تاتا نانو يوروبا في صور جديدة

[horas3000]

المشاركة الأصلية كتبت بواسطة sam ram تسلم ايدك يا شريف باشا ... والصور دي فعلا جديده اول مره اشوفها ليها .... خصوصا تفاصيل الانتيريور والفرش الاحمر وفعلا يا احمد باشا انا كنت عامل موضوع متكامل عنها بالتفصيل الممل ... بس للأسف الصور طارت ... ربنا يسامحهم بقى مواقع رفع الصور ...

العفو يا زعيم علي ايه
و اذا كان كده ممكن ندمج الموضوعين

[horas3000]

احمد باشا اضاف اضافات جامده اهو
بس السؤال اليوربا هيبقي سعرها كام بعد الاضافات اللي عملوها دي
لاني بصراحة شايف الفرق بينها و بين العادية كبير
و اعتقد ان في فرصة و لو صغيرة نشوف النانو يوروبا في مصر

[sam ram]

المشاركة الأصلية كتبت بواسطة horas3000 العفو يا زعيم علي ايه و اذا كان كده ممكن ندمج الموضوعين

لا يا باشا متدمجش حاجه .... النانو ليها يجي 4 او 5 موضوعات مستقله ... ليه ندمج موضوعك في اي موضوع تاني ... والصور فعلا جديده وواضح انك تقصد تقارن بينها و بين العاديه


الموتور طبعا واضح انه مش امامي
ولا هو خلفي برضو !!!!!
الموتور مستخبي تحت الكنبه ptmnlo123per1147
... وده له أهداف تصميميه مهمه جدا :-
1- الاستبن قدام و الموتور الجبار ورا ... و بالتالي نسبه توزيع الوزن مثاليه 50 % - 50 %
2- ثبات عالي جدا على السرعات فوق 30 كم
3- تدفئه ذاتيه للاولاد ورا .... الموتور يسخن الاولاد يدفو ... و لاحظو ان التدفئه حتكون بعيده عن صدرهم علشان ميجلهمش برد
4- موتور خلفي = دفع خلفي .. وبالتالي تخفيض التكلفه ... وفرو تمن الكبالن أوالكورونا

تاتا اوروبا لسه مشروع بيتم دراسته و التجهيز له .. لكن سعرها مش حيقل عن الضعف ( 5000 دولار )

[ahmed_kamel]

ياباشا الموتور خلفي والخلفي هو الكنبه بالنسبه لمقاساتها ونقدر نقول عليه موتور وسطي برضه لأن الكنبه في نص العربيه أو موتور أمامي برضه لأن الوش زي القفا فمفيش مشكله في وضعية الموتور



ولكن الجديد هو أن الموتور ليس كل هؤلاء


إنه موتور برف قابل للإنزلاق زي العجله الإستبن الخلفيه في السيارات البيجو التي تنزلق من أسفل
وتحت شعار أمريكاني

كانت المعجزه






وإليكم إختبار التصادم الذي هزني ...!!!
أين ذهبت السياره
صحيح المقصوره طلعت سليمه لكن أين ذهبت السياره كلها ...لقد طارت وحلقت عاليا بعيدا خارج حدود المعمل الذي يصورون فيه

http://www.youtube.com/watch?v=ahw7-KarkWw

[horas3000]

المشاركة الأصلية كتبت بواسطة ahmed_kamel ياباشا الموتور خلفي والخلفي هو الكنبه بالنسبه لمقاساتها ونقدر نقول عليه موتور وسطي برضه لأن الكنبه في نص العربيه أو موتور أمامي برضه لأن الوش زي القفا فمفيش مشكله في وضعية الموتور ولكن الجديد هو أن الموتور ليس كل هؤلاء إنه موتور برف قابل للإنزلاق زي العجله الإستبن الخلفيه في السيارات البيجو التي تنزلق من أسفل وتحت شعار أمريكاني كانت المعجزه وإليكم إختبار التصادم الذي هزني ...!!! أين ذهبت السياره صحيح المقصوره طلعت سليمه لكن أين ذهبت السياره كلها ...لقد طارت وحلقت عاليا بعيدا خارج حدود المعمل الذي يصورون فيه http://www.youtube.com/watch?v=ahw7-KarkWw

جديد موضوع المتور ده
طب علي كده ده سهل السرقة و لازم تركبله قفل

و ايه اختبار التصادم ده
ده تجهيز المعمل تلاقيه اكلف اكتر من ال 2500 دولار سعر العربية