لكل خبراء الرينو كليو

[nasr78]

مفيش رد يا جماعة ياريت حد يفيدنى جزاكم الله خيراا

[sayif]

عزيزي

افضل حل افتح الكوباية وشوف المشكلة الي بها

تحياتي

سيف

العراق

[nasr78]

انا لما لقيت الزيت بينقط خليت صنايعى فكلى الكوباية وغسلها بالجاز وقالى مفهاش كسر ولا حاجة ولكن فى الورشة قالولى ان الكسر عمرة مايكون باين

[albasha]

لو فعلاً شفت الكوبايه وطكشفت عليها ولقيت مش فيها حاجه لإن الكسر لا قدر الله بيبان بالعين المجرده
يبقي الإحتمال الأول إنه مغيرشي الجوان مع تغيير الزيت لإن الجوانين الداخلي و الخارجي بيتغيروا مع كل تغيير للفلتر وده الإحتمال الأقرب
الحل إنك تشتري فلتر تاني وتغير الجوان ومع تغييره تشتري بكرة تفلون ( من أي واحد بيبيع أدوات سباكه تقريباً تمنه 3 جنيه أو أكتر مش فاكر ) ويلف التفلون كويس جداً علي الزور العلوي اللي فيه القلاووظ بتاع الكوبايه مع إتجاه الرباط ويربطه بحرص في مكانه تاني وبكده الزيت هيقطع إن شاء الله
وكل لما تغيير زيت وفلتر تأكد علي تغيير الجوانات وبرضه تلف تفلون علي القلاووظ

[nasr78]

اخيرا عرفت السبب الحمد لله . روحت من كام يوم لمركز الصيانة اللى قدام ابو فارس السورى ( محترمين بجد ) وكشف على الكوباية ولقى فيها كسر صغير بسبب ان الصنايعى اللى ركبلى الفلتر (منه لله ) خبطة جامد فتكسر والحمد لله لقيت كوباية استعمال عنده ركبها ومسح الزيت القديم اللى واقع والحمد لله مفيش زيت نزل تانى وكله تمام . يعنى عشان اغير فلتر الصنايعى المحترم كسرلى الكوباية