من جوه وسماعتين بس وحتى اماكن مفاتيح الزجاج الامامى مستفزة انا عارف ان كلها حاجات لا تقلل من العربية بس الواحد بيبقى عايز كده يحس بجمال العربية الجديدة وخاصة ان الحاجات البسيطة دى موجودة فى عربيات اقل منها للاسف - فعلا الحلو مايكملش-
انا عايز اسأل الناس اللى اشترت العربية فعلا عن ثبات العربية ولو حد سافر بيها يقولنا برضه عامله ازاى على الطريق
وعفشتها مريحة وناعمة ولا بتحس بالمطبات ؟
وصالونها واسع ولا لأ ؟
وهل الازرار و المفاتيح بلاستيك ردئ وضعيف زى ما الناس بتقول ولا ايه ؟

[ahmedmohammed]

المشاركة الأصلية كتبت بواسطة &yaso انا الحمد لله لسة مستلماها امبارح الدريكسيون لا مش متحرك بس مش متعب بصراحة فى السواقة مكانو كويس والمتور صوتو وانت برة العربية عالى سنا بس وانت جوة ملوش صوت وانا سمعت ان بعد صيانة الخمس الاف بيوطا وبلنسة ان فى سخونة فى دوسات العربية فدا مش صحيح خالصصص وكمان لو مشغل التكييف حتلاقى رجلاك سقعت اصلاا:0 بص هى عالية اوى فعلااا لدرجة انى حسة انى بسوق من فوق تربيزا وثابتة اوى بصراحة بردو ومن برة شكلها ملوش حل والكاسيت رغم انو سمعتين لاكن صوتوا جاااامد جدااا وعملين مكان لسمعتين ورا كمان بس فى حاجتيين هما الى مديقنى اوى بصراحة مكان الكلاكس وزراير الازاز وحاجة تانية مسببالى ازمة المريات اولا مش كهربا يعنى المراية اليمين دى مش عرفة بجد اتحكم فيها خالص والشمال المراية نفسها صغيرة يعنى لو شفت بيها الى جنبى مشفوش الى جى بعدية ولو بعدتها مشوفش الى جنبى تماما مش عارفة اية حالها:0

انا رحت EIM امبارح وسألت هناك على موضوع الدريكسيون ده وقالولى متحرك هو حضرتك متأكده فعلا انه مش متحرك ؟ حاجة مستفزة جدا لو الراجل مش عارف!!! وبالنسبة لموضوع الكلاكس ده هو مكانه فين بالظبط ؟

[&yaso]

المشاركة الأصلية كتبت بواسطة ahmedmohammed انا رحت EIM امبارح وسألت هناك على موضوع الدريكسيون ده وقالولى متحرك هو حضرتك متأكده فعلا انه مش متحرك ؟ حاجة مستفزة جدا لو الراجل مش عارف!!! وبالنسبة لموضوع الكلاكس ده هو مكانه فين بالظبط ؟

بصراحة انا بصيت تحت الدريكسيون مشفوفتيش اى مفاتيح بس حتاكد تانى واقلك والكلاكس فى دراع النور هو مستفز شوية بس حتتعود علية وهى كل حاجة فيها تقريبا كويسة نعمة وثابتا وواسعة وبلنسبة للشنطة هى تلما انت فاتح العربية حتلاقى الشنطة كدة كدة مفتوحة مش محتاج غير تدوس عليها والزراير الى حدا ما كويسة وعلى فكرة هما عملين ورا مكان للسمعات يعنى ممكن تركب فيها سماعات وعلى فكرة الكسيت كدة كدة صوتوا عالى جدااا وتحفة بصراحة اول متوصلو بموبيل حتلاقية اشتغل صوتوا نقى اوى

[linatrix]

انا برضو بصيت على العربيه امبارح مشوفتش دراع عشان تحريك الدريكسون بس شوف فى الفديوهات بتاعتها
عايزن الناس تقول لنا استلمت الدوسات الى مكتوب عليها ستيب واى منين عشان التوكيل بيقول مش عارف

بالنسبه للكماليات
بص العربيه دى فئيه مستقله بذاتها يعنى مش نص كماليات ولا فل اوبشن يعنى فيها حاجات من النص و حاجات من الهاى لين كمان
بص العربيه دى

[ahmedmohammed]

المشاركة الأصلية كتبت بواسطة &yaso بصراحة انا بصيت تحت الدريكسيون مشفوفتيش اى مفاتيح بس حتاكد تانى واقلك والكلاكس فى دراع النور هو مستفز شوية بس حتتعود علية وهى كل حاجة فيها تقريبا كويسة نعمة وثابتا وواسعة وبلنسبة للشنطة هى تلما انت فاتح العربية حتلاقى الشنطة كدة كدة مفتوحة مش محتاج غير تدوس عليها والزراير الى حدا ما كويسة وعلى فكرة هما عملين ورا مكان للسمعات يعنى ممكن تركب فيها سماعات وعلى فكرة الكسيت كدة كدة صوتوا عالى جدااا وتحفة بصراحة اول متوصلو بموبيل حتلاقية اشتغل صوتوا نقى اوى

اه اتأكدى كده تانى من موضوع الدريكسيون ده وقوليلى ربنا يكرمك
انتى عارفه انا اكتر حاجة خنقانى فى العربية ان المرايات مش كهربا بس بحاول اسأل اذا كان ممكن تتركب ولا لأ بس والله انتى فتحتى نفسى للعربية تانى