"بروتون" تنتج سيارة تعمل بالطاقة الكهربائية

[Nissan]

المشاركة الأصلية كتبت بواسطة فادى بس يا جماعة حد واخد باله من اوقات الشحن الرهيبة! 13 ساعة و 8 ساعات, حتى الشحن السريع (الغير موجود فى الحقيقة), 30 دقيقة, حد هيستنى العربية 13 ساعة لما تشحن, طب لو انا مسافر 500 كيلو مثلا, لازم اقف فى النص اشحن و انام جنبها. ربنا يخليلى الشاهين بشحنها بنزين فول تانك فى دقيقة و نصف و بتمشى بيهم 500 كيلو.

هى العربيات دى كهربة ولا هجينة؟

[فادى]

المشاركة الأصلية كتبت بواسطة Ahmed Anwer كان فيه اخبار يا سام باشا ان فيه عربية تويوتا بريوس لدي توكيل تويوتا بمصر منذ فترة تحت الاختبار الله اعلم ،، هتنزل امتي و لا مش هتنزل اطلاقا انا بس مش فاهم هيا العربيات دي بتشحن عاددي من الفيشة و لا ليها تجهيزات مخصوصة و لو هتشحن من الفيشة هاندخلها الصالون ازاي ،،، عشان تشحن

العربيات دى بتشحن من الفيشة عادى لكن محتاجة وقت طويل جدا,
و متنفعش هنا لسبب بسيط,
فى امريكا ناس كتير عندهم فيلا بجراج خاص, بيحط العربية فى الجراج و الجراج فيه فيشة كهرباء,
طب حد يقولى كام واحد هنا فى مصر ساكن فى فيلا بجراج خاص؟!
و لا هنزل سلك من شقتى لحد العربية!
باختصار هذه السيارات لا تصلح فى المدن الكبيرة مثل القاهرة و لندن و نيويورك, و لكنها قد تصلح فى اماكن غنية و واسعة المساحة مثل كاليفورنيا أو مدينة الرحاب حيث يمتلك كل مواطن فيلته الخاصة.

[sam ram]

العربيات الهجينه كمان بتبقى غاليه جدا ....
هي مش موضوع توفير بنزين على اد ما هواتجاه للمحافظه على البيئه النظيفه الخضراء
والشعارات الرنانه في اوروبا وامريكا فقط
وييجو عندنا يشترو شركات الاسمنت الممنوعه عندهم لتأثيرها المضر على البيئه!!!