لوجان ولا اسبيرانزا m11 بعد اذنكو ضروري جدا..

[mahshahin]

المشاركة الأصلية كتبت بواسطة may_moon911 ايه يا جماعه صلو عالنبي ف قلبكو كدا .. الخلاف كدا هايبقي نار عاللوجان و الاسبيرانزا ----------------------------------- ناخد الكلام خطوه خطوه احسن ولا ايه :- 1- اللوجان 1600 بس 8 صباب .. الام 11 1600 بس 16 صباب دا يعني ان موتور الام 11 اقوي بكتير من اللوجان و دا هايبقي واحد ف الاحصنه و العزم و بلاش موضوع استهلاك البنزين لان دي تكنولوجيا يا جماعه .. يعني ال ريو 1400 تبقي وحشه عشان 1400 ؟ اكيد لا و هما عاملينها موتور 1400 بس بيطلع قوه كبيره 2- الشكل .. من رايي اللوجان تفتقر للشكل الخارجي تماما و تفتقر لاي لمسه جماليه بعكس الام 11 و ف الاخر دي بتبقي ازواق بردوا 3- الارتفاع عن الارض .. اللوجان تكسب طبعا و بفرق كبير .. بس خلي بالك كل ما تعلي عن الارض كل ما يبقي الثبات بطاطا .... الام 11 واطيه علي الارض اه بس مش زي الفيرنا بتحك ف المطبات لا هيا واطيه بس ب عقل 4- وزن العربيه ... اللوجان اخف و بكتير جدا كمان و دا يخليها تسحب و تشد طبعا و حلاوه ... الام 11 تقيله جدا عن اي عربيه و بالرغم من ان الموتور 1600 الا ان ف طلعتو بيتعبك شويه و عايز تتعود علي سواقتها بس اول ما السرعه تعدي 20 او 25 بتبقي العربيه عاديه جدا بل و قويه زي الاوبترا كمان 5- الخامات .. ماقدرش احكم علي اللوجان اوي لاني ما ركبتهاش الا مره واحده .. الام 11 معايا و خامتها كويسه من رايي اكيد مش زي البي ام دبليو بس احسن من الافيو و الاوبترا و الفيرنا احسن منهم بكتير جدا .. اللوجان ماقدر احكم عليها بس اتفرج و احكم 6- التوكيل ... مافيش عربيه ف مصر توكيلها كويس مش هنضحك علي بعض .. بس معروف قطع غيار الرينو نااااار يا حبيبي نار حتي لو من برا التوكيل مش عارف ليه .. الام 11 قطع غيارها اتوفرت جامد ف الفتره الاخيره و بقت ماليه شارع دمشق و التوفيقيه و دا شيء كويس طبعا 7- صيني .. مغربي فكك من الكلام دا يا كبير .. و ما حدش يقولي اعتماديه و الصيني بيبوظ ... فك بطاريه موبايلك و قولي صناعته ايه كدا .... ولا التلاجه و الغساله و التكييف و البوتاجاز ...... مش هنضحك علي بعض احنا حياتنا كلها صيني و الاجهزه عايشه و ما بتقولش لا ........... و اي حاجة ياباني صيني هندي يوغوسلافي لو حافظت عليها هتحافظ عليك و لو ما حافظتش عليها ما ترجعش تشتكي منها .. يعني ما الاقيش حفره و امشي فيها و اقول العربيه وحشه خلاصه الكلام يا استاذي انا كنت واقع ف حيرتك من شهر بالظبط و استقريت عالام 11 .. رغم اني توكيلها مقرف شويه بس ايه يعني هو انا بروح للتوكيل كل يوم ..... المره اللي بروح فيها بزعق و اهلل و اديلو علي دماغو و بيعملي اللي انا عايزو ...... انا جبت الام 11 و مش هكدب عليك عندي تقفيل مش كويس ف الكبوت بس التوكيل ظبطو و مشكله ف حته جمب الولاعه اتكسرت من غير ما افتحها اوي بس دي حاجات جايز تحصل ف اي عربيه و انتا ليك القرار الاخير و لو عايز اي سؤال ف اي عربيه من دول قولي انا معايا ام 11 و عمي معاه اللوجان .. افترج عليهم و قرر و اسف عالاطاله أيمن

مشكلة اللوجان الحقيقة في قطع غيارها .... اسعار غريبة جدا
يعني انا قرأت موضوع لعضو ذكر فيه ان الكاسيت بتاعها بـ 2.700 جنيه
والطاسات بتاعت الكاوتش بـ 600 جنيه
والبقية تأتي طبعاً

[جورج شاكر شوقي]

m11 طبعا اولا قوة الموتور ثانيا صاج محمل ثالثا تعليق امامي مكفرسون وخلفي تعليق منفصل

mhamdy75, sherifabden


:GR OWIN~12::GROWI N~12:

[abo-gamal]

السياراتان اعتقد عمرهم فى السوق 3 سنوات وبمجرد النظر فى الشوارع نجد ان انتشار اللوجان كان اكثر من m11 بكثير وهذا يرجع الى ان الرينو ماركة محترمة لها اسمها وسمعتها وان السيارة فعلا ممتازة ولاقت استحسان مالكيها
اعتقد ان هذا يعتبر تصويت اكثر دقة مين فيهم الافضل

[ahmedramadanrashad]

للأسف مفيش مقارنه
m11 موتور وصاج وثبات وكماليات وشكل خارجي
ودي حاجات كلها مش موجوده في اللوجان
أنا رأيي الشخصي وعن تجربه m11 أفضل من اللانوس والفيرنا و حتي الأفيو اللي اغلي منها بـ 10 ألاف وتتفوق علي الأكسنت كمان في كذا حاجه
انا شايف انه المقارنة تكون مع حاجة زي اللانسر علي فكرة قريبة جدا جدا من الـM11 بس شوف فرق السعر
وفي النهايه أنا باركب عربيه أحس فيها اني مبسوط وخدت مقابل للفلوس اللي دفعتها مش مجرد انا راكب رينو ماركة فرنساوي وأسم كبير رغم انه اللوجان انا شايفها اصلا عربية متواضعه جدا
المهم القرار الأخير ليك وبالتوفيق