روحت التوكيل اعمل صيانة

[Moh.Osama]

المشاركة الأصلية كتبت بواسطة sameh2009 العفو يا استاذ وليد.احنا كلنا بنستفاد من تجارب بعض الصيانه كانت في العدوي وده بين مدينة المنصورة وسمنود , بس ياريت حد يرد عليا في موضوع ان صلاحية الزيت في المحرك 6 شهور والكلام ده صح ولا لأ؟

انا اعرف ان صلاحية الزيت يا 10000 كيلو يا سنة بس مش متاكد

[mokhtar872000]

السلام عليكم
شكرا للاخ العضو ضاحب الموضوع لفتحه موضوع مهم زى ده وياريت نقدر نساعد اى حد معاه لوجان هنا
اخى العزيز انا معايا لوجان 2010 وعامل تقريبا 21400 كم وعملت كل الصيانه اللى فى الجدول 5000 مجانيه تربيط وتزبيط و10000 كم كانت تغيير زيت 10000 كم وفلاتر بس فعلا مش فاكر غير ايه تانى لانها من فتره طويله وصيانه 15000 كم برضه تربيط وتزبيط وتشييك ومؤخرا صيانه ال20000 كم غيرت زيت وغيرولى فلاتر زيت وهوا وبوجيهات

قبل ماروح صيانه ال 20000 كان عندى الفوانيش الستوب الفرامل الخلفيه الاحمرمش شغاله مع الفرامل لما ادوس فرامل مابتنورش قلتلهمى التوكيل زبطوها وغيروها فى الضمان من غيرمادفع حاجه
انا بعمل الصيانه فى توكيل اسكندريه اللى ف ىالعامريه طريق السحراوى من غير حجز بروح على طول وهى ساعه ولا اتنين بالكتير وبتخلص لانى من دمياط واسكندريه اقرب
على فكره لو اتاخرت على الصيانه شويه ماتقلقش يعنى انا رحت عملت صيانه ال 20000 وانا عامل تقريبا 500 كم زياده مافيش مشكله بس برضه ماتحاولش تاخرها اوى

المشاركة الأصلية كتبت بواسطة samou07xp الى كل الخبراء فى اللوجان ايه هى الصيانه اليوميه و الشهريه لتعامل مع العربيه بمعنى تانى انا عامل بالعربيه حوالى 5000 و هاروح اعمل الصييانه بس لحد دلوقتى ولا زودت ميه للقربة التكييف ولا زيت زلا للريداتير بصراحه دى اول مره اشترى عربيه عايز نصايحكم

الف مبروك ياباشا على العربيه الجديده وربنا يعطيك خيرها ويكفيك شرها انت مش محتاج لاتزود ميه للتكييف ولا زيت زلا ميه راديتر ولا اى حاجه انت ان شاء الله تعمل صيانتك فى التوكيل وهما هيعملوا كل حاجه حتى تغيير ميه المساحات

المشاركة الأصلية كتبت بواسطة jamal jalal والله عندك حق اسعار قطع الغيار مكلفة شوية مع ان رينو انتشرت قوي ماشاء الله والبركة ف اللوجان انا عاوز اسأل يا جماعة لوحد يعرف ايه اللي هيتغير في صيانة اللوجان 20000 علشان انا مش عارف هدفه 750 جنيه ليه؟؟؟؟؟؟؟؟؟؟؟؟ ربنا يكفيكم شرورها ويحفظكم من كل سوء تحياتي والف مبروك على العربية الجديدة (على فكرة Logan مكملتش معايا 7 شهور وعامل بيها اكتر من 17500 كيلو...دابحها من الاخر :D:D)

انا لسه عامل صيانه 20000 كم من قريب وغيرت زيت 10000 كم وغيروا فلاتر زيت وهوا وبوجيهات ومعلش لو الصيانه غاليه شويه بس افتكر انك مش بتدفع الا كل 10000 كم وكمان بتكون فى المان ومش خايف من حاجه اى حاجه تحصل كده ولا كده هما بيغيروها لو طبعا عيب صناعه مثلا
الحال من بعضه ياباشا انا معايا بقالها تقريبا سنه و3 شهور وداخله فى 22000 كم بس معظم استخدامى سفر

[waleed_es]

ربنا يبارك فيكم يا اخوانى ويبارك لكل واحد فى عربيته، واضح طبعا من موضوعات كتيرة ان توكيل العامرية اكثر التوكيلات احتراما، ويا ريت الكلام ده يتنقل لتوكيل العبور، وبرجاء لكل عضو بيدخل يتفرج ويطنش يقول تجربته يحكيلنا على اللى حصله وهو بيعمل صيانة.

[waleed_es]

بداية شكرا لكل اللى ساهم فى الموضوع بتجاربه مع الصيانة فى التوكيل. أنا روحت امبارح عملت صيانة ال 15 الف فى توكيل العبور ومكانش عندى مشكلة ملحوظة فى العربية، بس قالولى ان التيل اللى قدام ممكن يقعد 3 الاف كيلو بس يعنى لحد 18 كيلو، وقالوا لازم يتغير دلوقتى او تيجى تانى عند ال 18، فبصراحة قولت اخلص واغيره، المهم كام بقى يا عمى، 355 جنيه منهم 48 مصاريف تركيب دا غير ضريبة المبيعات، طبعا كده كتير قوى بصراحة بفكر انى اغيره بره بعد كده بس مش عارف هيعرفوا دى ولا لا لانهم بيتحججوا وويقولك تخرج بره الضمان، بصراحة انا اصلا بفكر ونفسى اعرف رايكم فى الموضوع ده، انى الغى قصة الصيانات دى واشوف اى ميكانيكى او مركز محترم للرينو واتابع معاه فى نفس مواعيد الصيانات وانا متاكد انى مش هدفع عمرى اللى بيتدفع فى التوكيل. مستنى ردكم يا احبابى.